ਯੂਥ ਅਕਾਲੀ ਦਲ ਦੇ ਜਰਨਲ ਸੈਕਟਰੀ ਅਤੇ ਅਕਾਲੀ ਆਗੂ ਦੇ ਨਾਲ ਫੜਿਆ ਆਪ ਦਾ ਪੱਲਾ

ਸੁਖਜਿੰਦਰ ਮਾਨ
ਬਠਿੰਡਾ, 27 ਜਨਵਰੀ: ਅੱਜ ਸ਼ਿਰੋਮਣੀ ਅਕਾਲੀ ਦਲ ਨੂੰ ਉਸ ਵੈਲੇ ਝਟਕਾ ਲੱਗਿਆ ਜਦ ਵਾਰਡ ਨੰਬਰ 43 ਪ੍ਰਤਾਪ ਨਗਰ ਦੇ ਦਰਜਨਾਂ ਅਕਾਲੀ ਵਰਕਰਾਂ ਨੇ ਆਮ ਆਦਮੀ ਪਾਰਟੀ ਦਾ ਪੱਲਾ ਫੜਦਿਆਂ ਪਾਰਟੀ ਚ ਸ਼ਾਮਲ ਹੋ ਗਏ। ਯੂਥ ਅਕਾਲੀ ਦਲ ਦੇ ਜਰਨਲ ਸੈਕਟਰੀ ਮੁਨੀਸ਼ ਅਰੋੜਾ ਅਤੇ ਅਕਾਲੀ ਆਗੂ ਮੇਜਰ ਸਿੰਘ ਦੀ ਅਗੁਵਾਈ ਹੇਂਠ ਹੋਏ ਇਸ ਇਕੱਠ ਵਿੱਚ ਵਿਪਕ ਕੁਮਾਰ, ਗੁਰਪ੍ਰੀਤ ਸਿੰਘ, ਪ੍ਰੇਮ ਕੁਮਾਰ, ਭਿਸ਼ਨ ਕੁਮਾਰ ਜਸਵੀਰ ਸਿੰਘ, ਭੋਲਾ ਸਿੰਘ, ਜਗਮੇਲ ਸਿੰਘ ਦੰਦੀਵਾਲ, ਰੋਬਿਨ ਅਤੇ ਬਿਕਰਮ ਸਿੰਘ ਹੋਰਾਂ ਨੇ ਪਰਿਵਾਰ ਸਮੇਤ ਆਮ ਆਦਮੀ ਪਾਰਟੀ ਚ ਸ਼ਾਮਲ ਹੋ ਗਏ । ਇਸ ਮੌਕੇ ਜਗਰੂਪ ਸਿੰਘ ਗਿੱਲ ਨੇ ਪਾਰਟੀ ਚ ਸ਼ਾਮਲ ਹੋਏ ਸਾਥੀਆਂ ਨੂੰ ਜੀ ਆਈਆਂ ਨੂੰ ਕਿਹਾ ਅਤੇ ਪਾਰਟੀ ਦਾ ਝੰਡਾ ਗਲ ਵਿੱਚ ਪਾ ਕੇ ਪਾਰਟੀ ਚ ਸ਼ਾਮਲ ਕੀਤਾ ਅਤੇ ਪਾਰਟੀ ਵਲੋਂ ਮਾਨ ਅਤੇ ਸਤਿਕਾਰ ਦੇਣ ਦਾ ਯਕੀਨ ਦਿਤਾ।