ਸੁਖਜਿੰਦਰ ਮਾਨ
ਬਠਿੰਡਾ,15 ਅਗਸਤ:-ਮੌੜ ਮੰਡੀ ਵਿਖੇ ਭਾਰਤੀ ਜਨਤਾ ਪਾਰਟੀ ਦੇ ਸੂਬਾ ਉੱਪ ਮੁੱਖ ਅਤੇ ਹਲਕਾ ਮੌੜ ਦੇ ਇੰਚਾਰਜ ਦਿਆਲ ਸੋਢੀ ਦੀ ਅਗਵਾਈ ਹੇਠ ਤਿਰੰਗਾ ਯਾਤਰਾ ਕੱਢੀ ਗਈ। ਇਹ ਯਾਤਰਾ ਪੰਚਾਇਤੀ ਧਰਮਸ਼ਾਲਾ ਤੋਂ ਸ਼ੁਰੂ ਹੋ ਕੇ ਬਜ਼ਾਰ ਵਿੱਚੋਂ ਹੁੰਦੀ ਹੋਈ ਬੋਹੜ ਵਾਲਾ ਚੌਕ ਤੇ ਸਮਾਪਤ ਹੋਈ। ਇਸ ਮੌਕੇ ਤੇ ਯਾਤਰਾ ਮੂਹਰੇ ਦੇਸ਼ ਭਗਤੀ ਦੇ ਗੀਤ ਚਲ ਰਹੇ ਸਨ ਅਤੇ ਪਾਰਟੀ ਵਰਕਰਾਂ ਵੱਲੋਂ ਭਾਰਤ ਮਾਤਾ ਕੀ ਜੈ ਅਤੇ ਬੰਦੇ ਮਾਤਰਮ ਦੇ ਜੈ ਕਾਰੇ ਲੱਗ ਰਹੇ ਸਨ। ਇਸ ਮੌਕੇ ਦਿਆਲ ਸੋਢੀ ਨੇ ਸ਼ਹਿਰ ਵਾਸੀਆਂ ਤੇ ਸਮੂਹ ਪੰਜਾਬੀਆਂ ਨੂੰ ਆਜ਼ਾਦੀ ਦਿਵਸ ਦੀ ਵਧਾਈ ਦਿੱਤੀ ।
ਕੋਵਿਡ ਸੈਂਟਰ ਦਾ ਮਾਮਲਾ: ਡੀਸੀ ਨੇ ਸੁਸਾਇਟੀ ਨੂੰ 20 ਲੱਖ ਜਮ੍ਹਾਂ ਕਰਵਾਉਣ ਦਾ ਕੱਢਿਆ ਨੋਟਿਸ
ਇਸਤੋਂ ਇਲਾਵਾ ਉਨ੍ਹਾਂ ਅਜਾਦੀ ਦਿਵਸ ਮੌਕੇ ਆਪੋ – ਆਪਣੇ ਘਰਾਂ ਉੱਪਰ ਤਿਰੰਗਾ ਝੰਡਾ ਲਹਿਰਾਉਣ ਦੀ ਅਪੀਲ ਵੀ ਕੀਤੀ। ਇਸ ਮੌਕੇ ਤੇ ਯਾਤਰਾ ਦੌਰਾਨ ਸ਼ਹਿਰ ਵਾਸੀਆਂ ਵੱਲੋਂ ਵੀ ਭਰਪੂਰ ਸਹਿਯੋਗ ਮਿਲਿਆ। ਇਸ ਮੌਕੇ ਤੇ ਸ਼ਹਿਰੀ ਮੰਡਲ ਮੌੜ ਦੇ ਪ੍ਰਧਾਨ ਜੀਵਨ ਗਰਗ, ਜ਼ਿਲ੍ਹਾ ਉੱਪ ਪ੍ਰਧਾਨ ਸ਼੍ਰੀ ਹਰਸ਼ ਗੋਇਲ ਅਤੇ ਬਲਵੀਰ ਚੰਦ, ਚੰਦਰ ਮੋਹਨ ਪ੍ਰਦੇਸ਼ ਮੈਂਬਰ ਯੁਵਾ ਮੋਰਚਾ,ਮਲਕੀਤ ਸਿੰਘ ਰਾਏ ਖਾਨਾ ਅਤੇ ਸਤਨਾਮ ਸਿੰਘ ਦੋਵੇਂ ਮੰਡਲ ਪ੍ਰਧਾਨ,ਤਰਸੇਮ ਕੁਮਾਰ ਅਤੇ ਸੰਜੇ ਮਿੱਤਲ ਦੋਵੇਂ ਮੰਡਲ ਜਨਰਲ ਸਕੱਤਰ, ਕੁਲਦੀਪ ਸਿੰਘ ਰਾਮਨਗਰ ਯੂਥ ਆਗੂ ਅਤੇ ਸਤਪਾਲ ਸਿੰਘ ਲਾਟੂ ਪ੍ਰਧਾਨ ਮਜ਼ਦੂਰ ਯੂਨੀਅਨ ਹਾਜ਼ਰ ਸਨ।
