New Delhi News:ਭਾਰਤੀ ਫੌਜ ਨੇ ਪ੍ਰੈਸ ਕਾਨਫਰੰਸ ਰਾਹੀਂ ਆਪਰੇਸ਼ਨ ਸੰਦੂਰ ਬਾਰੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਉਹਨਾਂ ਨੇ ਸਿਰਫ ਅੱਤਵਾਦੀਆਂ ਦੇ ਟਿਕਾਣਿਆਂ ਨੂੰ ਹੀ ਨਿਸ਼ਾਨਾ ਬਣਾਇਆ ਹੈ ਆਮ ਨਾਗਰਿਕਾਂ ਜਾਂ ਪਾਕਿਸਤਾਨੀ ਫੌਜੀ ਟਿਕਾਣਿਆਂ ਤੇ ਹਮਲਾ ਨਹੀਂ ਕੀਤਾ ਉਹਨਾਂ ਨੇ ਸਿਰਫ ਜੈਸ-ਏ-ਮੁਹੰਮਦ ਅਤੇ ਲਕਸ਼ਰ ਦੇ ਟਿਕਾਣਿਆਂ ਨੂੰ ਹੀ ਨਿਸ਼ਾਨਾ ਬਣਾਇਆ ਹੈ। ਆਰਮੀ ਕਰਨਲ ਸੂਫੀਆ ਕੁਰੈਸ਼ੀ ਨੇ ਜਾਣਕਾਰੀ ਦਿੱਤੀ ਕਿ ਇਹ ਆਪਰੇਸ਼ਨ 25 ਮਿੰਟ ਚੱਲਿਆ ਤੇ ਇਸ ਵਿੱਚ ਅੱਤਵਾਦੀਆਂ ਦੇ 9 ਟਿਕਾਣਿਆਂ ਤੇ ਹਮਲਾ ਕੀਤਾ ਗਿਆ ਹੈ ਆਪ੍ਰੇਸ਼ਨ ‘ ਸੰਦੂਰ’ ਪਹਿਲਗਾਮ ਵਿੱਚ ਮਾਰੇ ਗਏ ਲੋਕਾਂ ਨੂੰ ਨਿਆ ਦੇਣ ਲਈ ਸੀ । ਉਹਨਾਂ ਕਿਹਾ ਨਿਰਦੋਸ਼ ਲੋਕਾਂ ਨੂੰ ਇਸ ਆਪ੍ਰੇਸ਼ਨ ਨਾਲ ਕੋਈ ਨੁਕਸਾਨ ਨਾ ਪਹੁੰਚੇ ਇਸ ਦਾ ਧਿਆਨ ਰੱਖਿਆ ਗਿਆ ਹੈ।
ਇਹ ਵੀ ਪੜ੍ਹੋ ਭਾਰਤ ਨੇ ਅੱਤਵਾਦੀ ਹਮਲੇ ਦਾ ਲਿਆ ਬਦਲਾ; ਪਾਕਿਸਤਾਨ ’ਚ 9 ਥਾਵਾਂ ’ਤੇ ਕੀਤੇ ਹਮਲੇ
ਖੁਫੀਆ ਸੂਚਨਾ ਦੇ ਆਧਾਰ ਤੇ ਹੀ ਟਾਰਗੇਟ ਨੂੰ ਚੁਣਿਆ ਗਿਆ। POK ਵਿੱਚ ਸਭ ਤੋਂ ਪਹਿਲਾਂ ਟਾਰਗੇਟ ਸਵਾਈਨਾਲਾ ਮੁਜਫਰਾਬਾਦ ਸੀ ਇਹ ਲਸ਼ਕਰ ਦਾ ਟ੍ਰੇਨਿੰਗ ਸੈਂਟਰ ਹੈ। ਸਿਆਲਕੋਟ ਦਾ ਸਰਜੀਕਲ ਕੈਂਪ,ਮਰਕਜ਼ ਤਾਇਬਾ ਮੁਰੀਦਕੇ ਅੱਤਵਾਦੀ ਕੈਂਪ ਇਹ ਉਹ ਕੈਂਪ ਹੈ ਜਿੱਥੇ ਅਜਮਲ ਕਸਾਬ ਅਤੇ ਡੇਵਿਡ ਕਾਲਮੈਨ ਹੈਡਲੀ ਨੇ ਟ੍ਰੇਨਿੰਗ ਲਈ ਸੀ। ਇਸ ਤੋਂ ਬਾਅਦ ਵਿਦੇਸ਼ ਸਕੱਤਰ ਵਿਕਰਮ ਮਿਸ਼ਰੀ ਨੇ ਪ੍ਰੈਸ ਨੂੰ ਸੰਬੋਧਿਤ ਕਰਦੇ ਹੋਏ ਦੱਸਿਆ ਕਿ ਪਹਿਲਗਾਮ ਦੇ ਵਿੱਚ ਜੋ ਹਮਲਾ ਹੋਇਆ ਸੀ ਉਹ ਬਹੁਤ ਹੀ ਕਾਇਰਤਾ ਪੂਰਨ ਸੀ ਜਿਸ ਵਿੱਚ ਬਹੁਤ ਸਾਰੇ ਲੋਕ ਨਿਰਦੋਸ਼ ਲੋਕਾਂ ਦੀ ਹੱਤਿਆ ਕੀਤੀ ਗਈ। ਇਹ ਹਮਲੇ ਦਾ ਮਕਸਦ ਸਿਰਫ ਸੰਪਰਦਾਇਕ ਦੰਗੇ ਫੈਲਾਉਣਾ ਤੇ ਕਸ਼ਮੀਰ ਦੇ ਵਿਕਾਸ ਤੇ ਪ੍ਰਗਤੀ ਨੂੰ ਨੁਕਸਾਨ ਪਹੁੰਚਾਉਣਾ ਸੀ।
ਇਹ ਵੀ ਪੜ੍ਹੋ ਪਾਕਿਸਤਾਨ ਉਪਰ ਹਮਲੇ ਤੋਂ ਬਾਅਦ ਪੰਜਾਬ ਦੇ ਅੱਧੀ ਦਰਜ਼ਨ ਜ਼ਿਲਿ੍ਹਆਂ ਦੇ ਸਕੂਲ ਕੀਤੇ ਬੰਦ
ਇੱਕ ਸਮੂਹ TRF ਨੇ ਇਹਦੀ ਜਿੰਮੇਵਾਰੀ ਲਈ ਸੀ ਇਹ ਸਮੂਹ ਲਕਸ਼ਰ ਸੰਗਠਨ ਨਾਲ ਜੁੜਿਆ ਹੋਇਆ ਹੈ ਪਹਿਲਗਾਮ ਹਮਲੇ ਦੀ ਜਾਂਚ ਤੋਂ ਪਾਕਿਸਤਾਨ ਦੇ ਅੱਤਵਾਦੀਆਂ ਨਾਲ ਸਬੰਧ ਉਜਾਗਰ ਹੋਏ ਹਨ ।ਉਹਨਾਂ ਕਿਹਾ 15 ਦਿਨ ਬੀਤ ਜਾਣ ਤੋਂ ਬਾਅਦ ਵੀ ਪਾਕਿਸਤਾਨ ਨੇ ਅੱਤਵਾਦ ਖਿਲਾਫ ਕੋਈ ਕਦਮ ਨਹੀਂ ਉਠਾਇਆ। ਭਾਰਤ ਨੇ ਅੱਤਵਾਦ ਰੋਕਣ ਦੇ ਅਧਿਕਾਰ ਦਾ ਇਸਤੇਮਾਲ ਕੀਤਾ ਤੇ ਇਹ ਅੱਤਵਾਦੀਆਂ ਦੇ ਖਿਲਾਫ ਨਾਪੀ ਤੋਲੀ ਕਾਰਵਾਈ ਹੈ ਸਾਡਾ ਐਕਸ਼ਨ ਉਕਸਾਉਣ ਵਾਲਾ ਨਹੀਂ ਹੈ। ਉਹਨਾਂ ਅੱਗੇ ਕਿਹਾ ਕਿ ਖੁਫ਼ੀਆ ਇਨਪੁਟ ਰਾਹੀਂ ਇਹ ਜਾਣਕਾਰੀ ਮਿਲੀ ਸੀ ਕਿ ਉਹ ਭਾਰਤ ਤੇ ਹੋਰ ਵੀ ਹਮਲੇ ਕਰ ਸਕਦੇ ਹਨ। ਉਹਨਾਂ ਨੂੰ ਰੋਕਣਾ ਜਰੂਰੀ ਸੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
