ਗਰਮੀ ਤੋਂ ਮਿਲੀ ਰਾਹਤ, ਝੋਨੇ ਦੀ ਲਵਾਈ ’ਚ ਕਿਸਾਨਾਂ ਹੋਵੇਗਾ ਵੱਡਾ ਫ਼ਾਈਦਾ
ਚੰਡੀਗੜ੍ਹ, 27 ਜੂਨ: ਪਿਛਲੇ ਕਈ ਦਿਨਾਂ ਤੋਂ ਪੂਰੇ ਇਲਾਕੇ ’ਚ ਪੈ ਰਹੀ ਭਿਆਨਕ ਗਰਮੀ ਤੋਂ ਬਾਅਦ ਹੁਣ ਕੁੱਝ ਇਲਾਕਿਆਂ ਵਿਚ ਹੋਈਆਂ ਬਾਰਸ਼ਾਂ ਦੇ ਕਾਰਨ ਮੌਸਮ ਵਿਚ ਠੰਢਕ ਆਉਣੀ ਸ਼ੁਰੂ ਹੋ ਗਈ ਹੈ। ਇਸਦੇ ਨਾਲ ਜਿੱਥੇ ਜਨ-ਜੀਵਨ ਨੂੰ ਗਰਮੀ ਤੋਂ ਰਹਤ ਮਿਲਦੀ ਨਜ਼ਰ ਆ ਰਹੀ ਹੈ, ਉਥੇ ਖੇਤੀ ਲਈ ਵੀ ਲਾਹੇਵੰਦ ਹੈ। ਇਸ ਮੌਕੇ ਝੋਨੇ ਦੀ ਲਵਾਈ ਦਾ ਸੀਜ਼ਨ ਪੂਰੇ ਜੋਰਾਂ ‘ਤੇ ਚੱਲ ਰਿਹਾ ਹੈ ਤੇ ਜੇਕਰ ਬਰਸਾਤ ਆਉਂਦੀ ਹੈ ਤਾਂ ਇਸਦਾ ਵੱਡਾ ਫ਼ਾਈਦਾ ਆਉਣਾ ਹੈ। ਉਧਰ ਮੌਸਮ ਵਿਗਿਆਨੀਆਂ ਦਾ ਦਾਅਵਾ ਹੈ ਕਿ ਇਹ ਬਾਰਸ਼ਾਂ ਪ੍ਰੀ-ਮਾਨਸੂਨ ਦੀਆਂ ਹਨ ਤੇ ਸੰਭਾਵਿਤ ਤੌਰ ‘ਤੇ ਆਉਣ ਵਾਲੇ ਕੁੱਝ ਦਿਨਾਂ ਵਿਚ ਮਾਨਸੂਨ ਇਸ ਖਿੱਤੇ ਵਿਚ ਦਾਖ਼ਲ ਹੋ ਜਾਵੇਗੀ, ਜਿਸਤੋਂ ਬਾਅਦ ਲਗਾਤਾਰ ਬਾਰਸ਼ਾਂ ਹੋ ਸਕਦੀਆਂ ਹਨ।
ਸ਼੍ਰੀ ਹਰਮਿੰਦਰ ਸਾਹਿਬ ’ਚ ਯੋਗਾ ਕਰਨ ਵਾਲੀ ਲੜਕੀ ਨੇ ਮੁੜ ਪਾਈ ਵੀਡੀਓ, ਕੀਤੀ FIR ਰੱਦ ਕਰਨ ਦੀ ਮੰਗ
ਪੰਜਾਬ ਦੇ ਵੱਖ ਵੱਖ ਖਿੱਤਿਆਂ ਵਿਚ ਆਈਆਂ ਰੀਪੋਰਟਾਂ ਦੇ ਮੁਤਾਬਕ ਕਿਤੇ ਹਲਕਾ ਅਤੇ ਕਿਤੇ ਭਾਰੀ ਬੱਦਲਵਾਈ ਹੋਈ ਹੈ। ਜਿਸਦੇ ਕਾਰਨ ਮੌਸਮ ਵਿਚ ਵੱਡੀ ਤਬਦੀਲੀ ਨਜ਼ਰ ਆਈ ਹੈ। ਮੌਸਮ ਮਾਹਰਾਂ ਮੁਤਾਬਕ ਤੈਅਸੁਦਾ ਸਮੇਂ ਉਪਰ ਹੀ ਮਾਨਸੂਨ ਪੰਜਾਬ ਪੁੱਜ ਰਹੀ ਹੈ ਤੇ ਆਉਣ ਵਾਲੇ ਦਿਨਾਂ ਵਿਚ ਭਰਵੀਆਂ ਬਾਰਸ਼ਾਂ ਹੋਣ ਦੀ ਉਮੀਦ ਹੈ। ਦਸਣਾ ਬਣਦਾ ਹੈ ਕਿ ਇਸ ਵਾਰ ਪਈ ਭਿਆਨਕ ਗਰਮੀ ਨੇ ਵੀ ਰਿਕਾਰਡ ਤੋੜ ਦਿੱਤਾ ਸੀ। ਗਰਮੀ ਦੇ ਕਾਰਨ ਨਾ ਸਿਰਫ਼ ਆਮ ਲੋਕ, ਬਲਕਿ ਪਸ਼ੂ-ਪੰਛੀਆਂ ’ਤੇ ਵੀ ਇਹ ਕਹਿਰ ਢਾਹੁਣ ਲੱਗੀ ਸੀ। ਇਸਤੋਂ ਇਲਾਵਾ ਬਿਜਲੀ ਦੀ ਮੰਗ ਵਿਚ ਵੀ ਭਾਰੀ ਵਾਧਾ ਹੋ ਗਿਆ ਸੀ।
