ਕੋਂਸਲਰ ਦੀ ਹਾਜ਼ਰੀ ’ਚ ਹਟਾਏ ਨਜ਼ਾਇਜ਼ ਕਬਜੇ

ਸੁਖਜਿੰਦਰ ਮਾਨ
ਬਠਿੰਡਾ, 14 ਅਕਤੂਬਰ: ਸਥਾਨਕ ਅਨੂਪ ਨਗਰ ਵਿਚ ਸਥਿਤ ਸਰਕਾਰੀ ਜਗ੍ਹਾਂ ਉਪਰ ਕੀਤੇ ਹੋਏ ਕਥਿਤ ਨਜਾਇਜ ਕਬਜਿਆਂ ਨੂੰ ਅੱਜ ਵਾਰਡ ਦੇ ਕੋਂਸਲਰ ਬਲਰਾਜ ਸਿੰਘ ਪੱਕਾ ਦੀ ਅਗਵਾਈ ਹੇਠ ਪੁਲਿਸ ਤੇ ਸਿਵਲ ਪ੍ਰਸ਼ਾਸਨ ਦੀ ਮੱਦਦ ਨਾਲ ਹਟਾਇਆ ਗਿਆ। ਇਸ ਮੌਕੇ ਨਗਰ ਨਿਗਮ ਦੇ ਅਧਿਕਾਰੀ ਮਸੀਨਾਂ ਲੈ ਕੇ ਪੁੱਜੇ ਹੋਏ ਸਨ ਜਦੋਂਕਿ ਪੁਲਿਸ ਪ੍ਰਸਾਸਨ ਵਲੋਂ ਵੀ ਸਹਿਯੋਗ ਦਿੱਤਾ ਗਿਆ। ਇਸ ਮੌਕੇ ਕੋਂਸਲਰ ਬਲਰਾਜ ਸਿੰਘ ਪੱਕਾ ਨੇ ਕਿਹਾ ਕਿ ਪਿਛਲੇ ਕੁੱਝ ਸਮੇਂ ਤੋਂ ਇੰਨ੍ਹਾਂ ਕਬਜਿਆਂ ਨੂੰ ਹਟਾਉਣ ਲਈ ਕਿਹਾ ਗਿਆ ਸੀ ਪ੍ਰੰਤੂ ਨਾ ਹਟਾਏ ਜਾਣ ਕਾਰਲ ਹੁਣ ਇਹ ਕਾਰਵਾਈ ਕੀਤੀ ਗਈ ਹੈ। ਉਨ੍ਹਾਂ ਇਸ ਮੌਕੇ ਸਹਿਯੋਗ ਦੇਣ ਲਈ ਮੁਹੱਲਾ ਵਾਸੀਆਂ ਦਾ ਵੀ ਧੰਨਵਾਦ ਕੀਤਾ।