Moga News: ਪਿੰਡ ਬੱਧਨੀ ਕਲਾਂ ਵਿਖੇ ਲੰਘੀ 4 ਅਕਤੂਬਰ ਨੂੰ ਹੋੲੈ ਅੰਨੇ ਕਤਲ ਦਾ ਪਰਦਾਫ਼ਾਸ ਕਰਦਿਆਂ ਮੋਗਾ ਪੁਲਿਸ ਨੇ 2 ਮੁਲਜਮਾਂ ਨੂੰ ਗ੍ਰਿਫਤਾਰ ਕੀਤਾ ਹੈ।ਜਦਕਿ ਕਤਲ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਵਾਲੇ 3 ਮੁਲਜਮ ਹਾਲੇ ਭਗੋੜੇ ਦੱਸੇ ਜਾ ਰਹੇ ਹਨ। ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਡੀਐਸਪੀ ਨਿਹਾਲ ਸਿੰਘ ਵਾਲਾ ਅਨਵਰ ਅਲੀ ਨੇ ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਦਸਿਆ ਕਿ 4.10.2025 ਨੂੰ ਮ੍ਰਿਤਕ ਲਾਲੀ ਖਾਨ ਪੁੱਤਰ ਨਾਜਰ ਖਾਨ ਵਾਸੀ ਬੱਧਨੀ ਕਲਾਂ ਦੀ ਮੋਟਰਸਾਈਕਲ ‘ਤੇ ਸਵਾਰ ਹੋ ਕੇ ਆਏ ਤਿੰਨ ਨਾ-ਮਲੂਮ ਵਿਅਕਤੀਆਂ ਵੱਲੋ ਪੁਰਾਣੀ ਰੰਜਿਸ਼ ਦੇ ਚੱਲਦੇ ਰਾਡਾਂ ਦੇ ਨਾਲ ਕੁੱਟ-ਮਾਰ ਕੀਤੀ ਗਈ ਸੀ।
ਇਹ ਵੀ ਪੜ੍ਹੋ ਮੰਦਭਾਗੀ ਖ਼ਬਰ; ਪ੍ਰਵਾਸੀ ਮਜਦੂਰ ਦੇ ਦੋ ਮਾਸੂਸ ਪੁੱਤਰਾਂ ਨੂੰ ਸੱਪ ਨੇ ਡੰਗਿਆਂ, ਹੋਈ ਮੌ+ਤ
ਇਸ ਕੁੱਟਮਾਰ ਦੀ ਘਟਨਾ ਤੋਂ ਬਾਅਦ ਲਾਲੀ ਖਾਨ ਨੂੰ ਇਲਾਜ ਗੁਰੂ ਗੋਬਿੰਦ ਸਿੰਘ ਮੈਡੀਕਲ ਹਸਪਤਾਲ ਫਰੀਦਕੋਰਟ ਭਰਤੀ ਕਰਵਾਇਆ ਗਿਆ, ਜਿੱਥੇ ਇਲਾਜ਼ ਅਧੀਨ ਉਸਦੀ ਮੌਤ ਹੋ ਗਈ। ਇਸ ਮਾਮਲੇ ਵਿਚ ਪੁਲਿਸ ਨੇ ਨਾ-ਮਲੂਮ ਵਿਅਕਤੀਆਂ ਵਿਰੁਧ 6.10.2025 ਧਾਰਾ 103, 3(5) BNS ਥਾਣਾ ਬੱਧਨੀ ਕਲਾਂ ਵਿਖੇ ਕੇਸ ਰਜਿਸਟਰ ਕੀਤਾ ਗਿਆ।ਮਾਮਲੇ ਦੀ ਤਫ਼ਤੀਸ ਲਈ ਸੀਨੀਅਰ ਅਫਸਰਾਂ ਦੀਆਂ ਹਦਾਇਤਾਂ ਉਪਰ ਮੁਲਜਮਾਂ ਨੂੰ ਗ੍ਰਿਫਤਾਰ ਕਰਨ ਸਬੰਧੀ ਵੱਖ-ਵੱਖ ਟੀਮਾਂ ਤਿਆਰ ਕਰਕੇ ਵੱਖ-ਵੱਖ ਜਗ੍ਹਾਂਵਾਂ ਤੇ ਰੇਡ ਕੀਤੇ ਗਏ। ਟੈਕਨੀਕਲ ਇੰਟੈਲੀਜੈਂਸ ਅਤੇ ਹਿਊਮਨ ਇੰਟੈਲੀਜੈਂਸ ਦੀ ਮਦਦ ਨਾਲ ਮਿਤੀ 10/10/2025 ਨੂੰ ਗੁਰਮੀਤ ਸਿੰਘ ਉਰਫ ਗੱਗੂ ਅਤੇ ਸੁਖਪ੍ਰੀਤ ਸਿੰਘ ਉਰਫ ਕਾਕਾ ਸਿੰਘ ਉਰਫ ਕੇਲਾ ਵਾਸੀ ਬੱਧਨੀ ਕਲਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ।
ਪੁਲਿਸ ਅਧਿਕਾਰੀਆਂ ਮੁਤਾਬਕ ਗੁਰਮੀਤ ਉਰਫ਼ ਗੱਗੂ ਇਸ ਕਤਲ ਕੇਸ ਦਾ ਮੁੱਖ ਮਾਸਟਰ ਮਾਈਡ ਹੈ, ਜਿਸਨੇ ਤਿੰਨ ਭਾੜੇ ਦੇ ਕਾਤਲਾਂ ਕੋਲੋਂ ਇਹ ਕੰਮ ਕਰਵਾਇਆ ਹੈ ਜਦਕਿ ਕੇਲੇ ਨੇ ਮਰਨ ਵਾਲੇ ਦੀ ਰੇਕੀ ਕੀਤੀ ਸੀ। ਕਹਾਣੀ ਕੁੱਝ ਇਸ ਤਰ੍ਹਾਂ ਦੀ ਹੈ ਕਿ ਗੱਗੂ ਦੀ ਭੈਣ ਮ੍ਰਿਤਕ ਲਾਲੀ ਖਾਨ ਦੇ ਨਾਲ ਰਿਲੈਸ਼ਨਸਿਪ ਵਿਚ ਰਹਿ ਰਹੀ ਸੀ। ਜਦਕਿ ਪਹਿਲਾਂ ਉਹ ਲਾਭੇ ਨਾਂ ਦੇ ਵਿਅਕਤੀ ਨਾਲ ਰਹਿੰਦੀ ਸੀ, ਜਿਸਦਾ ਗੱਗੂ ਤੇ ਉਸਦੇ ਬਾਪ ਨੇ ਕਥਿਤ ਤੌਰ ‘ਤੇ ਕਤਲ ਕਰ ਦਿੱਤਾ ਸੀ।ਲਾਭੇ ਦੇ ਕਤਲ ਤੋਂ ਬਾਅਦ ਲਾਲੀ ਉਸਦੀ ਘਰ ਵਾਲੀ ਨੂੰ ਆਪਣੇ ਘਰ ਲੈ ਆਇਆ ਸੀ, ਜਿਸਦੀ ਗੱਗੂ ਖਾਰ ਖਾਂਦਾ ਸੀ। ਫ਼ਿਲਹਾਲ ਪੁਲਿਸ ਵਲੋਂ ਮਾਮਲੇ ਦੀ ਡੂੰਘਾਈ ਨਾਲ ਪੜਤਾਲ ਜਾਰੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
