👉ਸਾਬਕਾ ਕੋਸਲਰ ਵਿਜੇ ਕੁਮਾਰ ਸਾਥੀਆਂ ਸਹਿਤ ਸਬਜ਼ੀ ਮੰਡੀ ਨੂੰ ਤਾਲਾ ਲਗਾਉਣ ਪੁੱਜੇ
Bathinda News: ਵਧਦੀ ਮਹਿੰਗਾਈ ਦੌਰਾਨ ਆਮ ਘਰਾਂ ਦੀ ਥਾਲੀ ਵਿਚੋਂ ਦੂਰ ਹੋ ਰਹੀ ਸਬਜ਼ੀ ਦੇ ਮੁੱਦੇ ਨੂੰ ਲੈ ਕੇ ਵੀਰਵਾਰ ਨੂੰ ਬਠਿੰਡਾ ਦੀ ਸਬਜ਼ੀ ਮੰਡੀ ਵਿੱਚ ਹੰਗਾਮਾ ਹੋ ਗਿਆ। ਸਾਬਕਾ ਐੱਮ.ਸੀ ਵਿਜੇ ਕੁਮਾਰ ਆਪਣੇ ਸਾਥੀਆਂ ਸਮੇਤ ਮੰਡੀ ਦੇ ਮੁੱਖ ਗੇਟ ਨੂੰ ਤਾਲਾ ਲਾ ਕੇ ਵਿਰੋਧ ਕਰਨ ਲਈ ਇੱਥੇ ਪਹੁੰਚੇ। ਜਿਸਦਾ ਸਬਜ਼ੀ ਆੜਤੀਆਂ ਨੇ ਵਿਰੋਧ ਕੀਤਾ। ਸਥਿਤੀ ਨੂੰ ਸੰਭਾਲਣ ਲਈ ਪੁਲਿਸ ਨੂੰ ਅੱਗੇ ਆਉਣਾ ਪਿਆ। ਆਪਣੇ ਵਿਲੱਖਣ ਪ੍ਰਦਰਸ਼ਨਾਂ ਲਈ ਜਾਣੇ ਜਾਂਦੇ ਸਾਬਕਾ ਕੋਸਲਰ ਨੇ ਦੋਸ਼ ਲਗਾਇਆ ਕਿ ਹੋਲਸੇਲ ਤੇ ਰਿਟੇਲ ਰੇਟਾਂ ਵਿੱਚ ਬੇਹੱਦ ਅੰਤਰ ਰੱਖ ਕੇ ਲੋਕਾਂ ਨਾਲ ਖੁੱਲ੍ਹਾ ਧੋਖਾ ਕੀਤਾ ਜਾ ਰਿਹਾ ਹੈ।
ਇਹ ਵੀ ਪੜ੍ਹੋ Mayor Padamjit Singh Mehta ਦੀ ਅਗਵਾਈ ਹੇਠ ਭੱਟੀ ਰੋਡ ‘ਤੇ 50 ਲੱਖ ਰੁਪਏ ਦੀ ਲਾਗਤ ਨਾਲ ਪ੍ਰੀਮਿਕਸ ਦੇ ਕੰਮ ਦਾ ਸ਼ੁਭ ਆਰੰਭ
ਜਦਕਿ ਆੜਤੀ ਐਸੋਸੀਏਸ਼ਨ ਦੇ ਸਰਪਰਸਤ ਮਹਿੰਦਰ ਕੁਮਾਰ ਨੇ ਇਸ ਮਾਮਲੇ ‘ਤੇ ਸਪੱਸ਼ਟੀਕਰਨ ਦਿੰਦਿਆਂ ਕਿਹਾ ਕਿ ਸਬਜ਼ੀ ਮੰਡੀ ਦੇ ਆੜਤੀਏ ਮਾਰਰਕੀਟ ਫੀਸ ਅਦਾ ਕਰਦੇ ਹਨ ਅਤੇ ਨਿਯਮ ਅਨੁਸਾਰ ਕਮਿਸ਼ਨ ਲੈਂਦੇ ਹਨ, ਇਸ ਲਈ ਰਿਟੇਲ ਮਾਰਕੀਟ ਵਿੱਚ ਫੜੀਆਂ ਤੇ ਰਹੇੜੀਆਂ ’ਤੇ ਸਬਜ਼ੀ ਮਹਿੰਗੀ ਵਿਕਣ ਲਈ ਉਨ੍ਹਾਂ ਨੂੰ ਜ਼ਿੰਮੇਵਾਰ ਨਹੀਂ ਠਹਿਰਾਇਆ ਜਾ ਸਕਦਾ।ਉਨ੍ਹਾਂ ਦੱਸਿਆ ਕਿ ਮੰਡੀ ਦੀ ਨਿਯਮਤ ਮਾਰਕੀਟ ਕਮੇਟੀ ਵਲੋਂ ਰੋਜਾਨਾ ਮੋਨੀਟਰਿੰਗ ਕੀਤੀ ਜਾਂਦੀ ਹੈ ਅਤੇ ਰੋਜ਼ਾਨਾ ਦੇ ਰੇਟ ਬਠਿੰਡਾ ਸਬਜ਼ੀ ਮੰਡੀ ਦੇ ਅਧਿਕਾਰਕ ਫੇਸਬੁੱਕ ਪੇਜ ’ਤੇ ਅਪਲੋਡ ਕੀਤੇ ਜਾਂਦੇ ਹਨ। ਉਨ੍ਹਾਂ ਅਨੁਸਾਰ ਸਬਜ਼ੀਆਂ ਦੇ ਰੇਟ ਕੁਆਲਿਟੀ, ਮੰਗ ਅਤੇ ਸਪਲਾਈ ਦੇ ਅਧਾਰ ’ਤੇ ਹਰ ਰੋਜ਼ ਬਦਲਦੇ ਹਨ, ਜਿਸ ਕਾਰਨ ਰਿਟੇਲ ਤੇ ਹੋਲਸੇਲ ਵਿੱਚ ਫਰਕ ਰਹਿੰਦਾ ਹੈ।
ਇਹ ਵੀ ਪੜ੍ਹੋ DAV College Bathinda ਦਾ ਉਦੈ ਪ੍ਰਤਾਪ ਸਹਾਰਨ ਪੰਜਾਬ ਰਣਜੀ ਟਰਾਫ਼ੀ ਲਈ ਕਪਤਾਨ ਨਿਯੁਕਤ
ਦੂਜੇ ਪਾਸੇ, ਸਾਬਕਾ ਕੋਸਲਰ ਤੇ ਉਨ੍ਹਾਂ ਨਾਲ ਪੁੱਜੇ ਸ਼ਹਿਰ ਵਾਸੀਆਂ ਦਾ ਕਹਿਣਾ ਸੀ ਕਿ ਕਿਸਾਨਾਂ ਤੋਂ ਘੱਟ ਰੇਟ ’ਤੇ ਸਬਜ਼ੀਆਂ ਖਰੀਦ ਕੇ ਰਿਟੇਲ ਮਾਰਕੀਟ ਵਿੱਚ 100 ਤੋਂ 120 ਰੁਪਏ ਪ੍ਰਤੀ ਕਿਲੋ ਤੱਕ ਦੇ ਰੇਟ ਲਗਾ ਕੇ ਗਾਹਕਾਂ ਨੂੰ ਮਹਿੰਗੀ ਸਬਜ਼ੀ ਵੇਚੀ ਜਾ ਰਹੀ ਹੈ। ਇੱਕ ਹਫ਼ਤੇ ਤੋਂ ਲਗਤਾਰ ਮਹਿੰਗੀ ਸਬਜ਼ੀ ਦਾ ਮੁੱਦਾ ਚੁੱਕ ਰਹੇ ਸਾਬਕਾ ਐੱਮ.ਸੀ ਵਿਜੇ ਕੁਮਾਰ ਨੇ ਆਰੋਪ ਲਗਾਇਆ ਕਿ ਸਬਜ਼ੀ ਮੰਡੀ ਦੇ ਕਈ ਆੜਤੀਆਂ ਦੀਆਂ ਆਪਣੀਆਂ ਹੀ ਫੜੀਆਂ ਤੇ ਦੁਕਾਨਾਂ ਹਨ, ਜਿੱਥੇ ਉਹ ਮਹਿੰਗੇ ਭਾਅ ’ਤੇ ਸਬਜ਼ੀ ਵੇਚ ਰਹੇ ਹਨ, ਜਿਸ ਨਾਲ ਆਮ ਲੋਕਾਂ ਦੀ ਰਸੋਈ ਦਾ ਬਜਟ ਹਿਲ ਗਿਆ ਹੈ।
ਇਹ ਵੀ ਪੜ੍ਹੋ ਵੱਡੀ ਖਬਰ; ਵਿਰੋਧ ਤੋਂ ਬਾਅਦ ਕੇਂਦਰ ਵੱਲੋਂ ਪੰਜਾਬ ਯੂਨੀਵਰਸਿਟੀ ਦੇ ਸੈਨੇਟ ਭੰਗ ਦਾ ਫੈਸਲਾ ਵਾਪਸ ਲਿਆ
ਉਨ੍ਹਾਂ ਕਿਹਾ ਕਿ ਮਾਰਕੀਟ ਵਿੱਚ ਧਨੀਆ 400 ਰੁਪਏ ਪ੍ਰਤੀ ਕਿਲੋ ਤੇ ਗੋਭੀ ਦੀਵਾਲੀ ਦੇ ਮੌਕੇ 200 ਰੁਪਏ ਪ੍ਰਤੀ ਕਿਲੋ ਤੱਕ ਵਿਕ ਚੁੱਕੀ।ਉਨ੍ਹਾਂ ਦਲੀਲ ਦਿੱਤੀ ਕਿ ਜੇ ਕਿਸਾਨਾਂ ਨੂੰ ਉਚਿਤ ਰੇਟ ਨਹੀਂ ਮਿਲ ਰਹੇ ਤਾਂ ਰਿਟੇਲ ਵਿਕਰੇਤਾ ਦੁੱਗਣੇ ਭਾਅ ਤੇ ਸਬਜ਼ੀ ਕਿਉਂ ਵੇਚ ਰਹੇ ਹਨ? ਉਨ੍ਹਾਂ ਕਰੋਨਾ ਕਾਲ ਦਾ ਹਵਾਲਾ ਦਿੰਦਿਆਂ ਕਿਹਾ ਕਿ ਉਸ ਸਮੇਂ ਸਰਕਾਰ ਨੇ ਰੇਟ ਤੈਅ ਕਰਕੇ ਨਿਯੰਤਰਣ ਬਣਾਇਆ ਸੀ।ਵਿਜੇ ਐੱਮ.ਸੀ ਨੇ ਚੇਤਾਵਨੀ ਦਿੱਤੀ ਕਿ ਜੇ ਸਬਜ਼ੀ ਦੇ ਰੇਟਾਂ ’ਤੇ ਤੁਰੰਤ ਨਿਯੰਤਰਣ ਨਾ ਕੀਤਾ ਗਿਆ ਤਾਂ ਉਹ ਇਸ ਮੁੱਦੇ ਉਪਰ ਲੋਕਾਂ ਨੂੰ ਨਾਲ ਲੈਕੇ ਵਿਰੋਧ ਹੋਰ ਤਿੱਖਾ ਕਰਨਗੇ। ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ ਸਬੰਧੀ ਉਹ ਡਿਪਟੀ ਕਮਿਸ਼ਨਰ ਬਠਿੰਡਾ ਨੂੰ ਮੰਗ ਪੱਤਰ ਵੀ ਦੇਣਗੇ। ਇਸ ਮੌਕੇ ਥਾਣਾ ਕੋਤਵਾਲੀ ਦੇ ਮੁਖੀ ਇੰਸਪੈਕਟਰ ਪਰਵਿੰਦਰ ਸਿੰਘ ਦੀ ਅਗਵਾਈ ਹੇਠ ਪੁਲਿਸ ਪ੍ਰਸ਼ਾਸ਼ਨ ਨੇ ਵੀ ਸਥਿਤੀ ‘ਤੇ ਡੂੰਘੀ ਨਜ਼ਰ ਬਣਾਈ ਰੱਖੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
