Pathankot News: pathankot police; ਦੋ ਦਿਨ ਪਹਿਲਾਂ ਇਲਾਕੇ ਦੇ ਨਾਮੀ ਸਕੂਲ ਦੇ ਹੋਸਟਲ ਵਿਚੋਂ ਫ਼ਰਾਰ ਹੋਏ 4 ਬੱਚਿਆਂ ਨੁੰ ਜ਼ਿਲ੍ਹਾ ਪੁਲਿਸ ਨੇ ਦਿੱਲੀ ਦੇ ਰੇਲਵੇ ਸਟੇਸ਼ਨ ਤੋਂ ਬਰਾਮਦ ਕਰ ਲਿਆ ਹੈ। ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਪਠਾਨਕੋਟ ਦੇ ਐਸਐਸਪੀ ਦਲਜਿੰਦਰ ਸਿੰਘ ਢਿੱਲੋਂ ਨੇ ਦਸਿਆ ਕਿ ਏਜ਼ਲਜ਼ ਪਬਲਿਕ ਸਕੂਲ (Angel’s Public School Pathankot) ਦੇ ਵਿਚ 10, 11 ਅਤੇ 12ਵੀਂ ਜਮਾਤ ਵਿਚ ਪੜ੍ਹਦੇ ਇੰਨ੍ਹਾਂ ਬੱਚਿਆਂ ਦਾ ਸਕੂਲ ਸਟਾਫ਼ ਦੇ ਨਾਲ ਕਿਸੇ ਗੱਲ ਨੂੰ ਕੇ ਮਨਮੁਟਾਵ ਹੋ ਗਿਆ, ਜਿਸਦੇ ਚੱਲਦੇ ਇੰਨ੍ਹਾਂ ਬੱਚਿਆਂ ਨੇ ਇੱਕ ਤੈਅਸ਼ੁਦਾ ਯੋਜਨਾ ਤਹਿਤ ਸਕੂਲ ਛੱਡਣ ਦਾ ਫੈਸਲਾ ਲਿਆ। ਜੰਮੂ-ਕਸ਼ਮੀਰ ਨਾਲ ਸਬੰਧਤ ਇਹ ਚਾਰੋਂ ਬੱਚੇ ਅੱਧੀ ਰਾਤ ਨੂੰ ਸਕੂਲ ਹੋਸਟਲ ਛੱਡ ਕੇ ਚਲੇ ਗਏ ਅਤੇ ਰਾਤ ਸਮੇਂ ਹੀ ਦਿੱਲੀ ਜਾਣ ਵਾਲੀ ਟਰੇਨ ਵਿਚ ਚੜ੍ਹ ਗਏ।
ਇਹ ਵੀ ਪੜ੍ਹੋ ਵੱਡੀ ਖ਼ਬਰ ; Insta Queen ਕਾਂਸਟੇਬਲ ਅਮਨਦੀਪ ਕੌਰ ਨੂੰ High Court ਵਿਚੋਂ ਮਿਲੀ ਜਮਾਨਤ
ਜਦ ਸਵੇਰ ਸਮੇਂ ਸਕੂਲ ਪ੍ਰਬੰਧਕਾਂ ਨੂੰ ਬੱਚਿਆਂ ਦੇ ਭੱਜਣ ਦੀ ਜਾਣਕਾਰੀ ਮਿਲੀ ਤਾਂ ਉਨ੍ਹਾਂ ਪੁਲਿਸ ਨੂੰ ਸੂਚਿਤ ਕੀਤਾ। ਪੁਲਿਸ ਪਾਰਟੀ ਨੇ ਤੁਰੰਤ ਐਕਸ਼ਨ ਵਿਚ ਆਉਂਦਿਆਂ ਹਿਊਮਨ ਅਤੇ ਤਕਨੀਕੀ ਟੀਮਾਂ ਦੀ ਸਹਾਇਤਾਂ ਨਾਲ ਇੰਨ੍ਹਾਂ ਬੱਚਿਆਂ ਦੇ ਦਿੱਲੀ ਵਿਚ ਹੋਣ ਬਾਰੇ ਪਤਾ ਲਗਾਇਆ ਤੇ ਦਿੱਲੀ ਪੁਲਿਸ ਦੀ ਸਹਾਇਤਾ ਨਾਲ ਇੰਨ੍ਹਾਂ ਨੂੰ ਰੇਲਵੇ ਸਟੇਸ਼ਨ ਤੋ ਬਰਾਮਦ ਕੀਤਾ। ਐਸਐਸਪੀ ਢਿੱਲੋਂ ਨੇ ਇਸ ਘਟਨਾ ਨੂੰ ਹੋਰਨਾਂ ਮਾਪਿਆਂ ਤੇ ਸਕੂਲ ਅਧਿਆਪਕਾਂ ਲਈ ਵੀ ਸਬਕ ਕਰਾਰ ਦਿੰਦਿਆਂ ਕਿਹਾ ਕਿ ਚੰਗੀ ਕਿਸਮਤ ਨੂੰ ਇਹ ਬੱਚੇ ਜਲਦੀ ਮਿਲ ਗਈ ਪ੍ਰੰਤੂ ਜੇਕਰ ਇਹ ਗਲਤ ਹੱਥੇ ਚੜ੍ਹ ਜਾਂਦੇ ਤਾਂ ਨਾਂ ਸਿਰਫ਼ ਬੱਚਿਆਂ, ਮਾਪਿਆਂ ਅਤੇ ਸਮਾਜ ਨੂੰ ਵੱਡਾ ਨੁਕਸਾਨ ਹੋ ਸਕਦਾ ਸੀ। ਉਨ੍ਹਾਂ ਕਿਹਾ ਕਿ ਬੱਚਿਆਂ ਦੇ ਨਾਲ ਭਾਵਨਾਮਤਕ ਤੌਰ ‘ਤੇ ਸਾਂਝ ਜਰੂਰੀ ਹੈ ਤਾਂ ਕਿ ਉਨ੍ਹਾਂ ਦੇ ਅੰਦਰ ਕੀ ਚੱਲ ਰਿਹਾ, ਇਹ ਜਾਣਿਆਂ ਜਾ ਸਕੇ। ਇਸ ਮੌਕੇ ਵਿਸ਼ੇਸ ਤੌਰ ‘ਤੇ ਜੰਮੂ ਕਸ਼ਮੀਰ ਤੋਂ ਪੁੱਜੇ ਬੱਚਿਆਂ ਦੇ ਮਾਪਿਆਂ ਨੇ ਜ਼ਿਲ੍ਹਾ ਪੁਲਿਸ ਦਾ ਧੰਨਵਾਦ ਕੀਤਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
