ਟੀਐਸਯੂ ਭੰਗਲ ਨੇ ਅਜਾਦੀ ਦਿਹਾੜੇ ਮੌਕੇ ਕਾਰਪੋਰੇਟ ਘਰਾਣਿਆਂ ਦਾ ਫ਼ੂਕਿਆ ਪੁਤਲਾ

ਪੰਜਾਬੀ ਖ਼ਬਰਸਾਰ ਬਿਉਰੋ
ਬਠਿੰਡਾ,15 ਅਗਸਤ:-ਟੈਕਨੀਕਲ ਸਰਵਿਸਜ਼ ਯੂਨੀਅਨ ਭੰਗਲ ਵਲੋਂ ਅੱਜ ਅਜਾਦੀ ਦਿਹਾੜੇ ਨੂੰ ਕਾਰਪੋਰੇਟ ਘਰਾਣਿਆਂ ਵਿਰੋਧੀ ਦਿਵਸ ਵਜੋਂ ਮਨਾਇਆ ਗਿਆ। ਟੈਕਨੀਕਲ ਸਰਵਿਸਜ਼ ਯੂਨੀਅਨ ਭੰਗਲ ਡਵੀਜਨ  ਦੇ ਪ੍ਰਧਾਨ ਰੇਸ਼ਮ ਕੁਮਾਰ ਤੇ ਸੱਕਤਰ ਚੰਦਰ ਸ਼ਰਮਾ ਨੇ ਦੱਸਿਆ ਕਿ ਅਜਾਦੀ ਦੇ 75-76 ਸਾਲਾਂ ਬਾਅਦ ਵੀ ਹਾਕਮਾਂ ਦੀਆਂ ਕਾਰਪੋਰੇਟ ਘਰਾਣਿਆਂ ਪੱਖੀ ਨਵੀਂਆ ਆਰਥਿਕ ਤੇ ਸਨਅਤੀ ਨੀਤੀਆ ਕਾਰਨ ਪੱਕੀ ਉਜਰਤੀ ਪ੍ਰਣਾਲੀ, ਪੱਕੇ ਰੁਜ਼ਗਾਰ ਦਾ ਉਜਾੜਾ ਹੋਇਆ ਹੈ। ਸਰਕਾਰੀ ਮਹਿਕਮੇ ਕਾਰਪੋਰੇਟ ਘਰਾਣਿਆਂ ਤੇ ਕੰਪਨੀਆ ਦੇ ਹੱਥ ਜਾਣ ਨਾਲ ਮਹਿਕਮਿਆਂ ਵਿੱਚੋ ਸਸਤੀਆ ਦਰਾਂ ਤੇ ਮਿਲਦੀਆਂ ਸਹੂਲਤਾਂ ਦੇ ਰੇਟ ਚ, ਵਾਧਾ ਤੇ ਪ੍ਰਾਈਵੇਟ ਖੇਤਰ ਰਾਹੀਂ ਮਿਲਦੀਆਂ ਸੇਵਾਵਾਂ ਚ, ਲੋਕਾਂ ਦੀ ਲੁੱਟ ਚ, ਬਿਨਾਂ ਰੋਕ ਟੋਕ ਵਾਧਾ ਹੋਇਆ ਹੈ।ਹਾਕਮ ਜਿੱਥੇ 15 ਅਗਸਤ ਨੂੰ ਹਰ ਸਾਲ ਅਜਾਦੀ ਦੇ ਜਸ਼ਨ ਮਨਾਉਂਦੇ ਨੇ, ਮੁਲਾਜ਼ਮ,ਮਜਦੂਰ, ਕਿਸਾਨ, ਵਿਦਿਆਰਥੀ,ਨੋਜਵਾਨ ਤੇ ਸਮਾਜ ਦਾ ਅੱਧ ਔਰਤਾਂ ਹਕੂਮਤਾਂ ਦੀਆਂ ਇਨ੍ਹਾਂ ਮਾੜੀਆਂ ਨੀਤੀਆਂ ਕਾਰਨ ਆਏ ਰੋਜ਼ ਸੋਗ ਮਨਾਉਂਦੇ ਤੇ ਸੰਘਰਸ਼ ਦੇ ਰਾਹ ਆਉਂਦੇ ਹਨ।

ਮਾਲਵਾ ਫਾਊਂਡੇਸ਼ਨ ਵੱਲੋਂ ਮਨਾਇਆ ਗਿਆ ਵਿਰਾਸਤੀ ਤੀਆਂ ਦਾ ਤਿਉਹਾਰ

ਉਨ੍ਹਾਂ ਦਸਿਆ ਕਿ ਇਹ ਦਿਵਸ 1295/19 ਵਾਲੇ ਸਹਾਇਕ ਲਾਈਮੈਨਾ ਨੂੰ ਰੈਗੂਲਰ ਕਰਕੇ ਪੂਰੀਆਂ ਤਨਖ਼ਾਹਾ ਨਾ ਦੇਣ ਦੇ ਵਿਰੋਧ ਚ, ਕਾਰਪੋਰੇਟ ਘਰਾਣਿਆਂ ਦੀ ਅੰਨੀ ਲੁੱਟ ਤੇ ਮੁਨਾਫੇ ਦੀ ਲੋੜ ਲਈ ਸਰਕਾਰੀ ਅਦਾਰਿਆ ਦਾ ਨਿੱਜੀਕਰਨ ਕਰਨ, ਮੁਲਾਜ਼ਮਾਂ ਵੱਲੋਂ ਜਾਨ ਹੂਲਵੇ ਸੰਘਰਸ਼ ਰਾਹੀਂ ਹਾਸਲ ਪੱਕਾ ਰੁਜ਼ਗਾਰ ਖੋਹਣ,ਲੇਬਰ ਕਾਨੂੰਨਾਂ ਤੇ ਸੇਵਾ ਨਿਯਮਾਂ ਚ, ਤਬਦੀਲੀਆ ਕਰਨ ਵਿਰੁੱਧ ਸੂਬਾ ਕਮੇਟੀ ਦੇ ਸੱਦੇ ਤੇ ਬਠਿੰਡਾ ਡਵੀਜਨ ਪੱਧਰ ਤੇ ਧਰਨੇ/ਮੁਜ਼ਾਹਰੇ, ਰੈਲੀਆਂ ਕਰਕੇ ਕਾਰਪੋਰੇਟ, ਪੰਜਾਬ ਸਰਕਾਰ ਤੇ ਮੈਨੇਜਮੈਂਟ ਦੀਆਂ ਅਰਥੀਆਂ ਸਾੜੀਆਂ। ਪ੍ਰੋਗਰਾਮ ਚ, ਸ਼ਾਮਲ ਹੋਏ ਜੱਥੇਬੰਦੀਆਂ  ਤੇ ਵਰਕਰਾਂ ਨੇ ਸਰਕਾਰਾਂ ਦੀਆਂ ਇਨ੍ਹਾਂ ਨੀਤੀਆਂ ਦਾ ਜ਼ੋਰਦਾਰ ਵਿਰੋਧ ਕਰਦਿਆਂ, ਸੀ,ਆਰ,ਏ, 295/19 ਅਧੀਨ ਭਰਤੀ ਕਾਮਿਆਂ ਨੂੰ ਫੌਰੀ ਰੈਗੂਲਰ ਨੂੰ ਮਿਲਦੇ ਤਨਖਾਹ ਤੇ ਭੱਤੇ ਲਾਗੂ ਕਰਨ, ਪੁਲਿਸ ਕੇਸ ਵਾਪਸ ਲੈਣ ਤੇ ਸਸਪੈਡ ਕਾਮਿਆਂ ਨੂੰ ਡਿਊਟੀ ਤੇ ਲੈਣ, ਸਰਕਾਰੀ ਵਿਭਾਗਾਂ ਦਾ ਨਿੱਜੀਕਰਨ ਕਰਨਾ ਬੰਦ ਕਰਨ, ਪੱਕੇ ਰੁਜ਼ਗਾਰ ਤੇ ਸੇਵਾ ਨਿਯਮਾਂ ਤੇ ਕਿਰਤ ਕਾਨੂੰਨਾਂ ਤੇ ਬੋਲਿਆ ਕਾਰਪੋਰੇਟ ਪੱਖੀ ਹਮਲਾ ਬੰਦ ਕਰਨ, ਪੁਨਰਗਠਨ ਯੋਜਨਾ ਤਹਿਤ ਖਤਮ ਕੀਤੀਆਂ ਲੱਖਾਂ ਪੋਸਟਾਂ ਬਹਾਲ ਕਰਕੇ ਬੇਰੁਜ਼ਗਾਰਾਂ ਨੂੰ ਰੁਜ਼ਗਾਰ ਦੇਣ, ਬਿਜਲੀ ਮਹਿਕਮੇ ਚ,ਟੀ,ਐਸ, ਯੂ ਭੰਗਲ ਦੇ ਆਗੂਆਂ ਦੀ ਡਿਸਮਿਸਲਾ ਤੇ ਵਿਕਟੇਮਾਈਜੇਸਨਾ ਨੂੰ ਫੌਰੀ ਹੱਲ ਕਰਨ,ਲੋਟੂ ਠੇਕੇਦਾਰਾ ਤੇ ਕਪੰਨੀਆ ਨੂੰ ਸਰਕਾਰੀ ਵਿਭਾਗਾਂ ਤੋਂ,ਬਾਹਰ ਕੱਢਣ ਤੇ ਆਊਟਸਓਰਸਇਡ ਕਾਮਿਆਂ ਨੂੰ ਵਿਭਾਗਾ ਚ, ਪੱਕੇ ਕਰਨ,ਪਰਖਕਾਲ ਦੇ ਨਾਂ ਤੇ ਕੀਤੀ ਜਾ ਰਹੀ ਧੋਖਾਧੜੀ ਬੰਦ ਕਰਨ ਦੀ ਮੰਗ ਕੀਤੀ।

ਕੋਵਿਡ ਸੈਂਟਰ ਦਾ ਮਾਮਲਾ: ਡੀਸੀ ਨੇ ਸੁਸਾਇਟੀ ਨੂੰ 20 ਲੱਖ ਜਮ੍ਹਾਂ ਕਰਵਾਉਣ ਦਾ ਕੱਢਿਆ ਨੋਟਿਸ

ਟੈਕਨੀਕਲ ਸਰਵਿਸਜ ਯੂਨੀਅਨ ਭੰਗਲ ਦੇ ਆਗੂ ਨੇ ਬਿਜਲੀ ਕਾਮਿਆਂ ਨੂੰ ਬਿਜਲੀ ਖੇਤਰ ਵਿੱਚ ਲਾਗੂ ਹਮਲੇ ਨੂੰ ਰੋਕਣ ਲਈ ਟੈਕਨੀਕਲ ਸਰਵਿਸਜ਼ ਯੂਨੀਅਨ ਭੰਗਲ ਵੱਲੋਂ ਪੇਸ਼ ਸਾਂਝੇ ਸੰਘਰਸ਼ ਦੀ ਪਰਪੋਜਲ ਲਈ ਜਾਰੀ ਕੀਤੇ ਪੱਤਰ, ਬਿਜਲੀ ਖੇਤਰ ਦੀਆਂ ਜੱਥੇਬੰਦੀਆਂ ਸਾਂਝਾ ਸੰਘਰਸ਼ ਸੱਦਾ ਸਾਂਝੀ ਮੀਟਿੰਗ ਕਰਕੇ ਦੇਣ,ਜਾ ਆਪ ਸੱਦਾ ਦੇਣ,ਟੈਂਕ ਸਰਵਿਸਜ਼ ਯੂਨੀਅਨ ਭੰਗਲ ਬਿਨਾਂ ਸ਼ਰਤ ਹੜਤਾਲ ਵਰਗੇ ਐਕਸ਼ਨਾਂ ਦੀ ਹੈਮਤ ਕਰਦਿਆਂ ਸਫਲ ਕਰੇਗੀ ਜਾਂ ਟੈਕਨੀਕਲ ਸਰਵਿਸਜ਼ ਯੂਨੀਅਨ ਦੇ ਸੰਘਰਸ਼ ਸੱਦੇ ਤੇ ਬਿਜਲੀ ਮੁਲਾਜ਼ਮਾਂ ਦੀਆਂ ਬਾਕੀ ਜੱਥੇਬੰਦੀਆਂ ਸੰਘਰਸ਼ ਚ,ਸ਼ਾਮਲ ਹੋਣ ਨੂੰ ਸਮੁੱਚੇ ਬਿਜਲੀ ਕਾਮਿਆਂ ਚ, ਲਿਜਾਣ ਤੇ ਜੱਥੇਬੰਦੀ ਦੇ ਸੰਘਰਸ਼ ਸੱਦਾ ਦਾ ਸਮੱਰਥਨ ਕਰਨ ਦਾ ਸੱਦਾ ਦਿੱਤਾ। ਇਸ  ਪ੍ਰੋਗਰਾਮ ਨੂੰ ਤਰਸੇਮ ਸਿੰਘ ਮਹਿੰਦਰ ਪਾਲ ਸਿੰਘ ਪਰਮਜੀਤ ਸਿੰਘ ਹਰਜਿੰਦਰ ਬਰਾੜ ਸੀ ਐਚ ਬੀ ਹਰਪ੍ਰੀਤ ਸਿੰਘ ਸੀ ਐਚ ਬੀ ਕਾਮਿਆਂ ਨੇ ਸੰਬੋਧਨ ਕੀਤਾ।