9 Views
ਸੁਖਜਿੰਦਰ ਮਾਨ
ਲੁਧਿਆਣਾ, 15 ਮਈ: ਯੂਨਾਈਟਿਡ ਅਕਾਲੀ ਦਲ ਦੀ ਕੋਰ ਕਮੇਟੀ ਦੀ ਮੀਟਿੰਗ ਅੱਜ ਲੁਧਿਆਣਾ ਵਿੱਚ ਗੁਰਦੀਪ ਸਿੰਘ ਬਠਿੰਡਾ ਦੀ ਪ੍ਰਧਾਨਗੀ ਹੇਠ ਹੋਈ।ਮੀਟਿੰਗ ਵਿੱਚ ਪਾਰਟੀ ਸੰਵਿਧਾਨਕ ਮੁਤਾਬਿਕ ਦੋ ਸਾਲ ਬਾਅਦ ਪ੍ਰਧਾਨ ਦੀ ਚੋਣ ਸਬੰਧੀ ਵਿਚਾਰਾਂ ਹੋਈਆਂ ਅਤੇ 23 ਮਈ ਨੂੰ ਫਤਹਿਗੜ੍ਹ ਸਾਹਿਬ ਵਿਖੇ ਪਾਰਟੀ ਪ੍ਰਧਾਨ ਦੀ ਚੋਣ ਸਬੰਧੀ ਕੋਰ ਕਮੇਟੀ ਅਤੇ ਜਿਲ੍ਹਾ ਪ੍ਰਧਾਨਾਂ ਦੀ ਮੀਟਿੰਗ ਹੋਵੇਗੀ।ਇਸ ਦੇ ਨਾਲ ਘੱਲੂਘਾਰਾ ਹਫਤੇ,ਰਿਹਾਈਆਂ,ਬੇ-ਅਦਬੀ ,ਬਹਿਬਲ ਕੋਟਕਪੂਰਾ ਗੋਲੀ ਕਾਂਡ ਅਤੇ ਪਾਕਿਸਤਾਨ ਨਾਲ ਵਪਾਰਕ ਲਾਂਘੇ ਬਾਰੇ ਭੀ ਪ੍ਰੋਗਰਾਮ ਉਲੀਕੇ ਜਾਣਗੇ। ਪ੍ਰਧਾਨ ਦੀ ਚੋਣ ਸਬੰਧੀ ਆਮ ਰਾਇ ਬਨਾਉਣ ਲਈ ਬਹਾਦਰ ਸਿੰਘ ਰਾਹੋਂ, ਨਛੱਤਰ ਸਿੰਘ ਦਬੜੀਖਾਨਾ,ਗੁਰਨਾਮ ਸਿੰਘ ਚੰਡੀਗੜ੍ਹ, ਬਾਬਾ ਚਮਕੌਰ ਸਿੰਘ ਭਾਈਰੂਪਾ,ਜਸਵਿੰਦਰ ਸਿੰਘ ਘੋਲੀਆ, ਸਰਬਜੀਤ ਸਿੰਘ ਅਲਾਲ, ਅੱਛਰ ਸਿੰਘ ਹਮੀਦੀ ਅਤੇ ਸੁਖਜੀਤ ਸਿੰਘ ਡਾਲਾ ਦੀ ਕਮੇਟੀ ਬਣਾਈ ਗਈ।
