America News 10/02/2025 : ਨਾਗਰੀਕਤਾ ਅਤੇ ਗੈਰ-ਕਾਨੂੰਨੀ ਪ੍ਰਵਾਸੀਆਂ ਉੱਤੇ ਲਏ ਜਾ ਰਹੇ ਵੱਡੇ ਐਕਸ਼ਨ ਦੇ ਵਿਚਾਲੇ ਅਮਰੀਕਾ ਨੇ ਇਕ ਅਜਿਹਾ ਐਲਾਨ ਕੀਤਾ ਹੈ, ਜਿਸ ਨਾਲ ਪੂਰੀ ਦੁਨੀਆ ਹੈਰਾਨ ਹੈ। ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਐਲਾਨ ਕੀਤਾ ਹੈ ਕਿ ਅਮਰੀਕਾ ਗਾਜ਼ਾ ਪੱਟੀ ਉੱਤੇ ਸ਼ਾਸਨ ਲਈ ਤਿਆਰ ਹੈ। ਅਝਿਹੇ ਵਿੱਚ ਸਵਾਲ ਇਹ ਉੱਠਦਾ ਹੈ ਕਿ ਜਿਸ ਗਾਜ਼ਾ ਵਿੱਚ ਮਿਸਰ ਅਤੇ ਜਾਰਡਨ ਵਰਗੇ ਮੁਸਲਿਮ ਦੇਸ਼ ਨਹੀਂ ਆਉਣਾ ਚਾਹੁੰਦੇ, ਜਿਨ੍ਹਾਂ ਫਲੀਸਤੀਨੀਆਂ ਨੂੰ ਕੋਈ ਸ਼ਰਣ ਨਹੀਂ ਦੇਣਾ ਚਾਹੁੰਦਾ, ਆਖਿਰਕਾਰ ਟਰੰਪ ਦੀ ਉਸ ਗਾਜ਼ਾ ਪੱਟੀ ਵਿੱਚ ਕੀ ਦਿਲਚਸਪੀ ਹੈ? ਆਓ ਜਾਣਦੇ ਹਾਂ।
ਇਹ ਵੀ ਪੜ੍ਹੋ : ਅਮਰੀਕਾ ‘ਚ ਗਰਮਾਇਆ ਮਾਹੌਲ, ਗੈਰ ਕਾਨੂੰਨੀ ਪ੍ਰਵਾਸੀਆਂ ਦੇ ਜ਼ਬਰੀ ਨਿਕਾਲੇ ਵਿਰੁੱਧ ਸੜਕਾਂ ‘ਤੇ ਪ੍ਰਦਰਸ਼ਨ ਸ਼ੁਰੂ
16 ਮਹੀਨਿਆਂ ਦੀ ਬਾਰੂਦੀ ਲੜਾਈ ਨੇ ਪੂਰੀ ਗਾਜ਼ਾ ਪੱਟੀ ਨੂੰ ਮਲਬੇ ਦੇ ਢੇਰ ਵਿੱਚ ਬਦਲ ਦਿੱਤਾ ਹੈ। ਗਾਜ਼ਾ ਪੱਟੀ ਵਿੱਚ ਇੱਕ ਵੀ ਇਮਾਰਤ ਦੂਰ-ਦੂਰ ਤੱਕ ਖੜ੍ਹੀ ਨਜ਼ਰ ਨਹੀਂ ਆਉਂਦੀ। ਜੋ ਵੀ ਦਿਖਾਈ ਦੇ ਰਿਹਾ ਹੈ ਉਹ ਟੈਂਟਾਂ ਦੀਆਂ ਲੰਬੀਆਂ ਲਾਈਨਾਂ ਹਨ। ਇਸ ਕਾਰਨ ਟਰੰਪ ਦੀਆਂ ਗਾਜ਼ਾ ਫਾਈਲਾਂ ਨੂੰ ਲੈ ਕੇ ਸਵਾਲ ਪੁੱਛੇ ਜਾ ਰਹੇ ਹਨ।ਸਭ ਤੋਂ ਪਹਿਲਾਂ, ਇਹ ਸਮਝ ਲਓ ਕਿ ਜੇਕਰ ਗਾਜ਼ਾ ਪੱਟੀ ਦਾ ਪ੍ਰਸ਼ਾਸਨ ਟਰੰਪ ਸੰਭਾਲ ਲੈਂਦੇ ਹਨ ਤਾਂ ਇਸ ਜ਼ਮੀਨ ਦੇ ਟੁਕੜੇ ‘ਤੇ ਉਹ ਕੀ-ਕੀ ਕਰਨਗੇ? ਟਰੰਪ ਦੀ ਯੋਜਨਾ ਮੁਤਾਬਕ ਸਭ ਤੋਂ ਪਹਿਲਾਂ ਵਿਸਥਾਪਿਤ ਫਲਸਤੀਨੀਆਂ ਦੇ ਇੱਕ ਹਿੱਸੇ ਨੂੰ ਮਿਸਰ ਅਤੇ ਜਾਰਡਨ ਭੇਜਣਾ ਹੈ। ਟਰੰਪ ਦੀ ਯੋਜਨਾ ਦਾ ਦੂਜਾ ਪੜਾਅ ਗਾਜ਼ਾ ਵਿੱਚ ਵਿਛਾਈਆਂ ਜ਼ਮੀਨਦੋਜ਼ ਸੁਰੰਗਾਂ ਨੂੰ ਹਟਾਉਣਾ ਹੈ ਅਤੇ ਟਰੰਪ ਦੀ ਯੋਜਨਾ ਦਾ ਤੀਜਾ ਹਿੱਸਾ ਗਾਜ਼ਾ ਦੇ ਮਲਬੇ ਨੂੰ ਹਟਾਉਣਾ ਅਤੇ ਇਮਾਰਤਾਂ ਨੂੰ ਦੁਬਾਰਾ ਬਣਾਉਣਾ ਹੈ ਅਤੇ ਚੌਥਾ ਹਿੱਸਾ ਗਾਜ਼ਾ ਪੱਟੀ ਤੋਂ ਹਮਾਸ ਦੇ ਹਰ ਇਕ ਨਿਸ਼ਾਨ ਨੂੰ ਖਤਮ ਕਰਨਾ ਹੈ।
ਇਹ ਵੀ ਪੜ੍ਹੋ : ਅਮਰੀਕਾ ਤੋਂ ਭਾਰਤੀਆਂ ਨੂੰ ਡਿਪੋਰਟ ਕਰਨ ਦਾ ਮਾਮਲਾ: ਪੰਜਾਬ ਪੁਲਿਸ ਦੀ ਵਿਸ਼ੇਸ਼ ਜਾਂਚ ਟੀਮ ਵੱਲੋਂ ਟਰੈਵਲ ਏਜੰਟਾਂ ਵਿਰੁੱਧ 8 ਐਫ.ਆਈ.ਆਰਜ਼ ਦਰਜ
ਡੋਨਾਲਡ ਟਰੰਪ ਗਾਜ਼ਾ ਵਿੱਚ ਫੌਜੀ ਤੈਨਾਤੀ ਦੇ ਜ਼ਰੀਏ ਅਮਰੀਕਾ ਨੂੰ ਉਸ ਝਟਕੇ ‘ਚੋਂ ਕੱਢ ਸਕਦੇ ਹਨ, ਜੋ ਸੀਰੀਆ ਵਿੱਚ ਲੱਗਾ ਹੈ। ਸੀਰੀਆ ਵਿਚ ਹਯਾਤ ਤਹਿਰੀਰ ਅਲ-ਸ਼ਾਮ ਦੇ ਕਬਜ਼ੇ ਤੋਂ ਬਾਅਦ ਇਸ ਖੇਤਰ ਵਿਚ ਤੁਰਕੀ ਦਾ ਦਬਾਅ ਵਧ ਗਿਆ ਹੈ ਅਤੇ ਅਮਰੀਕੀ ਫੌਜ ਨੂੰ ਪਿੱਛੇ ਹਟਣਾ ਪਿਆ ਹੈ। ਗਾਜ਼ਾ ਪੱਟੀ ਅਤੇ ਜਾਰਡਨ ਦੇ ਸਰਹੱਦੀ ਖੇਤਰਾਂ ਰਾਹੀਂ, ਡੋਨਾਲਡ ਟਰੰਪ ਇੱਕ ਅਜਿਹਾ ਮੋਰਚਾ ਖੋਲ੍ਹ ਸਕਦੇ ਹਨ ਜੋ ਤੁਰਕੀ ਸਮਰਥਿਤ ਹਯਾਤ ਤਹਿਰੀਰ ਅਲ-ਸ਼ਾਮ ਨੂੰ ਅੱਗੇ ਵਧਣ ਤੋਂ ਰੋਕ ਸਕਦਾ ਹੈ। ਜੇਕਰ ਡੋਨਾਲਡ ਟਰੰਪ ਦੀ ਗਾਜ਼ਾ ਯੋਜਨਾ ਹਕੀਕਤ ਵਿੱਚ ਬਦਲ ਜਾਂਦੀ ਹੈ ਤਾਂ ਇਹ ਨਾ ਸਿਰਫ਼ ਗਾਜ਼ਾ, ਸਗੋਂ ਪੂਰੇ ਅਰਬ ਜਗਤ ਦੀ ਹਾਲਤ ਅਤੇ ਦਿਸ਼ਾ ਬਦਲ ਦੇਵੇਗੀ।
ਇਹ ਵੀ ਪੜ੍ਹੋ : ਮੋਗਾ ’ਚ ਘਰ ਵਿਚ ਇਕੱਲੀ ਰਹਿੰਦੀ ਔਰਤ ਦਾ ਬੇਰਹਿਮੀ ਨਾਲ ਕ+ਤਲ
ਇਹ ਅਮਰੀਕਾ ਦਾ ਉਦੇਸ਼ ਹੈ ਜੋ ਟਰੰਪ ਨੇ ਦੁਨੀਆ ਨੂੰ ਦੱਸਿਆ ਹੈ ਪਰ ਕੀ ਇਹ ਟਰੰਪ ਦੀਆਂ ਗਾਜ਼ਾ ਫਾਈਲਾਂ ਦੀ ਅਸਲੀਅਤ ਹੈ ਜਾਂ ਕੀ ਟਰੰਪ ਦੀ ਯੋਜਨਾ ਕੁਝ ਹੋਰ ਹੈ? ਜੇਕਰ ਅਮਰੀਕੀ ਫ਼ੌਜਾਂ ਗਾਜ਼ਾ ‘ਚ ਆਉਂਦੀਆਂ ਹਨ ਤਾਂ ਅਮਰੀਕਾ ਦੇ ਦੋ ਹਿੱਤ ਸਿੱਧੇ ਤੌਰ ‘ਤੇ ਪੂਰੇ ਹੋਣਗੇ। ਇੱਕ ਪਾਸੇ ਇਜ਼ਰਾਈਲ ਦੀ ਮਦਦ ਲਈ ਇਜ਼ਰਾਈਲ ਦੀ ਸਰਹੱਦ ‘ਤੇ ਅਮਰੀਕਾ ਦੀ ਰਣਨੀਤਕ ਮੌਜੂਦਗੀ ਬਣਾਈ ਜਾਵੇਗੀ। ਦੂਜੇ ਪਾਸੇ ਗਾਜ਼ਾ ਵਿੱਚ ਅਮਰੀਕਾ ਦੀ ਫੌਜੀ ਦੀ ਮੌਜੂਦਗੀ ਖਾੜੀ ਵਿੱਚ ਅਮਰੀਕਾ ਦੇ ਮਿੱਤਰ ਦੇਸ਼ਾਂ ਨੂੰ ਸੁਰੱਖਿਆ ਪ੍ਰਦਾਨ ਕਰੇਗੀ। ਇਨ੍ਹਾਂ ਦੋਹਾਂ ਹਿੱਤਾਂ ਦੀ ਪੂਰਤੀ ਕਰਨ ਨਾਲ ਸਭ ਤੋਂ ਵੱਡੀ ਸਮੱਸਿਆ ਅਮਰੀਕਾ ਦੇ ਕੱਟੜ ਵਿਰੋਧੀ ਈਰਾਨ ਲਈ ਹੋਵੇਗੀ, ਜਿਸ ਲਈ ਇਸਰਾਈਲ, ਸਾਊਦੀ ਅਰਬ ਅਤੇ ਜਾਰਡਨ ਵਰਗੇ ਅਮਰੀਕਾ ਦੇ ਮਿੱਤਰ ਦੇਸ਼ਾਂ ‘ਤੇ ਕਿਸੇ ਵੀ ਤਰ੍ਹਾਂ ਦਾ ਦਬਾਅ ਬਣਾਉਣਾ ਮੁਸ਼ਕਲ ਹੋਵੇਗਾ। ਇਹੀ ਕਾਰਨ ਹੈ ਕਿ ਟਰੰਪ ਦਾ ਐਲਾਨ ਹੁੰਦੇ ਹੀ ਇਜ਼ਰਾਈਲ ਨੇ ਇਸ ਤਰ੍ਹਾਂ ਦੀ ਤਾਇਨਾਤੀ ਦਾ ਤੁਰੰਤ ਸਵਾਗਤ ਕੀਤਾ।
