ਜਗਦੀਪ ਸਿੰਘ ਮਾਨ ਬਣੇ ਭਾਰਤੀ ਕਿਸਾਨ ਯੂਨੀਅਨ ਮਾਨਸਾ ਦੇ ਜ਼ਿਲ੍ਹਾ ਪ੍ਰਧਾਨ

ਸੁਖਜਿੰਦਰ ਮਾਨ
ਬਠਿੰਡਾ, 9 ਮਾਰਚ: ਭਾਰਤੀ ਕਿਸਾਨ ਯੂਨੀਅਨ ਮਾਨਸਾ ਦੇ ਆਗੂਆਂ ਵਲੋਂ ਅੱਜ ਸਥਾਨਕ ਨਹਿਰੂ ਚਿਲਡਰਨ ਪਾਰਕ ਵਿਖੇ ਬਲਵਿੰਦਰ ਸਿੰਘ ਗੰਗਾ ਸੂਬਾ ਸੀਨੀਅਰ ਮੀਤ ਪ੍ਰਧਾਨ ਦੀ ਪ੍ਰਧਾਨਗੀ ਹੇਠ ਹੋਈ ਜਿਸ ਵਿਚ ਸਰਬਸੰਮਤੀ ਨਾਲ ਮਤਾ ਪਾਸ ਕੀਤਾ ਗਿਆ ਕਿ ਜਥੇਬੰਦੀ ਲਈ ਪਿਛਲੇ ਸਮੇਂ ਵਿੱਚ ਕੀਤੇ ਗਏ ਕੰਮਾਂ ਲਈ ਦਿੱਤੀਆਂ ਗਈਆਂ ਸੇਵਾਵਾਂ ਦੇ ਮੱਦੇਨਜ਼ਰ ਜਗਦੀਪ ਸਿੰਘ ਮਾਨ ਖੇਮੂਆਣਾ ਨੂੰ ਜ਼ਿਲ੍ਹਾ ਬਠਿੰਡਾ ਦਾ ਪ੍ਰਧਾਨ ਅਤੇ ਬਲਕਰਨ ਸਿੰਘ ਤੂਰ ਗੋਨਿਆਣਾ ਖੁਰਦ ਨੂੰ ਬਲਾਕ ਬਠਿੰਡਾ ਦਾ ਪ੍ਰਧਾਨ ਥਾਪਿਆ ਗਿਆ ਹੈ। ਇਸ ਮੌਕੇ ਬੇਅੰਤ ਸਿੰਘ ਮਹਿਮਾ ਸਰਜਾ ਜਨਰਲ ਸਕੱਤਰ ਪੰਜਾਬ, ਸੁਖਦਰਸ਼ਨ ਸਿੰਘ ਖੇਮੂਆਣਾ,ਦਰਸ਼ਨ ਸਿੰਘ ਗੋਨਿਆਣਾ ਖੁਰਦ,ਅੰਗਰੇਜ ਸਿੰਘ ਕਟਾਰ ਸਿੰਘ ਵਾਲਾ,ਕੌਰ ਸਿੰਘ ਗੰਗਾ,ਹਰਮੰਦਰ ਸਿੰਘ ਗੋਨਿਆਣਾ ਖੁਰਦ, ਲਖਵੀਰ ਸਿੰਘ ਕੋਟਫੱਤਾ, ਹਰਪਾਲ ਸਿੰਘ ਗੰਗਾ,ਗੁਰਮੇਲ ਸਿੰਘ ਗੰਗਾ, ਹਰਫੂਲ ਸਿੰਘ,ਕਾਕਾ ਸਿੰਘ, ਲਛਮਣ ਸਿੰਘ ਮਹਿਮਾ ਸਰਜਾ ਤੋਂ ਇਲਾਵਾ ਭਾਰੀ ਗਿਣਤੀ ਵਿਚ ਜਥੇਬੰਦੀ ਦੇ ਵਰਕਰ ਹਾਜ਼ਰ ਸਨ।