ਸੁਖਜਿੰਦਰ ਮਾਨ
ਬਠਿੰਡਾ, 17 ਜੂਨ:ਅੱਜ ਪਨ ਬੱਸ ਪੀ ਆਰ ਟੀ ਸੀ ਕੰਟਰੈਕਟ ਵਰਕਰ ਯੂਨੀਅਨ ਬਠਿੰਡਾ ਦੀ ਮੀਟਿੰਗ ਹੋਈ ਜਿਸ ਵਿੱਚ ਡੀਪੂ ਪ੍ਰਧਾਨ ਸੰਦੀਪ ਗਰੇਵਾਲ ਨੇ ਕਿਹਾ ਕਿ ਬਠਿੰਡਾ ਡੀਪੂ ਵਿੱਚ ਜੌ ਟਿਕਟ ਮਸ਼ੀਨਾਂ ਦਾ ਘਪਲਾ ਹੋਇਆ ਹੈ, ਉਸਦੀ ਉੱਚ ਪੱਧਰੀ ਜਾਂਚ ਚੱਲ ਰਹੀ ਹੈ ਅਤੇ ਜਿਹੜਾ ਵੀ ਦੋਸ਼ੀ ਪਾਇਆ ਗਿਆ ਤਾਂ ਉਸਨੂੰ ਸਖ਼ਤ ਤੋਂ ਸਖ਼ਤ ਸਜ਼ਾ ਦਵਾਈ ਜਾਵੇਗੀ। ਇਸ ਮੌਕੇ ਬੋਲਦਿਆਂ ਸੂਬਾ ਆਗੂ ਕੁਲਵੰਤ ਸਿੰਘ ਮਨੇਸ ਨੇ ਕਿਹਾ ਕਿ ਕੁਝ ਜਥੇਬੰਦੀਆਂ ਵੱਲੋਂ ਬਿਨਾਂ ਕਿਸੇ ਸਬੂਤ ਦੇ ਜਨਰਲ ਮੈਨੇਜਰ ਬਠਿੰਡਾ ਤੇ ਇਲਜਾਮ ਲਾਏ ਜਾ ਰਹੇ ਹਨ ਕਿ ਉਹ ਇਸ ਸਾਜ਼ਿਸ਼ ਦੇ ਹਿੱਸੇਦਾਰ ਨੇ, ਇਸ ਗੱਲ ਦਾ ਜਥੇਬੰਦੀ ਬਿਲਕੁਲ ਵਿਰੋਧ ਕਰਦੀ ਹੈ। ਬਠਿੰਡਾ ਡੀਪੂ ਦੇ ਜਰਨਲ ਮੈਨੇਜਰ ਰਮਨ ਸ਼ਰਮਾ ਬਹੁਤ ਮਿਹਨਤ ਨਾਲ ਡੀਪੂ ਚਲਾ ਰਹੇ ਹਨ ਜਿਸਦੇ ਨਤੀਜੇ ਵਜੋਂ ਡੀਪੂ ਦੀ ਰੂਟ ਰਸੀਟ ਅਤੇ Kmpl ਪੱਖੋਂ ਬਠਿੰਡਾ ਡੀਪੂ ਪਹਿਲੇ ਨੰਬਰ ਤੇ ਹੈ, ਕਿਸੇ ਇਨਸਾਨ ਤੇ ਬਿਨਾ ਵਜ੍ਹਾ ਇਲਜਾਮ ਲਾਉਣ ਨੂੰ ਜਥੇਬੰਦੀ ਬਿਲਕੁਲ ਨਕਾਰਦੀ ਹੈ। ਡੀਪੂ ਦੇ ਜਰਨਲ ਸੈਕਟਰੀ ਕੁਲਦੀਪ ਬਾਦਲ ਨੇ ਕਿਹਾ ਕਿ ਅਸੀਂ ਵੱਖ ਵੱਖ ਜੇਬੰਦੀਆਂ ਦੇ ਲੀਡਰਾਂ ਵੱਲੋਂ GM ਬਠਿੰਡਾ ਤੇ ਲਗਾਏ ਬੇ ਬੁਨਿਆਦ ਇਲਜਾਮਾਂ ਦਾ ਵਿਰੋਧ ਕਰਦੀ ਹੈ ਅਤੇ ਕਿਸੇ ਵੀ ਅਫ਼ਸਰ ਜਾਂ ਵਰਕਰ ਨੂੰ ਇਸ ਬਦਲਾਖੋਰੀ ਦੀ ਨੀਤੀ ਦਾ ਸ਼ਿਕਾਰ ਨਹੀਂ ਹੋਣ ਦੇਵੇਗੀ। ਉਹਨਾਂ ਇਹ ਵੀ ਸਪਸ਼ਟ ਕੀਤਾ ਕੇ ਹਾਲ ਦੀ ਘੜੀ ਜੋਂ ਵੀ ਪੜਤਾਲ ਚੱਲ ਰਹੀ ਹੈ, ਓਸ ਵਿੱਚ ਕੋਈ ਵੀ ਦੋਸ਼ੀ ਸਾਬਿਤ ਨਹੀਂ ਹੋ ਸਕਿਆ ਅਤੇ ਜੋਂ ਵੀ ਇਸ ਸਾਜ਼ਿਸ਼ ਦਾ ਹਿੱਸੇਦਾਰ ਹੋਵੇਗਾ, ਜਥੇਬੰਦੀ ਉਸਨੂੰ ਸਖ਼ਤ ਸਜ਼ਾ ਦਵਾ ਕੇ ਸਾਹ ਲਵੇਗੀ।
Share the post "ਟਿਕਟ ਮਸ਼ੀਨ ਘਪਲਾ: ਜਿਹੜਾ ਵੀ ਦੋਸ਼ੀ ਪਾਇਆ ਗਿਆ, ਉਸਨੂੰ ਸਖ਼ਤ ਸਜ਼ਾ ਦਵਾਈ ਜਾਵੇਗੀ: ਕੰਟਰੈਕਟ ਵਰਕਰ ਯੂਨੀਅਨ"