Ludhiana News: ਲੁਧਿਆਣਾ ਦੇ ਵਿਚ ਬੀਤੀ ਸ਼ਾਮ ਇੱਕ ਮੰਦਭਾਗੀ ਘਟਨਾ ਵਾਪਰੀ ਹੈ।ਦਮੋਰੀਆ ਪੁਲ ਦੇ ਨਜ਼ੀਦਕ ਚੱਲਦੀ ਗੱਡੀ ਦੇ ਵਿਚੋਂ ਹੀ ਲੁਟੇਰਿਆਂ ਨੇ ਫ਼ੌਜੀ ਦਾ ਮੋਬਾਇਲ ਖੋਹ ਲਿਆ। ਇਸ ਦੌਰਾਨ ਆਪਣੇ ਮੋਬਾਇਲ ਫ਼ੋਨ ਬਚਾਉਣ ਦੇ ਚੱਕਰ ਵਿਚ ਹੇਠਾਂ ਉੱਤਰੇ ਫ਼ੌਜੀ ਟਰੇਨ ਦੇ ਹੇਠਾਂ ਆ ਗਿਆ, ਜਿਸਦੇ ਚੱਲਦੇ ਉਸਦੀਆਂ ਲੱਤਾਂ ਕੱਟੀਆਂ ਗਈਆਂ। ਘਟਨਾ ਦਾ ਪਤਾ ਲੱਗਦਿਆਂ ਹੀ ਲੋਕਾਂ ਤੇ ਪੁਲਿਸ ਦੀ ਮੱਦਦ ਨਾਲ ਫ਼ੌਜੀ ਜਵਾਨ ਨੂੰ ਹਸਪਤਾਲ ਦਾਖਲ ਕਰਵਾਇਆ ਗਿਆ, ਜਿੱਥੇ ਉਸਦੀ ਗੰਭੀਰ ਹਾਲਾਤ ਨੂੰ ਦੇਖਦਿਆਂ ਪ੍ਰਾਈਵੇਟ ਹਸਪਤਾਲ ਵਿਚ ਰੈਫ਼ਰ ਕਰ ਦਿੱਤਾ ਗਿਆ। ਇਸ ਸਬੰਧ ਵਿਚ ਜੀਆਰਪੀ ਪੁਲਿਸ ਵੱਲੋਂ ਪਰਚਾ ਦਰਜ਼ ਕਰਕੇ ਲੁਟੇਰਿਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ ਗਈ ਹੈ।
ਇਹ ਵੀ ਪੜ੍ਹੋ ਪਾਣੀਆਂ ਦੇ ਮੁੱਦੇ ‘ਤੇ ਗਰਮਾਈ ਸਿਆਸਤ, ਹਰਿਆਣਾ ਨੇ ਭਾਖੜਾ ਡੈਮ ਤੋਂ ਆਪਣੇ ਹਿੱਸੇ ਦਾ ਪਾਣੀ ਘਟਾਉਣ ਦੀ ਕੀਤੀ ਮੰਗ
ਮਿਲੀ ਜਾਣਕਾਰੀ ਮੁਤਾਬਕ ਬੀਐਸਐਫ਼ ਦਾ ਜਵਾਨ ਅਮਨ ਜੈਸਵਾਲ ਵਾਸੀ ਬਰੈਲੀ (ਯੂਪੀ) ਦੀ ਕੁੱਝ ਸਮਾਂ ਪਹਿਲਾਂ ਬਦਲੀ ਜਲੰਧਰ ਤੋਂ ਕੋਲਕਾਤਾ ਹੋ ਗਈ ਸੀ। ਹੁਣ ਉਸਦਾ ਕੁੱਝ ਸਮਾਨ ਜਲੰਧਰ ਵਿਚ ਪਿਆ ਸੀ, ਜਿਸਨੂੰ ਲੈਣ ਦੇ ਲਈ ਉਹ ਸ਼ਾਨ-ਏ-ਪੰਜਾਬ ਰੇਲਗੱਡੀ ਰਾਹੀਂ ਜਲੰਧਰ ਆ ਰਿਹਾ ਸੀ।ਇਸ ਦੌਰਾਨ ਜਦ ਗੱਡੀ ਲੁਧਿਆਣਾ ਦੇ ਨਜਦੀਕ ਪੁੱਜੀ ਤਾਂ ਦਮੋਰੀਆ ਪੁਲ ਕੋਲ ਹੋਲੀ ਹੋ ਗਈ। ਘਟਨਾ ਸਮੇਂ ਫ਼ੌਜੀ ਅਮਨ ਡੱਬੇ ਦੀਆਂ ਪੌੜੀਆਂ ਵਿਚ ਬੈਠਾ ਮੋਬਾਇਲ ਦੇਖ ਰਿਹਾ ਸੀ। ਇਸ ਦੌਰਾਨ ਹੇਠਾਂ ਖੜ੍ਹੇ ਲੁਟੇਰੇ ਨੇ ਉਸਦੇ ਹੱਥ ਵਿਚੋਂ ਝਪਟ ਮਾਰ ਕੇ ਮੋਬਾਇਲ ਖੋਹ ਲਿਆ, ਜਿਸਨੂੰ ਬਚਾਉਣ ਲਈ ਫ਼ੌਜੀ ਵੀ ਲੁਟੇਰੇ ਦੇ ਪਿੱਛੇ ਭੱਜ ਪਿਆ ਪ੍ਰੰਤੂ ਇਸ ਦੌਰਾਨ ਕਾਹਲ ਵਿਚ ਉਹ ਟਰੇਨ ਦੇ ਹੇਠਾਂ ਡਿੱਗ ਪਿਆ। ਜਿਸਦੇ ਚੱਲਦੇ ਪੈਰਾਂ ਕੋਲ ਦੋਨਾਂ ਲੱਤਾਂ ਬੁਰੀ ਤਰ੍ਹਾਂ ਕੱਟੀਆਂ ਗਈਆਂ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
