ਸੁਖਜਿੰਦਰ ਮਾਨ
ਬਠਿੰਡਾ, 14 ਜਨਵਰੀ: ਕਰੀਬ ਇੱਕ ਮਹੀਨਾ ਪਹਿਲਾਂ ਸਾਬਕਾ ਅਕਾਲੀ ਵਿਧਾਇਕ ਦੀ ਹਾਜ਼ਰੀ ’ਚ ਥਾਣੇ ਵਿਚ ਜਾ ਕੇ ਸਥਾਨਕ ਥਾਣਾ ਸਿਵਲ ਲਾਇਨ ਦੇ ਐੱਸਐੱਚਓ ਉਪਰ ਨਸ਼ਾ ਵਿਕਾਉਣ ਦੇ ਦੋਸ਼ ਲਗਾਉਣ ਵਾਲੇ ਕਥਿਤ ਨਸ਼ਾ ਤਸਕਰ ਅਤੇ ਉਸਦੇ ਪ੍ਰਵਾਰ ਵਿਰੁਧ ਬੀਤੀ ਰਾਤ ਪੁਲਿਸ ਨੇ ਕਾਂਗਰਸੀ ਕੋਂਸਲਰ ਦੀ ਸਿਕਾਇਤ ’ਤੇ ਪਰਚਾ ਦਰਜ਼ ਕਰ ਲਿਆ ਹੈ। ਉਧਰ ਰੈਂਬੋਂ ਨੇ ਹੁਣ ਵੀ ਇੱਕ ਵੀਡੀਓ ਜਾਰੀ ਕਰਕੇ ਅਪਣੇ ਵਿਰੁਧ ਰੰਜਿਸਨ ਪਰਚਾ ਦਰਜ਼ ਕਰਨ ਦੇ ਦੋਸ਼ ਲਗਾਏ ਹਨ। ਮਿਲੀ ਜਾਣਕਾਰੀ ਮੁਤਾਬਕ ਕਾਂਗਰਸੀ ਕੌਂਸਲਰ ਅਸ਼ੇਸਰ ਪਾਸਵਾਨ ਨੇ ਥਾਣਾ ਸਿਵਲ ਲਾਈਨ ਦੀ ਪੁਲਿਸ ਕੋਲ ਦਿੱਤੀ ਸਿਕਾਇਤ ਵਿਚ ਦੋਸ਼ ਲਗਾਇਆ ਸੀ ਕਿ ਰੈਂਬੋਂ, ਉਸਦੇ ਭਰਾ ਮਹੇਸ਼ ਕੁਮਾਰ, ਮਾਤਾ ਆਰਤੀ ਤੇ ਭੈਣ ਲੱਛਮੀ ਨੇ ਕੁੱਝ ਅਗਿਆਤ ਵਿਅਕਤੀਆਂ ਨੂੰ ਨਾਲ ਲੈ ਕੇ ਹਥਿਆਰਾਂ ਸਹਿਤ ਉਸਦੇ ਘਰ ਦਾਖਲ ਹੋ ਗਏ ਤੇ ਉਸਦੀ ਪਤਨੀ ਦੀ ਕੁੱਟਮਾਰ ਕੀਤੀ। ਇਸਤੋਂ ਇਲਾਵਾ ਉਸਨੂੰ ਮਾਰ ਦੇਣ ਦੀ ਨੀਅਤ ਨਾਲ ਗੋਲੀਆਂ ਚਲਾਈਆਂ। ਸਿਕਾਇਤਕਰਤਾ ਮੁਤਾਬਕ ਕੋਂਸਲਰ ਹੋਣ ਕਾਰਨ ਉਹ ਲੋਕਾਂ ਦੇ ਲੜਾਈ ਝਗੜਿਆਂ ਦੇ ਸਮਝੌਤੇ ਕਰਵਾਉਂਦਾ ਹੈ ਤੇ ਮਹੇਸ ਕੁਮਾਰ ਨੂੰ ਵੀ ਉਹ ਲੜਾਈ ਝਗੜੇ ਕਰਨ ਤੋਂ ਰੋਕਦਾ ਸੀ, ਜਿਸਦੀ ਉਹ ਰੰਜਿਸ਼ ਰੱਖ ਰਿਹਾ ਸੀ। ਪਰ ਉਕਤ ਵਿਅਕਤੀ ਉਸਨੂੰ ਅਜਿਹਾ ਕਰਨ ਤੋਂ ਰੋਕਦੇ ਸਨ, ਇਸੇ ਰੰਜਿਸ਼ ਤਹਿਤ ਉਸ ਉੱਪਰ ਹਮਲਾ ਕੀਤਾ ਗਿਆ ਹੈ। ਥਾਣਾ ਸਿਵਲ ਲਾਇਨ ਪੁਲਿਸ ਨੇ ਉਕਤ ਕਥਿਤ ਦੋਸ਼ੀਆਂ ਖ਼ਿਲਾਫ਼ ਘਰ ਵਿਚ ਦਾਖਲ ਹੋ ਕੇ ਜਾਨ ਲੇਵਾ ਹਮਲਾ ਕਰਨ ਤੇ ਅਸਲਾ ਐਕਟ ਦੀਆਂ ਧਰਾਵਾਂ ਤਹਿਤ ਕੇਸ ਦਰਜ ਕਰ ਲਿਆ ਹੈ।
ਬਾਕਸ
ਕਥਿਤ ਦੋਸ਼ੀ ਦਾ ਦਾਅਵਾ, ਪ੍ਰਵਾਰ ਸਮੇਤ ਡੇਢ ਮਹੀਨੇ ਤੋਂ ਬੈਠਾ ਹਾਂ ਬਿਹਾਰ
ਬਠਿੰਡਾ: ਉਧਰ ਦੂਜੇ ਪਾਸੇ ਕੇਸ ਦਰਜ ਹੋਣ ਤੋਂ ਬਾਅਦ ਵੀ ਰਮੇਸ਼ ਕੁਮਾਰ ਰੈਬੋਂ ਨੇ ਇਕ ਵੀਡੀਓ ਜਾਰੀ ਕੀਤੀ ਹੈ, ਜਿਸ ਵਿਚ ਉਸਨੇ ਥਾਣਾ ਮੁਖੀ ਤੋਂ ਇਲਾਵਾ ਅਪਣੇ ਵਿਰੁਧ ਸਿਕਾਇਤਕਰਤਾ ਕੌਂਸਲਰ ਤੋ ਇਲਾਵਾ ਇੱਕ ਹੋਰ ਕਾਂਗਰਸੀ ਕੋਂਸਲਰ ਵਿਰੁਧ ਝੂਠਾ ਪਰਚਾ ਦਰਜ਼ ਕਰਨ ਦੇ ਦੋਸ਼ ਲਗਾਏ ਹਨ। ਰੈਂਬੋਂ ਨੇ ਦਾਅਵਾ ਕੀਤਾ ਕਿ ਥਾਣਾ ਮੁਖੀ ਵਿਰੁਧ ਨਸ਼ਾ ਵਿਕਾਉਣ ਦੇ ਲਗਾਏ ਦੋਸ਼ਾਂ ਤੋਂ ਬਾਅਦ ਹੀ ਉਸਨੂੰ ਪੁਲਿਸ ਵਲੋਂ ਝੂਠੇ ਕੇਸ ਵਿਚ ਫ਼ਸਾਉਣ ਦਾ ਡਰ ਸੀ, ਜਿਸਦੇ ਚੱਲਦੇ ਉਹ ਡੇਢ ਮਹੀਨੇ ਤੋਂ ਪੰਜਾਬ ਛੱਡ ਪ੍ਰਵਾਰ ਸਹਿਤ ਬਿਹਾਰ ਚਲਾ ਗਿਆ ਸੀ ਪ੍ਰੰਤੂ ਹੁਣ ਪੁਲਿਸ ਨੇ ਇਹ ਪਰਚਾ ਦਰਜ ਕਰ ਦਿੱਤਾ। ਉਨ੍ਹਾਂ ਅਪਣੀ ਵੀਡੀਓ ਵਿਚ ਅਪਣੇ ਪਿੰਡ ਰਤਨਪੁਰਾ ਦੇ ਖੇਤਾਂ ਵਿਚ ਕੰਮ ਕਰਦੇ ਹੋਏ ਅਪਣੇ ਨਾਲ ਅਪਣੇ ਭਰਾ ਨੂੰ ਵੀ ਦਿਖਾਇਆ ਹੈ।
Share the post "ਥਾਣਾ ਮੁਖੀ ’ਤੇ ਨਸ਼ੇ ਵਿਕਾਉਣ ਦੇ ਦੋਸ਼ ਲਗਾਉਣ ਵਾਲੇ ‘‘ਰੈਂਬੋਂ’’ ਵਿਰੁਧ ਪਰਚਾ ਦਰਜ਼"
