Mansa News: ਜ਼ਿਲ੍ਹੇ ਦੀ ਥਾਣਾ ਭੀਖੀ ਦੀ ਪੁਲਿਸ ਨੇ ਜਾਅਲੀ ਡਿਗਰੀ ਦੇ ਸਹਾਰੇ ਡਾਕਟਰ ਬਣੇ ਇਲਾਕੇ ਦੇ ਇੱਕ ਨਾਮੀ ਕਾਲਜ਼ ਦੇ ਸੰਚਾਲਕ ਦੇ ਪੁੱਤਰ ਵਿਰੁਧ ਧੋਖਾਧੜੀ ਦਾ ਪਰਚਾ ਦਰਜ਼ ਕੀਤਾ ਹੈ। ਵੱਡੀ ਗੱਲ ਇਹ ਹੈ ਕਿ ਇਸ ਕਾਲਜ਼ ਦੇ ਵਿਚ ਵਿਦਿਆਰਥੀਆਂ ਨੂੰ ਬੀਏਐੱਮਐੱਸ ਦੀ ਪੜ੍ਹਾਈ ਕਰਵਾਈ ਜਾਂਦੀ ਹੈ ਤੇ ਮਾਲਕ ਨੇ ਆਪਣੇ ਪੁੱਤਰ ਨੂੰ ਜਾਅਲੀ ਡਿਗਰੀ ਦੇ ਸਹਾਰੇ ਡਾਕਟਰ ਬਣਾ ਦਿੱਤਾ, ਜਿਸਦੇ ਵੱਲੋਂ ਹੁਣ ਵਿਦਿਆਰਥੀਆਂ ਨੂੰ ਪੜਾਇਆ ਜਾਂਦਾ ਸੀ।
ਇਹ ਵੀ ਪੜ੍ਹੋ ਜੰਗਬੰਦੀ ਨੂੰ ਲੈ ਕੇ ਭਾਰਤ ਤੇ ਪਾਕਿਸਤਾਨ ਦੇ ਫ਼ੌਜੀ ਜਰਨੈਲਾਂ ਵਿਚਕਾਰ ਅੱਜ ਹੋਵੇਗੀ ਸਿੱਧੀ ਗੱਲਬਾਤ
ਇਸ ਮਾਮਲੇ ਦਾ ਇੱਕ ਰੌਚਕ ਪਹਿਲੂ ਇਹ ਵੀ ਹੈ ਕਿ ਇਸ ਮਾਮਲੇ ਵਿਚ ਸਿਕਾਇਤਕਰਤਾ ਕਥਿਤ ਮੁਲਜਮ ਦਾ ਚਾਚਾ ਰਾਜ ਕੁਮਾਰ ਦਸਿਆ ਜਾ ਰਿਹਾ। ਸੂਚਨਾ ਮੁਤਾਬਕ ਸ਼ਿਵ ਸ਼ਕਤੀ ਮੈਡੀਕਲ ਕਾਲਜ ਭੀਖੀ ਦੇ ਸੰਚਾਲਕ ਸੋਮਨਾਥ ਮਹਿਤਾ ਵੱਲੋਂ ਸ਼ਿਵ ਸਕਤੀ ਮੈਡੀਕਲ ਸੁਸਾਇਟੀ ਬਣਾ ਕੇ ਇਹ ਕਾਲਜ਼ ਚਲਾਇਆ ਜਾ ਰਿਹਾ। ਇਸ ਸੁਸਾਇਟੀ ਦੇ ਸਕੱਤਰ ਵਜੋਂ ਉਸਦੇ ਭਰਾ ਰਾਜ ਕੁਮਾਰ ਮਹਿਤਾ ਕੰਮ ਕਰਦੇ ਸਨ। ਰਾਜ ਕੁਮਾਰ ਮਹਿਤਾ ਨੇ ਹੀ ਪੁਲਿਸ ਕੋਲ ਸ਼ਿਕਾਇਤ ਕਰ ਕੇ ਇਸ ਮਾਮਲੇ ਦੀ ਪੋਲ ਖੋਲੀ ਸੀ।
ਇਹ ਵੀ ਪੜ੍ਹੋ ਦਾਦੂਵਾਲ ਮੁੜ ਬਣੇ ਹਰਿਆਣਾ ਸਿੱਖ ਗੁਰਦੂਆਰਾ ਪ੍ਰਬੰਧਕ ਕਮੇਟੀ ਦੇ ਮੈਂਬਰ, 9 ਮੈਂਬਰਾਂ ਦੀ ਹੋਈ ਚੋਣ
ਜਿਸਦੇ ਵਿਚ ਉਸਨੇ ਦੋਸ਼ ਲਗਾਇਆ ਸੀ ਕਿ ਸੋਮਨਾਥ ਮਹਿਤਾ ਦੇ ਪੁੱਤਰ ਦੀਪਕ ਮਹਿਤਾ ਨੇ ਬਾਰਵੀਂ ਕਲਾਸ ਦੀ ਜਾਅਲੀ ਸਰਟੀਫਿਕੇਟ ਹਾਸਲ ਕਰਨ ਤੋਂ ਬਾਅਦ ਬੀਏਐੱਮਐੱਸ ਦੀ ਵੀ ਜਾਅਲੀ ਡਿਗਰੀ ਕੀਤੀ ਹੈ, ਜੋ ਮੈਡੀਕਲ ਦੀ ਪੜ੍ਹਾਈ ਨਾਲ ਸਬੰਧਤ ਹੈ। ਇਹ ਵੀ ਪਤਾ ਚੱਲਿਆ ਹੈ ਕਿ ਇਸ ਡਿਗਰੀ ਦੇ ਆਧਾਰ ’ਤੇ ਹੀ ਦੀਪਕ ਮਹਿਤਾ ਹੁਣ ਆਪਣੇ ਪਿਊ ਦੇ ਕਾਲਜ ਵਿੱਚ ਅਧਿਆਪਕ ਵਜੋਂ ਵਿਦਿਆਰਥੀਆਂ ਨੂੰ ਪੜ੍ਹਾ ਰਿਹਾ ਸੀ। ਪੁਲਿਸ ਅਧਿਕਾਰੀਆਂ ਨੇ ਪਰਚਾ ਦਰਜ਼ ਹੋਣ ਦੀ ਪੁਸ਼ਟੀ ਕਰਦਿਆਂ ਦਸਿਆ ਕਿ ਮੁਲਜਮ ਨੂੰ ਕਾਬੂ ਕਰਨ ਲਈ ਛਾਪੇਮਾਰੀ ਕੀਤੀ ਜਾ ਰਹੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
