ਹਰ ਵਰਗ ਦਾ ਮਿਲ ਰਿਹਾ ਸਹਿਯੋਗ, ਅਕਾਲੀ ਦਲ ਦੀ ਖੇਡ ਖਤਮ ,ਆਪ ਦਾ ਝਾੜੂ ਖਿੱਲਰਿਆ, ਬਣੇਗੀ ਕਾਂਗਰਸ ਦੀ ਸਰਕਾਰ: ਜਟਾਣਾ 5 ਸਾਲ ਵਿੱਚ ਵਿਧਾਨ ਸਭਾ ਹਲਕਾ ਤਲਵੰਡੀ ਸਾਬੋ ਦਾ ਕਰਵਾਇਆ ਰਿਕਾਰਡ ਵਿਕਾਸ
ਸੁਖਜਿੰਦਰ ਮਾਨ
ਬਠਿੰਡਾ, 1ਫ਼ਰਵਰੀ : ਪੰਜ ਸਾਲ ਦੇ ਕਾਂਗਰਸ ਰਾਜ ਵਿੱਚ ਵਿਧਾਨ ਸਭਾ ਹਲਕਾ ਤਲਵੰਡੀ ਸਾਬੋ ਦੇ ਸਕੂਲ ਅਪਗਰੇਡ ਕਰਾਉਣ, ਨਹਿਰਾਂ ਪੱਕੀਆ ਕਰਨ ,ਖਾਲ ਪੱਕੇ ਕਰਨ, ਸੜਕਾਂ ਤੇ ਗਲੀਆ ਨਾਲੀਆ ਤੇ ਪ੍ਰੀਮੈਕਸ ਤੇ ਇੰਟਰਲਾਕ ਟਾਈਲਾਂ ਲਾ ਕੇ ਸੁੰਦਰ ਬਣਾਉਣ ਦੇ ਨਾਲ ਹਰ ਪ੍ਰਾਜੈਕਟ ਨੂੰ ਸਮੇ ਸਿਰ ਪੂਰਾ ਕਰਕੇ ਵਿਕਾਸ ਕਰਵਾਇਆ ਗਿਆ ਹੈ, ਜਦੋ ਕਿ ਸ਼ਰੋਮਣੀ ਅਕਾਲੀ ਦਲ ਦੀ ਖੇਡ ਖ਼ਤਮ ਹੋ ਚੁੱਕੀ ਅਤੇ ਆਪ ਦਾ ਝਾੜੂ ਖਿੱਲਰ ਚੁੱਕਿਆ ਹੈ, ਕਿਉਕਿ ਦੋਨਾਂ ਪਾਰਟੀਆ ਦੇ ਉਮੀਦਵਾਰਾਂ ਨੇ ਕਦੇ ਵੀ ਇਲਾਕੇ ਦੀ ਸਾਰ ਨਹੀਂ ਲਈ। ਇਨਾਂ ਗੱਲਾਂ ਦਾ ਪ੍ਰਗਟਾਵਾ ਵਿਧਾਨ ਸਭਾ ਹਲਕਾ ਤਲਵੰਡੀ ਸਾਬੋ ਦੇ ਕਾਂਗਰਸ ਦੇ ਉਮੀਦਵਾਰ ਖੁਸ਼ਬਾਜ ਸਿੰਘ ਜਟਾਣਾ ਨੇ ਦਰਜਨਾਂ ਪਿੰਡਾਂ ਦੇ ਦੌਰੇ ਕਰਨ ਉਪਰੰਤ ਕੀਤਾ ਅਤੇ ਭਰਵੇ ਇਕੱਠ ਨੂੰ ਸੰਬੋਧਨ ਕਰਦੇ ਹੋਏ ਵਿਕਾਸ ਦੇ ਨਾਮ ਤੇ ਵੋਟਾਂ ਦੀ ਮੰਗ ਕਰਦਿਆ ਕਿਹਾ ਕਿ ਪੰਜ ਸਾਲ ਦੇ ਰਿਕਾਰਡ ਵਿੱਚ ਕੰਮ ਕਰਕੇ ਵਿਖਾਇਆ ਹੈ ਤੇ ਉਸੇ ਕੰਮ ਦੇ ਆਧਾਰ ਤੇ ਵੋਟ ਦੀ ਮੰਗ ਕਰਦੇ ਹਾਂ। ਉਨਾਂ ਕਿਹਾ ਕਿ ਕਾਂਗਰਸ ਦੀ ਦੂਸਰੀ ਵਾਰ ਸਰਕਾਰ ਬਣਨ ਤੇ ਇਲਾਕੇ ਦਾ ਰਿਕਾਰਡ ਵਿਕਾਸ ਹੋਰ ਕਰਵਾਇਆ ਜਾਵੇਗਾ ਤੇ ਇਲਾਕੇ ਨੂੰ ਹਰ ਸਹੂਲਤ ਮੁਹੱਈਆ ਕਰਵਾਈ ਜਾਵੇਗੀ ।ਜਟਾਣਾ ਦੇ ਹੱਕ ਵਿੱਚ ਪਿੰਡਾਂ ਦੇ ਲੋਕਾਂ ਵੱਲੋ ਕਾਂਗਰਸ ਦੇ ਝੰਡਿਆ ਨਾਲ ਸਮਰਥਨ ਦਿੱਤਾ ਜਾ ਰਿਹਾ ਹੈ ਤੇ ਹਰ ਵਰਗ ਸਹਿਯੋਗ ਲਈ ਅੱਗੇ ਆ ਰਿਹਾ ਹੈ । ਇਸ ਮੌਕੇ ਉਨਾਂ ਦੇ ਨਾਲ ਕਾਂਗਰਸ ਦੀ ਲੀਡਰਸ਼ਿਪ, ਵਰਕਰ ਵੱਡੀ ਗਿਣਤੀ ਵਿਚ ਹਾਜ਼ਰ ਸਨ।
Share the post "ਵਿਧਾਨ ਸਭਾ ਹਲਕਾ ਤਲਵੰਡੀ ਸਾਬੋ ਤੋ ਕਾਂਗਰਸ ਦੇ ਉਮੀਦਵਾਰ ਜਟਾਣਾ ਨੇ ਕੀਤਾ ਪਿੰਡਾਂ ਦਾ ਦੌਰਾ"
