ਨੱਢਾ ਦੀ ਲੁਧਿਆਣਾ ਆਮਦ ਨੂੰ ਲੈ ਕੇ ਭਾਜਪਾ ਆਗੂਆਂ ਦੀ ਮੀਟਿੰਗ ਹੋਈ

ਸੁਖਜਿੰਦਰ ਮਾਨ
ਬਠਿੰਡਾ , 12 ਮਈ: ਭਾਜਪਾ ਦੇ ਰਾਸ਼ਟਰੀ ਪ੍ਰਧਾਨ ਸ੍ਰੀ ਜੇ ਪੀ ਨੱਢਾ ਦੇ 14 ਮਈ ਦੇ ਲੁਧਿਆਣਾ ਦੌਰੇ ਦੇ ਸਬੰਧ ਵਿੱਚ ਅੱਜ ਭਾਜਪਾ ਬਠਿੰਡਾ ਦੇ ਜਿਲਾ ਪ੍ਰਧਾਨ ਵਿਨੋਦ ਬਿੰੱਟਾ ਦੀ ਪ੍ਰਧਾਨਗੀ ਹੇਠ ਮੀਟਿੰਗ ਹੋਈ। ਜਿਸ ਵਿਚ ਸੂਬਾ ਜਨਰਲ ਸਕੱਤਰ ਦਿਆਲ ਸੋਢੀ ਅਤੇ ਬਠਿੰਡਾ ਭਾਜਪਾ ਦੇ ਜਿਲ੍ਹਾ ਇੰਚਾਰਜ਼ ਵਿਨੋਦ ਗੁਪਤਾ ਵਿਸ਼ੇਸ਼ ਤੋਰ ’ਤੇ ਸ਼ਾਮਿਲ ਹੋਏ । ਜਿਲਾ ਜਨਰਲ ਸਕੱਤਰ ਉਮੇਸ਼ ਸ਼ਰਮਾ ਨੇ ਦੱਸਿਆ ਕਿ 14 ਮਈ ਨੂੰ ਕੌਮੀ ਪ੍ਰਧਾਨ ਲੁਧਿਆਣਾ ਵਿਖੇ ਪੂਰੇ ਪੰਜਾਬ ਦੇ ਭਾਜਪਾ ਕਾਰਜਕਰਤਾਵਾਂ ਨਾਲ ਮੀਟਿੰਗ ਕਰਨਗੇ। ਜਿਸਦੇ ਚੱਲਦੇ ਬਠਿੰਡਾ ਭਾਜਪਾ ਦੇ ਵੱਖ ਵੱਖ ਮੰਡਲਾਂ ਅਤੇ ਮੋਰਚਿਆਂ ਵੱਲੋਂ 100 ਤੋਂ ਵੱਧ ਕਾਰਾਂ ਅਤੇ ਬੱਸਾਂ ਦੇ ਕਾਫ਼ਲੇ ਲੁਧਿਆਣਾ ਵਿਖੇ ਜਾਣਗੇ। ਅੱਜ ਦੀ ਮੀਟਿੰਗ ਵਿਚ ਉਕਤ ਪ੍ਰੋਗਰਾਮ ਦੇ ਸਬੰਧ ਵਿਚ ਡਿਊਟੀਆਂ ਲਗਾਈਆਂ ਗਈਆਂ ਹਨ। ਮੀਟਿੰਗ ਵਿਚ ਬਠਿੰਡਾ ਵਿਧਾਨਸਭਾ ਤੋਂ ਰਾਜ ਗਰਗ ਨੰਬਰਦਾਰ, ਭੁੱਚੋ ਹਲਕੇ ਤੋਂ ਰੁਪਿੰਦਰਜੀਤ ਸਿੰਘ, ਸੀਨੀਅਰ ਆਗੂ ਨਰਿੰਦਰ ਮਿੱਤਲ, ਸੁਨੀਲ ਸਿੰਗਲਾ, ਗੁਰਜੀਤ ਮਾਨ, ਰਾਜੇਸ਼ ਨੋਨੀ, ਮੰਡਲ ਪ੍ਰਧਾਨ ਮਦਨ ਲਾਲ, ਰਵਿੰਦਰ ਕੁਮਾਰ, ਨਰੇਸ਼ ਮਹਿਤਾ, ਲਵ ਸਚਦੇਵਾ,ਅਨੂਪ ਗਰਗ, ਜਯੰਤ ਸ਼ਰਮਾ, ਹਰੀਸ਼, ਸੁਖਦੇਵ ਮਿੱਤਲ, ਬਲਜਿੰਦਰ ਸਿੰਘ,ਗਗਨਦੀਪ ਸਿੰਘ, ਦੀਪਕ ਕਲੋਈ,ਵੀਨਾ ਗਰਗ, ਅੰਜਨਾ ਰਾਣੀ, ਬਲਵੰਤ ਸਿੰਘ ਗਿੱਲ ਅਤੇ ਹੋਰ ਕਾਰਜਕਰਤਾ ਸ਼ਾਮਿਲ ਹੋਏ ।