Rampura Phul News: ਰਾਮਪੁਰਾ ਸ਼ਹਿਰ ਦੀ ਨਾਮੀ ਫੈਕਟਰੀ ਸਟੈਲਕੋ ਲਿਮਟਿਡ ਵੱਲੋਂ ਪੰਚਾਇਤੀ ਜ਼ਮੀਨ ’ਤੇ ਕੀਤੇ ਹੋਏ ਕਥਿਤ ਨਜਾਇਜ਼ ਕਬਜ਼ੇ ਨੂੰ ਜ਼ਿਲ੍ਹਾ ਪ੍ਰਸ਼ਾਸਨ ਨੇ ਜੇਸੀਬੀ ਦੀ ਮਦਦ ਨਾਲ ਢਾਹ ਦਿੱਤਾ। ਪਿਛਲੇ ਕਈ ਸਾਲਾਂ ਤੋਂ ਇਸ ਫੈਕਟਰੀ ਦੇ ਪ੍ਰਬੰਧਕਾਂ ਸਾਹਮਣੇ ਅੱਖਾਂ ਮੀਚੀ ਬੈਠੇ ਪ੍ਰਸ਼ਾਸਨ ਨੇ ਇਹ ਕਦਮ ਪੰਜਾਬ ਤੇ ਹਰਿਆਣਾ ਹਾਈਕੋਰਟ ਦੇ ਹੁਕਮਾਂ ਤੋਂ ਬਾਅਦ ਚੁੱਕਿਆ ਹੈ। ਇਹ ਮੁੱਦਾ ਰਾਮਪੁਰਾ ਦੇ ਨਾਲ ਲੱਗਦੇ ਕੋਠੇ ਮਹਾਂ ਸਿੰਘ ਮਹਾਰਾਜ਼ ਦੇ ਸਮਾਜ ਸੇਵੀ ਗੁਰਮੀਤ ਸਿੰਘ ਨੇ ਚੂੱਕਿਆ ਸੀ। ਮਿਲੀ ਜਾਣਕਾਰੀ ਮੁਤਾਬਕ ਕਰੀਬ 5-6 ਸਾਲ ਪਹਿਲਾਂ ਇਸ ਫੈਕਟਰੀ ਦੇ ਮਾਲਕਾਂ ਵੱਲੋਂ ਨਾਲ ਲਗਦੀ 8-9 ਏਕੜ ਜ਼ਮੀਨ ਖਰੀਦੀ ਗਈ ਸੀ ਅਤੇ ਨਾਲ ਨਹਿਰੀ ਕੋਠੀ ਤੋਂ ਮਾੜੀ ਰੋਡ ਨੂੰ ਜਾ ਰਹੇ ਰਸਤੇ ’ਤੇ ਕੈਨਾਲ ਕਲੱਬ ਦੇ ਨਾਲ ਕੁਝ ਸਰਕਾਰੀ ਰਸਤੇ ਉਪਰ ਨਜਾਇਜ਼ ਕਬਜ਼ਾ ਕਰ ਲਿਆ ਸੀ ਜਿਸ ਨੂੰ ਛੁਡਾਉਣ ਲਈ ਸਥਾਨਕ ਨਿਵਾਸੀਆਂ ਨੇ ਫੈਕਟਰੀ ਪ੍ਰਬੰਧਕਾਂ ਤੱਕ ਪਹੁੰਚ ਕੀਤੀ ਪ੍ਰੰਤੂ ਫੈਕਟਰੀ ਪ੍ਰਬੰਧਕਾਂ ਨੇ ਇਸ ਸਬੰਧੀ ਕੋਈ ਹਾਂ ਪੱਖੀ ਰਵੱਈਆਂ ਨਹੀਂ ਅਪਣਾਇਆ।
ਇਹ ਵੀ ਪੜ੍ਹੋ ਮਾਲਵਾ ਕਾਲਜ਼ ਦੇ ਬੀ.ਕਾਮ.ਭਾਗ ਪਹਿਲਾ ਦਾ ਨਤੀਜਾ ਰਿਹਾ ਸ਼ਾਨਦਾਰ
ਹਾਲਾਕਿ ਬਾਅਦ ਵਿੱਚ ਪ੍ਰਸ਼ਾਸਨ ਦੀ ਮਿਣਤੀ ਦੌਰਾਨ ਕੁਝ ਰਸਤੇ ਨੂੰ ਕੰਧ ਢੁਹਾ ਕੇ ਛੁਡਾਇਆ ਵੀ ਗਿਆ ਸੀ।ਇਸ ਦੌਰਾਨ ਹੀ ਜਦੋਂ ਪਤਾ ਲੱਗਾ ਕਿ ਇਹ ਰਕਬਾ ਗ੍ਰਾਮ ਪੰਚਾਇਤ ਗਿੱਲ ਕਲਾਂ ਦੇ ਅਧੀਨ ਆਉਂਦਾ ਹੈ ਅਤੇ ਫੈਕਟਰੀ ਦੇ ਪ੍ਰਬੰਧਕਾਂ ਵੱਲੋਂ ਚਾਰ ਦੀਵਾਰੀ ਦੇ ਅੰਦਰ ਇੱਕ 2 ਕਰਮਾਂ ਸਰਕਾਰੀ ਖਾਲ ਅਤੇ ਇੱਕ 18 ਮਰਲੇ ਸ਼ਾਮਲਾਤ ਜ਼ਮੀਨ ’ਤੇ ਨਜਾਇਜ਼ ਕਬਜ਼ਾ ਕੀਤਾ ਹੋਇਆ ਹੈ ਤਾਂ ਗੁਰਮੀਤ ਸਿੰਘ ਵਾਸੀ ਕੋਠੇ ਮਹਾਂ ਸਿੰਘ ਮਹਿਰਾਜ ਵੱਲੋਂ ਹਾਈਕੋਰਟ ਦਾ ਰੁੱਖ ਕੀਤਾ ਗਿਆ ਅਤੇ ਰਿੱਟ ਨੰਬਰ 5873 /2021ਰਾਹੀਂ ਕੇਸ ਲੜਿਆ। ਉਸ ਤੋਂ ਬਾਅਦ ਸੀ ਐਮ 19762 /2023 ਰਾਹੀਂ ਮਾਨਯੋਗ ਹਾਈਕੋਰਟ ਨੇ 22/03/2024 ਨੂੰ ਜ਼ਿਲ੍ਹਾ ਵਿਕਾਸ ਤੇ ਪੰਚਾਇਤ ਅਫ਼ਸਰ ਬਠਿੰਡਾ ਨੂੰ ਤਿੰਨ ਮਹੀਨਿਆਂ ਦੇ ਅੰਦਰ ਅੰਦਰ ਫੈਸਲਾ ਕਰਨ ਦਾ ਹੁਕਮ ਕੀਤਾ।
ਇਹ ਵੀ ਪੜ੍ਹੋ ਬਠਿੰਡਾ ਦੇ ਫ਼ੌਜੀ ਚੌਕ ’ਚ ਟਰਾਲਾ ਤੇ ਸਕੂਟਰੀ ਹਾਦਸੇ ’ਚ ਇੱਕ ਔਰਤ ਦੀ ਹੋਈ ਮੌ+ਤ
ਇਸ ਦੇ ਤਹਿਤ ਜ਼ਿਲ੍ਹਾ ਵਿਕਾਸ ਤੇ ਪੰਚਾਇਤ ਅਫ਼ਸਰ ਬਠਿੰਡਾ ਨੇ 24 ਜੁਲਾਈ 2024 ਨੂੰ ਸਾਰੀਆਂ ਧਿਰਾਂ ਨੂੰ ਸੁਣ ਕੇ ਫੈਸਲਾ ਗ੍ਰਾਮ ਪੰਚਾਇਤ ਗਿੱਲ ਕਲਾਂ ਦੇ ਹੱਕ ਵਿੱਚ ਸੁਣਾ ਦਿੱਤਾ ਅਤੇ ਫੈਕਟਰੀ ਪ੍ਰਬੰਧਕਾਂ ਨੂੰ ਜ਼ਮੀਨ ’ਤੇ ਨਜਾਇਜ਼ ਕਬਜ਼ਾ ਖਾਲੀ ਕਰਨ ਲਈ ਕਿਹਾ। ਇਸ ਤੋਂ ਬਾਅਦ ਪ੍ਰਸ਼ਾਸਨ ਨੇ ਕਈ ਵਾਰ ਜ਼ਿਲ੍ਹਾ ਪ੍ਰਸ਼ਾਸਨ ਤੋਂ ਪੁਲਿਸ ਇਮਦਾਦ ਮੰਗੀ ਪ੍ਰੰਤੂ ਕੁਝ ਪ੍ਰਸ਼ਾਸਨਿਕ ਰੁਝੇਵਿਆਂ ਕਾਰਨ ਇਹ ਕਾਰਵਾਈ ਨੇਪਰੇ ਨਹੀਂ ਚੜ ਸਕੀ ਸੀ । ਹੁਣ ਬੁੱਧਵਾਰ ਨੂੰ ਬੀਡੀਪੀਓ ਦਫ਼ਤਰ ਰਾਮਪੁਰਾ ਦੇ ਅਧਿਕਾਰੀਆਂ ਨੇ ਪੁਲਿਸ ਪ੍ਰਸ਼ਾਸਨ ਦੀ ਮਦਦ ਨਾਲ ਇਸ ਨਜਾਇਜ਼ ਕੰਧ ਵਿੱਚੋਂ ਲਗਭਗ ਅੱਧੀ ਕੁਝ ਹਿੱਸਾ ਢਾਹ ਦਿੱਤਾ। ਪੰਚਾਇਤ ਅਫ਼ਸਰ ਬਲਜੀਤ ਸਿੰਘ ਨੇ ਸੰਪਰਕ ਕਰਨ ’ਤੇ ਦੱਸਿਆ ਕਿ ਕੰਧ ਢਾਹ ਦਿੱਤੀ ਹੈ ਅਤੇ ਅੰਦਰ ਲੱਗੇ ਨਿਸ਼ਾਨਾਂ ਮੁਤਾਬਕ ਆਉਣ ਵਾਲੇ ਦੋ ਤਿੰਨ ਦਿਨਾਂ ਦੌਰਾਨ ਮਹਿਕਮਾਂ ਮੁਕੰਮਲ ਕਬਜ਼ਾ ਕਰ ਲਵੇਗਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
