ਪ੍ਰੈਸ਼ਰ ਹਾਰਨ ਵਿਰੁਧ ਪੁਲਿਸ ਦੀ ਮੁਹਿੰਮ ਜਾਰੀ, ਦਰਜ਼ਨਾਂ ਵਹੀਕਲਾਂ ਦੇ ਕੱਟੇ ਚਲਾਨ

ਸੁਖਜਿੰਦਰ ਮਾਨ
ਬਠਿੰਡਾ, 25 ਫਰਵਰੀ: ਉਚ ਅਦਾਲਤ ਵਲੋਂ ਬੰਦ ਕੀਤੇ ਜਾ ਚੁੱਕੇ ਪ੍ਰੇਸ਼ਰ ਹਾਰਨਾਂ ਦੀ ਵਰਤੋਂ ਕਰਨ ਵਾਲਿਆਂ ਵਿਰੁਧ ਜ਼ਿਲ੍ਹਾ ਪੁਲਿਸ ਵਲੋਂ ਵਿੱਢੀ ਮੁਹਿੰਮ ਤਹਿਤ ਦੋ ਦਿਨਾਂ ’ਚ ਦਰਜ਼ਨਾਂ ਵਹੀਕਲਾਂ ਦੇ ਚਲਾਨ ਕੱਟੇ ਗਏ ਹਨ। ਪੁਲਿਸ ਅਧਿਕਾਰੀਆਂ ਨੇ ਇਸਦੀ ਪੁਸ਼ਟੀ ਕਰਦਿਆਂ ਦਸਿਆ ਕਿ ਇਸ ਵਿਸੇਸ ਮੁਹਿੰਮ ਦੌਰਾਨ ਹੁਣ ਤੱਕ ਡੇਢ ਸੋ ਦੇ ਕਰੀਬ ਵਹੀਕਲਾਂ ਤੋਂ ਮੌਕੇ ’ਤੇ ਹੀ ਇਹ ਪ੍ਰੇਸ਼ਰ ਹਾਰਨ ਉਤਾਰੇ ਗਏ ਹਨ। ਇੰਨ੍ਹਾਂ ਵਹੀਕਲਾਂ ਵਿਚ ਜਿਆਦਾਤਰ ਬੱਸਾਂ ਹਨ, ਜਿੰਨ੍ਹਾਂ ਵਿਚ ਪ੍ਰਾਈਵੇਟ ਬੱਸਾਂ ਵੀ ਮੁੱਖ ਤੌਰ ’ਤੇ ਸ਼ਾਮਲ ਹਨ। ਹਾਲਾਂਕਿ ਪੁਲਿਸ ਵਲੋਂ ਦਰਜ਼ਨਾਂ ਸਰਕਾਰੀ ਬੱਸਾਂ ਦੇ ਵੀ ਪ੍ਰੇਸ਼ਰ ਹਾਰਨ ਉਤਰਾਏ ਗਏ ਹਨ। ਟ੍ਰੈਫਿਕ ਪੁਲਿਸ ਅਧਿਕਾਰੀਆਂ ਨੇ ਦਸਿਆ ਕਿ ਉਚ ਅਧਿਕਾਰੀਆਂ ਦੀਆਂ ਹਿਦਾਇਤਾਂ ਤਹਿਤ ਚਲਾਈ ਇਸ ਮੁਹਿੰਮ ਵਿਚ ਅੱਜ ਵਿਸੇਸ ਨਾਕਾਬੰਦੀ ਕਰਨ ਤੋਂ ਇਲਾਵਾ ਟਰੈਫ਼ਿਕ ਚੌਕਾਂ ਵਿਚ ਵੀ ਵਾਹਨਾਂ ਦੀ ਜਾਂਚ ਕੀਤੀ ਗਈ।