👉ਮਹਿਤਾ ਧੜੇ ਵੱਲੋਂ ਸ਼ਾਮ ਲਾਲ ਜੈਨ ਦਾ ਨਾਮ ਲਗਭਗ ਤੈਅ
Bathinda News: ਪੰਜਾਬ ਦੀ ਦੂਜੀ ਸਿਆਸੀ ਰਾਜਧਾਨੀ ਮੰਨੇ ਜਾਂਦੇ ਬਠਿੰਡਾ ਵਿਚ ਮੁੜ ਨਗਰ ਨਿਗਮ ਦੀ ਸਿਆਸਤ ਭਖਣ ਲੱਗੀ ਹੈ। ਪਿਛਲੇ ਕਰੀਬ 6 ਮਹੀਨਿਆਂ ਤੋਂ ਖਾਲੀ ਪਏ ਸੀਨੀਅਰ ਡਿਪਟੀ ਮੇਅਰ ਦੇ ਅਹੁੱਦੇ ਦੇ ਬਹਾਨੇ ਕਾਂਗਰਸ ਵੱਲੋਂ ਸ਼ਹਿਰ ਵਿਚ ਖੁੱਸੀ ਜਮੀਨ ਨੂੰ ਹਾਸਲ ਕਰਨ ਲਈ ਸਿਆਸੀ ਗੋਟੀਆਂ ਫਿੱਟ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਆਗਾਮੀ 4 ਨਵੰਬਰ ਨੂੰ ਨਗਰ ਨਿਗਮ ਦੇ ਜਨਰਲ ਹਾਊਸ ਦੀ ਹੋਣ ਜਾ ਰਹੀ ਮੀਟਿੰਗ ਤੋਂ ਪਹਿਲਾਂ ਕਾਂਗਰਸ ਨੇ ਆਪਣੇ ਉਮੀਦਵਾਰ ਦਾ ਐਲਾਨ ਕਰ ਦਿੱਤਾ ਹੈ। ਕਾਂਗਰਸ ਦੇ ਕੋਂਸਲਰਾਂ ਦੀ ਅੱਜ ਹੋਈ ਮੀਟਿੰਗ ਵਿਚ ਦਲਿਤ ਆਗੂ ਤੇ ਬਲਾਕ ਪ੍ਰਧਾਨ ਹਰਵਿੰਦਰ ਸਿੰਘ ਲੱਡੂ ਨੂੰ ਇਸ ਅਹੁੱਦੇ ਲਈ ਉਮੀਦਵਾਰ ਐਲਾਨਿਆ ਗਿਆ ਹੈ।
ਇਹ ਵੀ ਪੜ੍ਹੋ 15000 ਰੁਪਏ ਦੀ ਰਿਸ਼ਵਤ ਲੈਂਦਾ ਜੰਗਲਾਤ ਵਿਭਾਗ ਦਾ ਦਰੋਗਾ ਵਿਜੀਲੈਂਸ ਵੱਲੋਂ ਰੰਗੇ ਹੱਥੀਂ ਕਾਬੂ
ਸੂਚਨਾ ਮੁਤਾਬਕ ਜ਼ਿਲ੍ਹਾ ਪ੍ਰਧਾਨ ਰਾਜਨ ਗਰਗ ਦੀ ਅਗਵਾਈ ਹੇਠ ਹੋਈ ਇਸ ਮੀਟਿੰਗ ਵਿਚ ਕਰੀਬ ਇੱਕ ਦਰਜ਼ਨ ਕੋਸਲਰ ਪੁੱਜੇ ਹੋਏ ਸਨ। ਸਿਆਸੀ ਮਾਹਰਾਂ ਮੁਤਾਬਕ ਲੱਡੂ ਨੂੰ ਉਮੀਦਵਾਰ ਐਲਾਨ ਕਿ ਕਾਂਗਰਸ ਨੇ ਇੱਕ ਤੀਰ ਨਾਲ ਦੋ ਨਿਸ਼ਾਨੇ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਹੈ। ਜਿਸਦੇ ਵਿਚ ਦਲਿਤ ਪੱਤਾ ਖੇਡਣ ਤੋਂ ਇਲਾਵਾ ਮਹਿਤਾ ਦੇ ਵਿਰੋਧੀ ਧੜੇ ਜਗਰੂਪ ਸਿੰਘ ਗਿੱਲ ਨੂੰ ਵੀ ਨਾਲ ਮਿਲਾਉਣ ਦੀ ਕੋਸ਼ਿਸ ਕੀਤੀ ਹੈ। ਦੂਜੇ ਪਾਸੇ ਮਹਿਤਾ ਧੜੇ ਵੱਲੋਂ ਅਧਿਕਾਰਤ ਤੌਰ ‘ਤੇ ਆਪਣੇ ਉਮੀਦਵਾਰ ਦਾ ਐਲਾਨ ਨਹੀਂ ਕੀਤਾ ਗਿਆ ਪ੍ਰੰਤੂ ਸ਼ਾਮ ਲਾਲ ਜੈਨ ਦਾ ਨਾਮ ਲਗਭਗ ਤੈਅ ਮੰਨਿਆ ਜਾ ਰਿਹਾ।
ਇਹ ਵੀ ਪੜ੍ਹੋ Bathinda-Dabwali Road ਬਾਦਲ ਰੋਡ ਤੱਕ ਬਣੀ ਜਾਮ ਦਾ ਘਰ; ਹਰ ਰੋਜ਼ ਹੋ ਰਹੇ ਹਨ ਭਿਆਨਕ ਹਾਦਸੇ
ਉਧਰ,ਮਨਪ੍ਰੀਤ ਬਾਦਲ ਧੜੇ ਵੱਲੋਂ ਹਾਲੇ ਪੱਤੇ ਨਹੀਂ ਖੋਲੇ ਗਏ ਹਨ। ਚਰਚਾ ਮੁਤਾਬਕ ਇਹ ਧੜਾ ਮੁੜ ਨਿਗਮ ਵਿਚ ਮੁੜ ਇੱਕ ਕੁਰਸੀ ਹਾਸਲ ਕਰਨ ਦੀ ਜੋਰ-ਅਜ਼ਮਾਇਸ ਵਿਚ ਅੰਦਰਖਾਤੇ ਲੱਗਿਆ ਹੋਇਆ ਹੈ ਪ੍ਰੰਤੂ ਮੌਜੂਦਾ ਸਿਆਸੀ ਹਾਲਾਤਾਂ ਮੁਤਾਬਕ ਅਜਿਹਾ ਹੁੰਦਾ ਸੰਭਵ ਨਹੀਂ ਜਾਪ ਰਿਹਾ, ਕਿਉਂਕਿ ਕਾਂਗਰਸ ਦੇ ਨਾਲ ਜਾਣਾ ਇਸ ਧੜੇ ਲਈ ਸੰਭਵ ਨਹੀਂ ਤੇ ਆਪਣੇ ਪੱਧਰ ‘ਤੇ ਵੀ ਕੁਰਸੀ ਹਾਸਲ ਕਰਨ ਦੀ ਪਹੁੰਚ ਨਹੀਂ ਲੱਗ ਰਹੀ। ਅਜਿਹੀ ਹਾਲਾਤ ਵਿਚ ਸਿਆਸੀ ਮਾਹਰ ਮਹਿਤਾ ਧੜੇ ਨੂੰ ਫ਼ਿਲਹਾਲ ਤਾਕਤਵਰ ਮੰਨ ਕੇ ਚੱਲ ਰਹੇ ਹਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
