Moga News: ਮੋਗਾ ਜ਼ਿਲ੍ਹੇ ਦੇ ਕਸਬਾ ਬਾਘਾਪੁਰਾਣਾ ਵਿਖੇ ਬੀਤੇ ਕੱਲ ਸਵੇਰੇ ਇੱਕ ਸਰਪੰਚ ਦੇ ਹੋਏ ਕਤਲ ਦਾ ਮਾਮਲਾ ਸੋੋਸ਼ਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣਿਆ ਹੋਇਆ ਹੈ। ਪਹਿਲੀ ਵਾਰ ਹੈ ਕਿ ਸੋਸ਼ਲ ਮੀਡੀਆ ‘ਤੇ ਇਸ ਕਤਲ ਮਾਮਲੇ ਨੂੰ ਲੈ ਕੇ ਲੋਕਾਂ ਵੱਲੋਂ ਬੇਬਾਕੀ ਦੇ ਨਾਲ ਆਪਣੇ ਵਿਚਾਰ ਰੱਖੇ ਜਾ ਰਹੇ ਹਨ। ਇਸ ਕਤਲ ਮਾਮਲੇ ਦਾ ਵਿਲੱਖਣ ਪਹਿਲੂ ਇਹ ਹੈ ਕਿ ਇਸਦੇ ਪਿੱਛੇ ਇੱਕ ਔਰਤ ਨੂੰ ਸਭ ਤੋਂ ਵੱਧ ਟਰੋਲ ਕੀਤਾ ਜਾ ਰਿਹਾ, ਜਿਹੜੀ ਇਸ ਕਤਲ ਕਾਂਡ ਤੋਂ ਬਾਅਦ ਸਭ ਤੋਂ ਵੱਧ ਰੋਂਦੀ ਹੋਈ ਹਰ ਦੂਜੀ-ਤੀਜ਼ੀ ਪੋਸਟ ਵਿਚ ਸਾਹਮਣੇ ਦਿਖਾਈ ਦੇ ਰਹੀ ਹੈ। ਘੋਖ ਪੜਤਾਲ ਕਰਨ ਤੋਂ ਬਾਅਦ ਵੀ ਇਹ ਗੱਲ ਸਾਹਮਣੇ ਆਈ ਹੈ ਕਿ ਮ੍ਰਿਤਕ ਹਰਪਿੰਦਰ ਸਿੰਘ ਉਰਫ਼ ਹੈਪੀ ਸਰਪੰਚ ਪਿੰਡ ਪੱਤੋ ਹੀਰਾ ਸਿੰਘ ਨੂੰ ਦੂਜੇ ਦੀ ਜਨਾਨੀ ਰੱਖਣੀ ਮਹਿੰਗੀ ਪਈ ਹੈ। ਇਸ ਕਤਲ ਕਾਂਡ ਦਾ ਮੁੱਖ ਮੁਲਜ਼ਮ ਮੰਨਿਆ ਜਾ ਰਿਹਾ ਮਨਪ੍ਰੀਤ ਸਿੰਘ ਉਰਫ਼ ਬਬਲੂ ਬਾਰੇ ਜੋ ਗੱਲ ਸਾਹਮਣੇ ਆਈ ਹੈ ਕਿ ਪਿੰਡ ਜੈਮਲ ਸਿੰਘ ਵਾਲਾ ਜ਼ਿਲ੍ਹਾ ਮੋਗਾ ਦਾ ਵਿਆਹ ਕਰੀਬ 3 ਸਾਲ ਪਹਿਲਾਂ ਰੁਪਿੰਦਰ ਕੌਰ ਦੇ ਨਾਲ ਪੂਰੀ ਧੂਮਧਾਮ ਨਾਲ ਹੋਇਆ ਸੀ। ਮਨਪ੍ਰੀਤ ਦੇ ਪ੍ਰਵਾਰ ਅਤੇ ਪਿੰਡ ਵਾਲਿਆਂ ਵੱਲੋਂ ਵੱਖ ਵੱਖ ਮੀਡੀਆ ਚੈਨਲਾਂ ਨਾਲ ਕੀਤੀ ਗੱਲਬਾਤ ਤੋਂ ਇਹ ਗੱਲ ਪਤਾ ਲੱਗੀ ਹੈ ਕਿ ਕਰੀਬ ਇੱਕ ਸਾਲ ਦੋਨਾਂ ਵਿਚਕਾਰ ਸਭ ਕੁੱਝ ਸਹੀ ਚੱਲਦਾ ਰਿਹਾ, ਅਚਾਨਕ ਉਸਤੋਂ ਬਾਅਦ ਤਕਰਾਰ ਹੋਣੀ ਸ਼ੁਰੂ ਹੋ ਗਈ, ਜੋਕਿ ਥਾਣਿਆਂ ਤੇ ਕਚਿਹਰੀਆਂ ਤੱਕ ਪੁੱਜ ਗਈ। ਇਸ ਦੌਰਾਨ ਹੀ ਹੈਪੀ ਸਰਪੰਚ ਦੀ ‘ਇੰਟਰੀ’ ਹੁੰਦੀ ਹੈ, ਜਿਸਦੇ ਨਾਲ ਰੁਪਿੰਦਰ ਕੌਰ ਦੀ ਕਥਿਤ ਤੌਰ ‘ਤੇ ਦੋਸਤੀ ਹੋ ਗਈ।ਅਖ਼ੀਰ ਦੂਜੇ ਕੇਸਾਂ ਦੀ ਤਰ੍ਹਾਂ ਰੁਪਿੰਦਰ ਕੌਰ ਨੇ ਵੀ ਆਪਣੇ ਸਹੁਰਿਆਂ ਤੋਂ ਆਪਣਾ ਬੈਗ ਚੁੱਕ ਲਿਆ। ਪ੍ਰਵਾਰ ਦੇ ਦੋਸ਼ਾਂ ਅਤੇ ਇੱਥੋਂ ਤੱਕ ਹਲਕੇ ਦੇ ਵਿਧਾਇਕ ਅੰਮ੍ਰਿਤਪਾਲ ਸਿੰਘ ਸੁਖਾਨੰਦ ਦੁਆਰਾ ਜਾਰੀ ਕੀਤੀ ਇੱਕ ਵੀਡੀਓ ਮੁਤਾਬਕ ਇਹ ਔਰਤ ਕਥਿਤ ਤੌਰ ‘ਤੇ ਹੈਪੀ ਸਰਪੰਚ ਦੇ ਨਾਲ ਹੀ ਰਹਿਣ ਲੱਗ ਪਈ। ਪੰਜਾਬ ਦੇ ਸਮਾਜ਼ਿਕ ਨਜ਼ਰੀਏ ਵਿਚ ਉਸਦੇ ਇਸ ਕਦਮ ਨੂੰ ਸਹੁਰਾ ਪ੍ਰਵਾਰ ਵੱਲੋਂ ਮਾਨਤਾ ਨਹੀਂ ਮਿਲ ਸਕਦੀ ਸੀ। ਇਸ ਮੁੱਦੇ ਨੂੰ ਲੈ ਕੇ ਹੀ ਮਨਪ੍ਰੀਤ ਬਬਲੂ ਅਤੇ ਹੈਪੀ ਸਰਪੰਚ ਵਿਚਕਾਰ ਲੜਾਈ ਹੋਣੀ ਸ਼ੁਰੂ ਹੋਈ।
ਇਹ ਵੀ ਪੜ੍ਹੋ ਵੱਡੀ ਖ਼ਬਰ; ਪੱਤਰਕਾਰ ਛਤਰਪਤੀ ਕ+ਤ+ਲ ਕਾਂ+ਡ ‘ਚ ਡੇਰਾ ਮੁਖੀ ਹਾਈਕੋਰਟ ਵੱਲੋਂ ਬਰੀ, ਪੜੋ ਪੂਰਾ ਮਾਮਲਾ
ਦਸਿਆ ਜਾ ਰਿਹਾ ਕਿ ਬਾਘਾਪੁਰਾਣਾ ਦੇ ਵਿਚ ਜਿੱਥੇ ਹੈਪੀ ਸਰਪੰਚ ਜਿੰਮ ਵਿਚ ਜਾਂਦਾ ਸੀ, ਉਸਦੇ ਨੇੜੇ ਹੀ ਮਨਪ੍ਰੀਤ ਬਬਲੂ ਦਾ ਮੋਬਾਇਲ ਸ਼ੋਅਰੂਮ ਸੀ। ਹਰ ਰੋਜ਼ ਦੋਨਾਂ ਦੀਆਂ ਅੱਖਾਂ ਚਾਰ ਹੁੰਦੀਆਂ ਤੇ ਇਹ ਲੜਾਈ-ਝਗੜਾ ਇੰਨ੍ਹੀਂ ਜਿਆਦਾ ਨਫ਼ਰਤ ਵਿਚ ਫੈਲ ਗਈ ਕਿ ਜਿਸਦਾ ਅੰਜ਼ਾਮ ਬੀਤੇ ਕੱਲ ਵਾਲੀ ਘਟਨਾ ਦੇ ਰੂਪ ਵਿਚ ਨਿਕਲਿਆ।ਹਾਲਾਂਕਿ ਕਤਲ ਤੋਂ ਬਾਅਦ ਰੁਪਿੰਦਰ ਕੌਰ ਰੋ ਰੋ ਕੇ ਮ੍ਰਿਤਕ ਹੈਪੀ ਸਰਪੰਚ ਨੂੰ ਆਪਣੇ ਭਰਾ ਦਾ ਦੋਸਤ ਦੱਸ ਰਹੀ ਹੈ ਤੇ ਨਾਲ ਹੀ ਆਪਣੇ ਜੇਠ ਜੋਬਨ ਬਰਾੜ ਉੱਪਰ ਬਲਾਤਕਾਰ ਦੇ ਦੋਸ਼ ਲਗਾ ਰਹੀਂ ਹੈਂ। ਪ੍ਰੰਤੂ ਤਿੰਨ ਸਾਲਾਂ ਬਾਅਦ ਇੰਨ੍ਹਾਂ ਦੋਸ਼ਾਂ ਨੂੰ ਲੋਕ ਵੀ ਸਵੀਕਾਰ ਨਹੀਂ ਕਰ ਰਹੇ। ਫ਼ਿਲਹਾਲ ਬੀਤੇ ਕੱਲ ਹੀ ਥਾਣਾ ਬਾਘਾਪੁਰਾਣਾ ਦੀ ਪੁਲਿਸ ਨੇ ਇਸ ਮਾਮਲੇ ਵਿਚ ਜਸਵਿੰਦਰ ਸਿੰਘ ਪੁੱਤਰ ਮਹਿਮਾ ਸਿੰਘ ਵਾਸੀ ਪੱਤੋ ਹੀਰਾ ਸਿੰਘ ਦੇ ਬਿਆਨਾਂ ਉੱਪਰ ਮਨਪ੍ਰੀਤ ਸਿੰਘ ਉਰਫ ਬਬਲੂ ਪੁੱਤਰ ਜਸਵੰਤ ਸਿੰਘ, ਜੋਬਨ ਪ੍ਰੀਤ ਸਿੰਘ ਪੁੱਤਰ ਜਸਵੰਤ ਸਿੰਘ,ਜਸਵੰਤ ਸਿੰਘ ਵਾਸੀਆਨ ਜੈਮਲ ਵਾਲਾ ਅਤੇ ਜਸਕਰਨ ਸਿੰਘ ਉਰਫ ਜਸੂ ਸ਼ਰਮਾ ਵਾਸੀ ਪੱਤੋ ਹੀਰਾ ਸਿੰਘ ਸਮੇਤ 06/07 ਅਣਪਛਾਤੇ ਵਿਅਕਤੀਆਂ ਵਿਰੁਧ ਮੁਕੱਦਮਾ ਨੰਬਰ 62 ਅ/ਧ 103, 191(3), 190, 303(2), 61(2) ਭਾਰਤੀ ਨਿਆਂ ਸੰਘਤਾ 2023 ਅਤੇ 25,27-54-59 ਅਸਲਾ ਐਕਟ ਤਹਿਤ ਪਰਚਾ ਦਰਜ਼ ਕਰ ਲਿਆ ਹੈ। ਹਾਲਾਂਕਿ ਮਨਪ੍ਰੀਤ ਬਬਲੂ ਦੇ ਪਿਤਾ ਜਸਵੰਤ ਸਿੰਘ ਦਾ ਦਾਅਵਾ ਹੈ ਕਿ ਜਦ ਇਹ ਘਟਨਾ ਵਾਪਰੀ ਤਾਂ ਜੋਬਨ ਬਰਾੜ ਖੇਤਾਂ ਵਿਚ ਆਲੂ ਪੁੱਟ ਰਿਹਾ ਸੀ। ਫ਼ਿਲਹਾਲ ਪੰਜਾਬ ਵਿਚ ਸਮਾਜਿਕ ਪੱਧਰ ‘ਤੇ ਆ ਰਹੀ ਗਿਰਾਵਟ ਦੇ ਕਾਰਨ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਵਿਚ ਲਗਾਤਾਰ ਵਾਧਾ ਦੇਖਣ ਨੂੰ ਮਿਲ ਰਿਹਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
