9 ਅਕਤੂਬਰ ਨੂੰ ਜੱਦੀ ਪਿੰਡ ‘ਚ ਹੋਵੇਗਾ ਗਾਇਕ ਰਾਜਵੀਰ ਜਾਵੰਦਾ ਦਾ ਅੰਤਿਮ ਸੰਸਕਾਰ, ਜਾਣੋਂ ਕਿਵੇਂ ਪੁਲਿਸ ਮੁਲਾਜਮ ਤੋਂ ਬਣਿਆ ਸੀ ਗਾਇਕ!
Mohali News: ਪੰਜਾਬੀ ਗਾਇਕੀ ਦੇ ਚਮਕਦੇ ਸਿਤਾਰੇ ਰਾਜਵੀਰ ਜਾਵੰਦਾ (35 ਸਾਲ)ਦੀ ਬੇਵਕਤੀ ਮੌਤ ਨੇ ਪੂਰੇ ਪੰਜਾਬ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਦਰਸ਼ਨੀ ਨੌਜਵਾਨ ਤੇ ਸੁਰੀਲੀ ਅਵਾਜ਼ ਦੇ ਮਾਲਕ ਇਸ ਗਾਇਕ ਨੇ ਅੱਜ ਸਵੇਰੇ ਮੋਹਾਲੀ ਦੇ ਫ਼ੋਰਟਿਸ ਹਸਪਤਾਲ ਵਿਚ ਦਮ ਤੋੜ ਦਿੱਤਾ। 27 ਸਤੰਬਰ 2025 ਨੂੰ ਹਿਮਾਚਲ ਪ੍ਰਦੇਸ਼ ਦੇ ਸੋਲਨ ਜ਼ਿਲ੍ਹੇ ਦੇ ਬੱਦੀ ਨੇੜੇ ਗਾਇਕ ਰਾਜਵੀਰ ਜਵੰਦਾ ਇੱਕ ਮੋਟਰਸਾਈਕਲ ਹਾਦਸੇ ਵਿੱਚ ਗੰਭੀਰ ਜ਼ਖਮੀ ਹੋ ਗਿਆ ਸੀ, ਜਿਸਨੂੰ ਪਹਿਲਾਂ ਸੋਲਨ ਦੇ ਇੱਕ ਨਿੱਜੀ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਸੀ, ਜਿੱਥੇ ਹਾਲਾਤ ਗੰਭੀਰ ਹੋਣ ‘ਤੇ ਮੋਹਾਲੀ ਦੇ ਫੋਰਟਿਸ ਹਸਪਤਾਲ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਸੀ। ਗਾਇਕ ਜਾਵੰਦਾ ਦਾ ਅੰਤਿਮ ਸੰਸਕਾਰ ਭਲਕੇ ਉਸਦੇ ਜੱਦੀ ਪਿੰਡ ਪੋਨਾ, ਨੇੜੇ ਜਗਰਾਓ ਦੇ ਵਿਚ ਕੀਤਾ ਜਾਵੇਗਾ। ਇਸ ਨੌਜਵਾਨ ਗਾਇਕ ਦੀ ਮੌਤ ਉਪਰ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਤੋਂ ਲੈ ਕੇ ਸਮੂਹ ਸਿਆਸੀ ਪਾਰਟੀਆਂ ਦੇ ਆਗੂਆਂ, ਸਾਥੀ ਗਾਇਕਾਂ, ਫ਼ਿਲਮੀ ਅਦਾਕਾਰਾਂ ਸਹਿਤ ਹਰ ਵਰਗ ਦੇ ਲੋਕਾਂ ਵੱਲੋਂ ਦੁੱਖ ਪ੍ਰਗਟਾਇਆ ਗਿਆ।
ਇਹ ਵੀ ਪੜ੍ਹੋ Punjab Police ‘ਚ ਵੱਡੀ ਰੱਦੋਬਦਲ; 133 IPS & PPS ਅਫ਼ਸਰਾਂ ਦੇ ਹੋਏ ਤਬਾਦਲੇ, ਦੋਖੋ ਲਿਸਟ
ਜੇਕਰ ਰਾਜਵੀਰ ਜਵੰਦਾ ਦੇ ਬਚਪਨ ਅਤੇ ਪੜਾਈ ਦੀ ਗੱਲ ਕੀਤੀ ਜਾਵੇ ਤਾਂ ਉਸਨੇ ਆਪਣੀ ਮੁੱਢਲੀ ਸਿੱਖਿਆ ਜਗਰਾਉਂ ਦੇ ਸਨਮਤੀ ਵਿਮਲ ਜੈਨ ਸਕੂਲ ਤੋਂ ਪ੍ਰਾਪਤ ਕੀਤੀ ਅਤੇ ਫਿਰ ਡੀਏਵੀ ਕਾਲਜ ਜਗਰਾਉਂ ਤੋਂ ਗ੍ਰੈਜੂਏਸ਼ਨ ਕੀਤੀ। ਸ਼ੁਰੂ ਤੋਂ ਹੀ ਗਾਇਕੀ ਤੇ ਅਦਾਕਾਰੀ ਦਾ ਸ਼ੌਕ ਰੱਖਦੇ ਰਾਜਵੀਰ ਨੇ ਪੰਜਾਬੀ ਯੂਨੀਵਰਸਿਟੀ ਪਟਿਆਲਾ ਤੋਂ ਥੀਏਟਰ ਅਤੇ ਟੈਲੀਵਿਜ਼ਨ ਵਿੱਚ ਮਾਸਟਰ ਦੀ ਡਿਗਰੀ ਪ੍ਰਾਪਤ ਕੀਤੀ। ਹਾਲਾਂਕਿ ਉਹ ਗਾਇਕੀ ‘ਚ ਹੱਥ ਅਜਮਾਉਣਾ ਚਾਹੁੰਦੇ ਸਨ ਪ੍ਰੰਤੂ ਦਰਮਿਆਨੇ ਜਿਮੀਦਾਰ ਪ੍ਰਵਾਰ ਨਾਲ ਸਬੰਧਤ ਰਾਜਵੀਰ ਨੂੰ ਆਪਣੇ ਪਿਤਾ ਕਰਮ ਸਿੰਘ ਵਾਂਗ ਰੋਜ਼ਗਾਰ ਦੇ ਲਈ ਪੁਲਿਸ ਵਿਭਾਗ ਵਿਚ ਜਾਣਾ ਪਿਆ ਤੇ ਉਹ ਸਾਲ 2011 ਵਿੱਚ ਬਤੌਰ ਕਾਂਸਟੇਬਲ ਵਜੋਂ ਪੰਜਾਬ ਪੁਲਿਸ ਵਿੱਚ ਭਰਤੀ ਹੋਇਆ। ਇਸ ਦੌਰਾਨ ਗਾਇਕੀ ਦਾ ਸ਼ੌਕ ਬਰਕਰਾਰ ਰੱਖਿਆ ਤੇ ਪਹਿਚਾਣ ਮਿਲਣ ਤੋਂ ਬਾਅਦ ਸਾਲ 2019 ਵਿੱਚ ਪੁਲਿਸ ਦੀ ਨੌਕਰੀ ਚੋਂ ਅਸਤੀਫਾ ਦੇ ਦਿੱਤਾ।
ਇਹ ਵੀ ਪੜ੍ਹੋ ਨੌਜਵਾਨ ਨੇ ਸੱਸ ਤੇ ਪਤਨੀ ਤੋਂ ਤੰਗ ਹੋ ਕੇ ਕੀਤੀ ਆਤਮਹੱਤਿਆ,ਪੁਲਿਸ ਵੱਲੋਂ ਜਾਂਚ ਸ਼ੁਰੂ
ਰਾਜਵੀਰ ਜਾਵੰਦਾ ਦੀ ਗਾਇਕੀ ਦੀ ਸ਼ੁਰੂਆਤ ਸਾਲ 2016 ਵਿੱਚ “ਕਾਲੀ ਜਵੰਦੇ ਦੀ” ਨਾਲ ਹੋਈ। ਇਸਤੋਂ ਬਾਅਦ “ਮੁਕਾਬਲਾ” ਗੀਤ ਨੇ ਉਸਨੂੰ ਵੱਖਰੀ ਪਛਾਣ ਦਿਵਾਈ। ਜਿਸਤੋਂ ਬਾਅਦ ਪੰਜਾਬੀ ਮਿਊਜ਼ਕ ਦੁਨੀਆਂ ਵਿਚ ਮਕਬੂਲ ਹੁੰਦਾ ਗਿਆ ਤੇ “ਪਟਿਆਲਾ ਸ਼ਾਹੀ ਪੱਗ” “ਕੇਸਰੀ ਝੰਡੇ”, “ਸ਼ੌਕੀਨ”, “ਜ਼ਮੀਨ ਮਾਲਕ”, “ਸਰਨੇਮ” ਅਤੇ “ਕੰਗਨੀ” ਵਰਗੇ ਗੀਤਾਂ ਨੇ ਉਸਨੂੰ ਇੱਕ ਹਿੱਟ ਕਲਾਕਾਰ ਵਜੋਂ ਸਥਾਪਤ ਕਰ ਦਿੱਤਾ। ਗਾਇਕੀ ਦੇ ਨਾਲ-ਨਾਲ ਸੋਹਣੀ ਦਿੱਖ ਵਾਲੇ ਗੱਭਰੂ ਨੇ ਸਾਲ 2018 ਵਿੱਚ ਫ਼ਿਲਮੀ ਦੁਨੀਆਂ ਵਿੱਚ ਕਦਮ ਰੱਖਿਆ ਅਤੇ “ਸਿਪਾਹੀ ਬਹਾਦਰ ਸਿੰਘ” ਦੀ ਭੂਮਿਕਾ ਨਿਭਾਉਂਦੇ ਹੋਏ ਪੰਜਾਬੀ ਫਿਲਮ “ਸੂਬੇਦਾਰ ਜੋਗਿੰਦਰ ਸਿੰਘ” ਨਾਲ ਆਪਣੀ ਸ਼ੁਰੂਆਤ ਕੀਤੀ। ਇਸੇ ਤਰ੍ਹਾਂ ਹੋਰ ਵੀ ਯਾਦਗਾਰੀ ਫ਼ਿਲਮਾਂ ਕੀਤੀਆਂ ਪ੍ਰੰਤੂ ਇੱਕ ਸੜਕ ਹਾਦਸੇ ਨੂੰ ਇਸ ਕਾਬਿਲ ਨੌਜਵਾਨ ਨੂੰ ਹਮੇਸ਼ਾ ਲਈ ਖੋਹ ਲਿਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
