Bathinda News: ਸਿਲਵਰ ਓਕਸ ਸਕੂਲ ਸੁਸ਼ਾਂਤ ਸਿਟੀ-2 ਬਠਿੰਡਾ ਦੁਆਰਾ ਆਯੋਜਿਤ ਦੋ ਰੋਜਾ ਮਾਡਲ ਯੂਨਾਈਟਿਡ ਨੈਸ਼ਨ(ਐਮਯੂਐਨ) ਕਾਨਫਰੰਸ ਅੱਜ ਇੱਕ ਸ਼ਾਨਦਾਰ ਸਮਾਰੋਹ ਦੇ ਨਾਲ ਸਮਾਪਤ ਹੋਈ। ਬਹੁਤ ਜੋਸ਼ ਅਤੇ ਉਤਸ਼ਾਹ ਨਾਲ ਸ਼ੁਰੂ ਹੋਇਆ ਇਹ ਪ੍ਰੋਗਰਾਮ 17 ਸਕੂਲਾਂ ਦੇ 250 ਤੋਂ ਵੱਧ ਨੌਜਵਾਨ ਪ੍ਰਤੀਨਿਧਾ ਦੀ ਬੌਧਿਕ ਸ਼ਕਤੀ ਅਤੇ ਕੂਟਨੀਤਕ ਭਾਵਨਾ ਦਾ ਜਸ਼ਨ ਮਨਾਉਂਦੇ ਹੋਏ ਉੱਚ ਪੱਧਰ ‘ਤੇ ਸਮਾਪਤ ਹੋਇਆ।ਆਖਰੀ ਦਿਨ ਦੀ ਸ਼ੁਰੂਆਤ ਇੱਕ ਊਰਜਾਵਾਨ ਅਤੇ ਸ਼ਾਂਤਮਈ ਯੋਗਾ ਸੈਸ਼ਨ ਨਾਲ ਹੋਈ ਇਹ ਵਿਸ਼ੇਸ਼ ਸੈਸ਼ਨ ਅੰਤਰਰਾਸ਼ਟਰੀ ਹਸਤੀ ਮੈਡਮ ਕ੍ਰਿਸਟਲ ਸਟੀਫਨਜ਼, ਫ੍ਲੋਰਿਡਾ USA ਦੁਆਰਾ ਲਿਆ ਗਿਆ। ਇਸ ਤੋਂ ਬਾਅਦ ਕਾਨਫਰੰਸ ਆਪਣੇ ਸਿਖਰ ਤੇ ਪਹੁੰਚ ਗਈ ਜਦੋਂ ਜੇਤੂਆਂ ਦਾ ਐਲਾਨ ਕੀਤਾ ਗਿਆ।
ਇਹ ਵੀ ਪੜ੍ਹੋ Nabha jail ‘ਚ ਬੰਦ Bikram Majithia ਕੋਲੋਂ ਵਿਸ਼ੇਸ ਜਾਂਚ ਟੀਮ ਨੇ ਕੀਤੀ ਢਾਈ ਘੰਟੇ ਪੁੱਛਗਿਛ
ਸੰਯੁਕਤ ਰਾਸ਼ਟਰ ਦੀਆਂ ਵੱਖ-ਵੱਖ ਕਮੇਟੀਆਂ ਦੀ ਨਕਲ ਵਿੱਚ ਘੰਟਿਆਂ ਦੀ ਤੀਬਰ ਬਹਿਸ, ਗੱਲਬਾਤ ਅਤੇ ਸਹਿਯੋਗ ਤੋਂ ਬਾਅਦ, ਸ਼ਾਨਦਾਰਪ੍ਰਤੀਨਿਧਾਂ ਨੂੰ ਪ੍ਰਭਾਵਸ਼ਾਲੀ ਬੋਲਣ ਦੇ ਹੁਨਰ ਅਤੇ ਕੂਟਨੀਤਕ ਹੁਨਰ ਲਈ ਸਨਮਾਨਿਤ ਕੀਤਾ ਗਿਆ। ਸਿਲਵਰ ਓਕਸ ਸਕੂਲ ਸੁਸ਼ਾਂਤ ਸਿਟੀ II ਦੇ ਅਰਸ਼ਿਤ ਸਰਾਂ ਨੂੰ UNODC ਵਿੱਚ ਸਭ ਤੋਂ ਵਧੀਆ ਪ੍ਰਤਿਨਿਧੀ ਵਜੋਂ ਸਨਮਾਨਿਤ ਕੀਤਾ ਗਿਆ। ਸੇਂਟ ਜੋਸਫ ਸਕੂਲ ਬਠਿੰਡਾ ਦੇ ਆਰਯਨ ਸਿੰਘ ਅਤੇ ਸਿਲਵਰ ਓਕਸ ਡਬਵਾਲੀ ਰੋਡ ਦੀ ਪ੍ਰਜਕਤਾ ਕੋਹਲੀ, ਦਿੱਲੀ ਪਬਲਿਕ ਸਕੂਲ ਅਬੋਹਰ ਦੀ ਰੀਜ਼ਾ ਸੇਠੀ ਨੂੰ ਵੀ ਸਨਮਾਨਿਤ ਕੀਤਾ ਗਿਆ। ਸਿਲਵਰ ਓਕਸ ਸਕੂਲ ਸੁਸ਼ਾਂਤ ਸਿਟੀ II ਦੇ ਅਸੀਸਜੋਤ ਸਿੰਘ ਨੇ WHO ਕਮੇਟੀ ਵਿੱਚ ਉੱਚ ਪ੍ਰਸ਼ੰਸਾ ਪ੍ਰਾਪਤ ਕੀਤੀ।
ਦਿੱਲੀ ਪਬਲਿਕ ਸਕੂਲ ਬਠਿੰਡਾ ਦੇ ਖੁਸ਼ਦੀਪ ਸਿੰਘ ਨੂੰ ਸਭ ਤੋਂ ਵਧੀਆ ਪ੍ਰਤਿਨਿਧੀ ਵਜੋਂ ਸਨਮਾਨਿਤ ਕੀਤਾ ਗਿਆ। ਬੈਸਟ ਡੈਲੀਗੇਸ਼ਨ ਟ੍ਰਾਫੀ ਸਿਲਵਰ ਓਕਸ ਸਕੂਲ ਸੁਸ਼ਾਂਤ ਸਿਟੀ II ਨੂੰ ਪ੍ਰਦਾਨ ਕੀਤੀ ਗਈ।ਇਨਾਮ ਵੰਡ ਸਮਾਪਤੀ ਸਮਾਰੋਹ ਦੇ ਮੁੱਖ ਮਹਿਮਾਨ ਸ੍ਰੀ ਓਮਪ੍ਰਕਾਸ਼ ਗਾਸੋ ਸਨ, ਜੋ ਇੱਕ ਸਤਿਕਾਰ ਯੋਗ ਕਵਿ ਅਤੇ ਲੇਖਕ ਹਨ। ਇੱਕ ਦਿਲ ਖਿੱਚਵੇਂ ਭਾਸ਼ਣ ਵਿੱਚ ਸਕੂਲ ਡਾਇਰੈਕਟਰ ਸ਼੍ਰੀਮਤੀ ਬਰਨਿੰਦਰ ਪਾਲ ਸੇਖੋ ਅਤੇ ਪ੍ਰਿੰਸੀਪਲ ਸ੍ਰੀਮਤੀ ਨੀਤੂ ਅਰੋੜਾ ਨੇ ਸਾਂਝੇ ਤੌਰ ਤੇ ਕਾਨਫਰੰਸ ਦੀ ਸਫਲਤਾ ਤੇ ਚਾਨਣਾ ਪਾਇਆ। ਰਸਮੀ ਸਮਾਰੋਹ ਸਿਲਵਰ ਓਕਸ ਸਕੂਲ ਦੇ ਵਿਦਿਆਰਥੀਆਂ ਵੱਲੋਂ ਪੰਜਾਬ ਦੇ ਪ੍ਰਸਿੱਧ ਲੋਕ ਨਾਚ ਸੰਮੀ ਨਾਲ ਸਮਾਪਤ ਹੋਇਆ। ਕਾਨਫਰੰਸ ਰਾਸ਼ਟਰੀ ਗੀਤ ਦੇ ਗਾਇਨ ਅਤੇ ਦੇਸ਼ਭਗਤੀ ਦੇ ਗੀਤ ਨਾਲ ਸਮਾਪਤ ਹੋਈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
