ਕੰਟਰੈਕਚੂਅਲ ਵਰਕਰਜ਼ ਯੂਨੀਅਨ ਵਲੋਂ ਅਪਣੀਆਂ ਮੰਗਾਂ ਨੂੰ ਲੈ ਕੇ 16 ਫਰਵਰੀ ਨੂੰ ਪਟਿਆਲੇ ਮੁੱਖ ਦਫ਼ਤਰ ਅੱਗੇ ਧਰਨਾ ਦੇਣ ਦਾ ਐਲਾਨ

ਸੁਖਜਿੰਦਰ ਮਾਨ
ਬਠਿੰਡਾ, 8 ਫ਼ਰਵਰੀ : ਅੱਜ ਪੀ.ਐਸ.ਪੀ.ਸੀ.ਐਲ. ਅਤੇ ਪੀ.ਐਸ.ਟੀ.ਸੀ. ਐਲ.ਕੰਟਰੈਕਚੂਅਲ ਵਰਕਰਜ਼ ਯੂਨੀਅਨ ਪੰਜਾਬ ਭੁੱਚੋ ਦੇ ਪ੍ਰਧਾਨ ਸੰਦੀਪ ਕੁਮਾਰ ਤੇ ਅਨਿਲ ਕੁਮਾਰ ਨੇ ਦਸਿਆ ਕਿ ਜਾਇਜ ਮੰਗਾਂ ਨਾ ਮੰਨੇ ਜਾਣ ਦੇ ਵਿਰੋਧ ’ਚ ਸਮੂਹ ਕਾਮਿਆਂ ਵਲੋਂ 16 ਫਰਵਰੀ ਨੂੰ ਪਟਿਆਲੇ ਮੁੱਖ ਦਫਤਰ ਅੱਗੇ ਦਿੱਤੇ ਜਾਣ ਵਾਲੇ ਧਰਨੇ ਚ ਪਰਿਵਾਰਾਂ ਸਮੇਤ ਸਾਮਿਲ ਹੋਣਗੇ। ਇੱਕ ਪਾਸੇ ਭਗਵੰਤ ਮਾਨ ਵੱਲੋ ਇਹ ਅੇਲਾਨ ਕੀਤਾ ਜਾ ਰਿਹਾ ਵੀ ਠੇਕੇਦਾਰ ਕੰਪਨੀਆਂ ਆਓੁਟਸੋਰਸਡ ਮੁਲਾਜ਼ਮਾ ਦਾ ਸੋਸਣ ਕਰ ਰਹੀਆਂ ਪਰ ਦੂਜੇ ਪਾਸੇ ਪੰਜਾਬ ਸਰਕਾਰ ਅਤੇ ਬਿਜਲੀ ਬੋਰਡ ਦੀ ਕਾਰਪੋਰੇਸ਼ਨ ਦੇ ਇਸਾਰੇ ਤੇ ਪੈਸਕੋ ਵੱਲੋ ਟਰਾਂਸਕੋ ਦੇ ਆਉਟਸੋਰਸਡ ਕਾਮਿਆਂ ਨੂੰ 31.3.23 ਤੋ ਪਹਿਲਾਂ ਪੈਸਕੋ ਤੋਂ ਪ੍ਰਵਾਨਗੀ ਲੈਣ ਦਾ ਪੱਤਰ ਜਾਰੀ ਕੀਤਾ ਗਿਆ ਜੇਕਰ ਕੰਪਨੀ ਪਰਮਿਸਣ ਨਹੀਂ ਲਈ ਤਾਂ ਵਰਕਰ ਨੂੰ ਟਰਮੀਨੇਟ ਕਰ ਦਿੱਤਾ ਜਾਵੇਗਾ।ਜਦਕਿ ਪਹਿਲਾਂ ਕਦੇ ਵੀ ਕੋਈ ਪ੍ਰਵਾਨਗੀ ਦੀ ਕੋਈ ਸ਼ਰਤ ਨਹੀ ਸੀ ਇਹ ਸਰਕਾਰ ਦੇ ਇਸਾਰੇ ਤੇ ਕੰਪਨੀਆਂ ਦਾ ਦਬਾਅ ਕਾਮਿਆਂ ਤੇ ਲਾਮਬੰਦ ਕਰਨ ਦਾ ਤਰੀਕਾ ਤਾਂ ਜੋ ਕਾਮੇ ਕੰਪਨੀਆਂ ਤੇ ਠੇਕੇਦਾਰਾਂ ਨੂੰ ਬਾਹਰ ਕੱਢਣ ਦੀ ਮੰਗ ਨਾ ਕਰਨ ਅਤੇ ਜਦੋਂ ਛਾਂਟੀ ਕਰਨ ਦੀ ਲੋੜ ਬਣਦੀ ਹੈ ਤਾਂ ਛਾਂਟੀ ਦੀ ਜਿੰਮੇਵਾਰੀ ਆਉਟਸੋਰਸਡ ਕੰਪਨੀਆਂ ਤੇ ਪਾ ਦਿੱਤੀ ਜਾਵੇ ਅਤੇ ਪਹਿਲਾਂ ਆਉਟਸੋਰਸਡ ਮੁਲਾਜ਼ਮਾਂ ਤੇ ਸਿਰਫ਼ ਦਬਾਅ ਸਰਕਾਰੀ ਅਧਿਕਾਰੀਆਂ ਦਾ ਹੀ ਹੁੰਦਾ ਸੀ ਪਰ ਹੁਣ ਉਨ੍ਹਾਂ ਉੱਤੇ ਦੂਹਰੇ ਦਬਾਅ ਹੇਠ ਸਰਕਾਰੀ ਅਧਿਕਾਰੀਆਂ ਤੇ ਕੰਪਨੀਆਂ ਵੱਲੋਂ ਦਬਾਅ ਕੇ ਰੱਖਿਆ ਜਾਵੇਗਾ ਅਤੇ ਆਉਣ ਵਾਲੇ ਦਿਨਾਂ ਵਿੱਚ ਵੱਡੀ ਪੱਧਰ ਤੇ ਛਾਂਟੀ ਦੇ ਹਮਲੇ ਨੂੰ ਲਾਗੂ ਕਰਨ ਵਾਸਤੇ ਕੰਪਨੀਆਂ ਵਿਰੁੱਧ ਜਬਾਨਬੰਦੀ ਕਰਨ ਵਾਸਤੇ ਇਹ ਹਮਲਾ ਲਾਗੂ ਕੀਤਾ ਜਾ ਰਿਹਾ ਇਸ ਨੂੰ ਠੇਕਾ ਮੁਲਾਜ਼ਮ ਕਿਸੇ ਵੀ ਹਾਲਤ ਵਿੱਚ ਪ੍ਰਵਾਨ ਨਹੀਂ ਕਰਨਗੇ।ਇਸਦੇ ਨਾਲ ਅਨਿਲ ਕੁਮਾਰ ਨੇ ਕਿਹਾ ਕਿ ਫੀਲਡ ਚ ਕੰਮ ਕਰਦੇ ਕਾਮਿਆਂ ਨੂੰ ਪਟਰੋਲ ਭੱਤਾ ਦਿੱਤਾ ਜਾਦਾ ਜਿਸ ਕਾਰਨ ਅੱਧੀ ਤਨਖਾਹ ਪਟਰੋਲ ਵਿੱਚ ਓੁਡ ਜਾਦੀ ਹੈ ਨਾ ਹੀ ਪੋਸਟਾ ਚ ਕੋਈ ਵਾਧਾ ਕੀਤਾ ਗਿਆ। ਇਹਨਾਂ ਮੰਗਾਂ ਦਾ ਹੱਲ ਕਰਵਾਉਣ ਲਈ 16 ਫਰਵਰੀ ਨੂੰ ਮੁੱਖ ਦਫ਼ਤਰ ਪਟਿਆਲਾ ਅੱਗੇ ਮਨੇਜਮੈੰਟ ਅਤੇ ਪੰਜਾਬ ਸਰਕਾਰ ਖਿਲਾਫ ਸੂਬਾ ਪੱਧਰੀ ਧਰਨਾ ਪਰਿਵਾਰਾਂ ਅਤੇ ਬੱਚਿਆਂ ਸਮੇਤ ਦਿੱਤਾ ਜਾਵੇਗਾ।