ਬਠਿੰਡਾ, 16 ਮਈ: ਮਹਾਰਾਜਾ ਰਣਜੀਤ ਸਿੰਘ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਵਿਖੇ ਪੰਜਾਬ ਫੁੱਟਬਾਲ ਲੀਗ ਟੂਰਨਾਮੈਂਟ ਦੀ ਲੜੀ ਦੇ ਮੈਚ ਦਾ ਸ਼ਾਨਦਾਰ ਆਯੋਜਨ ਕੀਤਾ ਗਿਆ, ਜਿਸ ਦੌਰਾਨ ਫੁੱਟਬਾਲ ਪ੍ਰੇਮੀਆਂ ਦਾ ਜਨੂੰਨ ਸਿਖਰ ’ਤੇ ਨਜ਼ਰ ਆ ਰਿਹਾ ਸੀ।ਖੇਡ ਅਤੇ ਯੁਵਕ ਸੇਵਾਵਾਂ ਦੇ ਡਾਇਰੈਕਟਰ ਡਾ. ਭੁਪਿੰਦਰ ਪਾਲ ਸਿੰਘ ਨੇ ਫੁੱਟਬਾਲ ਪ੍ਰੇਮੀਆਂ ਦੀ ਉਤਸ਼ਾਹੀ ਹਾਜ਼ਰੀ ਵਿੱਚ ਮੈਚ ਦਾ ਰਸਮੀ ਉਦਘਾਟਨ ਕੀਤਾ।ਮਾਫਾ (ਮੈਡ ਅਬਾਊਟ ਫੁੱਟਬਾਲ ਅਕੈਡਮੀ) ਬਠਿੰਡਾ ਨੇ ਆਪਣੇ ਦਬਦਬੇ ਦਾ ਪ੍ਰਦਰਸ਼ਨ ਕਰਦੇ ਹੋਏ ਸਕਿੱਲਰ ਫੁੱਟਬਾਲ ਅਕੈਡਮੀ ਜਲੰਧਰ ਨੂੰ 6-0 ਦੇ ਸ਼ਾਨਦਾਰ ਸਕੋਰ ਨਾਲ ਹਰਾ ਕੇ ਸ਼ਾਨਦਾਰ ਪ੍ਰਦਰਸ਼ਨ ਕੀਤਾ।
ਸਿਆਸੀ ਲੀਡਰਾਂ ਲਈ ਆਪਸੀ ਦੁਸ਼ਮਣੀਆਂ ਨਾ ਪਾਉਣ ਲੋਕ- ਕਰਮਜੀਤ ਅਨਮੋਲ
ਇਸ ਤੋਂ ਇਲਾਵਾ ਅੰਡਰ-14 ਬੱਚਿਆਂ ਦੀ ਟੀਮ ਦਾ ਇੱਕ ਮਨਮੋਹਕ ਸ਼ੋਅ ਮੈਚ ਵੀ ਦਰਸ਼ਕਾਂ ਨੇ ਖੂਬ ਪਸੰਦ ਕੀਤਾ ।ਨਾਮਵਰ ਫੁੱਟਬਾਲ ਕੋਚ ਅਜੈਪ੍ਰੀਤ ਸਿੰਘ ਬੈਹਣੀਵਾਲ ਅਤੇ ਆਲਮਜੋਤ ਸਿੰਘ ਬਰਾੜ ਦੀ ਸੁਚੱਜੀ ਦੇਖ-ਰੇਖ ਹੇਠ ਇਹ ਮੈਚ ਸ਼ਾਨਦਾਰ ਤਰੀਕੇ ਨਾਲ ਆਯੋਜਿਤ ਕੀਤਾ ਗਿਆ।ਰਜਿਸਟਰਾਰ ਡਾ: ਗੁਰਿੰਦਰ ਪਾਲ ਸਿੰਘ ਬਰਾੜ ਨੇ ਖੇਡ ਵਿਭਾਗ ਅਤੇ ਪ੍ਰਬੰਧਕਾਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ। ਇਸ ਮੌਕੇ ਡਾਇਰੈਕਟਰ ਸਰੀਰਕ ਸਿੱਖਿਆ ਡਾ: ਸੁਖਵਿੰਦਰ ਸਿੰਘ, ਡਾਇਰੈਕਟਰ ਲੋਕ ਸੰਪਰਕ ਹਰਜਿੰਦਰ ਸਿੰਘ ਸਿੱਧੂ, ਸਹਾਇਕ ਰਜਿਸਟਰਾਰ ਨੀਰਜ ਕੁਮਾਰ ਅਤੇ ਹੋਰ ਬਹੁਤ ਸਾਰੇ ਉਤਸ਼ਾਹੀ ਹਾਜ਼ਿਰ ਸਨ।ਮਹੀਨਾ ਭਰ ਚੱਲਣ ਵਾਲੇ ਲੀਗ ਟੂਰਨਾਮੈਂਟ ਦੀ ਸ਼ੂਰੁਆਤ 24 ਅਪ੍ਰੈਲ ਨੂੰ ਜੋਸ਼ ਅਤੇ ਉਮੀਦਾਂ ਨਾਲ ਹੋਈ ਸੀ, ਜੋ ਕਿ 29 ਮਈ ਨੂੰ ਸਮਾਪਤ ਹੋਵੇਗਾ।
