ਜਗਰੂਪ ਗਿੱਲ ਨੂੰ ਮਿਲ ਰਹੇ ਹੁੰਗਾਰੇ ਨੇ ਵਰਕਰਾਂ ‘ਚ ਉਤਸ਼ਾਹ ਭਰਿਆ

ਜਿੰਨੇ ਵਾਅਦੇ ਕੀਤੇ ਹਨ, ਉਹ ਪਹਿਲ ਦੇ ਆਧਾਰ ‘ਤੇ ਪੂਰੇ ਹੋਣਗੇ-ਸ. ਗਿੱਲ
ਸੁਖਜਿੰਦਰ ਮਾਨ
ਬਠਿੰਡਾ, 26 ਜਨਵਰੀ: ਹਾਲਾਂਕਿ ਚੋਣਾਂ ‘ਚ ਹਾਲੇ ਕਈ ਦਿਨ ਬਾਕੀ ਹਨ, ਪਰ ਬਠਿੰਡਾ ਸ਼ਹਿਰ ਤੋਂ ਆਪ ਦੇ ਉਮੀਦਵਾਰ ਜਗਰੂਪ ਸਿੰਘ ਗਿੱਲ ਨੂੰ ਮਿਲ ਰਹੇ ਹੰੁਗਾਰੇ ਨਾਲ ਆਪ ਆਗੂਆਂ ਤੇ ਵਰਕਰਾਂ ‘ਚ ਉਤਸ਼ਾਹ ਭਰ ਗਿਆ ਹੈ। ਅੱਜ ਸ. ਗਿੱਲ ਨੇ ਵੱਡੀ ਗਿਣਤੀ ਆਪ ਆਗੂਆਂ ਨੂੰ ਨਾਲ ਲੈ ਕੇ ਸ਼ਹਿਰ ਦੇ ਗ੍ਰੀਨ ਸਿਟੀ ਫੇਸ 1, 2 ਅਤੇ 3, ਹਾਊਸਫੈੱਡ ਕਲੌਨੀ, ਪ੍ਰਤਾਪ ਨਗਰ, ਨਵੀਂ ਬਸਤੀ, ਗੁਰੂ ਨਾਨਕਪੁਰਾ ਤੇ ਵੱਖ-ਵੱਖ ਇਲਾਕਿਆਂ ਵਿਚ ਨੁੱਕੜ ਮੀਟਿੰਗਾਂ ਨੂੰ ਸੰਬੋਧਨ ਕੀਤਾ। ਇਸ ਦੌਰਾਨ ਗ੍ਰੀਨ ਸਿਟੀ ਨਿਵਾਸੀ ਧਰਮ ਪਾਲ ਮਿੱਤਲ ਅਤੇ ਭਰਪੂਰ ਸਿੰਘ ਨੇ ਸ. ਗਿੱਲ ਦਾ ਨਿੱਘਾ ਸਵਾਗਤ ਕਰਦਿਆਂ ਭਰੋਸਾ ਦਿਵਾਇਆ ਕਿ ਗ੍ਰੀਨ ਕਾਲੌਨੀਆਂ ਦੇ ਲੋਕਾਂ ਦਾ ਪੂਰਨ ਸਮਰਥਨ ਆਪ ਦੇ ਚੋਣ ਨਿਸ਼ਾਨ ਝਾੜੂ ਨੂੰ ਮਿਲੇਗਾ। ਇਸੇ ਤਰ੍ਰਾਂ ਪ੍ਰਤਾਪ ਨਗਰ ਵਿਚ ਗੁਰਜੰਟ ਸਿੰਘ, ਸੰਜੀਵ ਗੋਇਲ, ਰਾਕੇਸ਼ ਕੁਮਾਰ ਆਦਿ ਦਾ ਕਹਿਣਾ ਸੀ ਕਿ ਆਮ ਆਦਮੀ ਪਾਰਟੀ ਦੇ ਝਾੜੂ ਨੂੰ ਹਰ ਕੋਈ ਇਕ ਮੌਕਾ ਜ਼ਰੂਰ ਦੇਣਾ ਚਾਹੁੰਦਾ ਹੈ।