ਹਰਿਆਣਾ ਦੇ 50 ਹਜਾਰ ਰੁਪਏ ਤਕ ਸਾਲਾਨਾ ਆਮਦਨ ਵਾਲੇ ਇਕ ਲੱਖ ਪਰਿਵਾਰਾਂ ਦੀ ਆਮਦਨ ਦਾ ਪੱਧਰ ਇਕ ਲੱਖ 80 ਹਜਾਰ ਰੁਪਏ ਤਕ ਕੀਤੇ ਜਾਣ ਦੀ ਯੋਜਨਾ ਕੀਤੀ ਤਿਆਰ

ਸੁਖਜਿੰਦਰ ਮਾਨ
ਚੰਡੀਗੜ੍ਹ, 25 ਅਕਤੂਬਰ – ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਕਿਹਾ ਕਿ ਸੂ੍ਹੇ ਦੇ 50 ਹਜਾਰ ਰੁਪਏ ਤਕ ਸਾਲਾਨਾ ਆਮਦਨ ਵਾਲੇ ਇਕ ਲੱਖ ਪਰਿਵਾਰਾਂ ਦੀ ਆਮਦਨ ਦਾ ਪੱਧਰ ਇਕ ਲੱਖ 80 ਹਜਾਰ ਰੁਪਏ ਤਕ ਕੀਤੇ ਜਾਣ ਦੀ ਯੋਜਨਾ ਤਿਆਰ ਕੀਤੀ ਹੈ। ਜਿਸ ਦਾ ਨਾਂਅ ਮੁੱਖ ਮੰਤਰੀ ਅੰਤੋਂਦੇਯ ਪਰਿਵਾਰ ਯੋਜਨਾ ਹੈ।
ਨਵੀਂ ਦਿੱਲੀ ਵਿਚ ਆਯੋਜਿਤ ਕੌਮਾਂਤਰੀ ਵੈਸ਼ਅ ਮਹਾਸਮੇਲਨ ਦੀ ਸ਼ਾਮ ਦੇ ਸੈਸ਼ਨ ਵਿਚ ਅਭਿਨੰਦਰ ਸਮਾਰੋਹ ਨੂੰ ਸੰਬੋਧਿਤ ਕਰਦੇ ਹੋਏ ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਨੇ ਸਮਾਜ ਦੇ ਵਾਂਝੇ ਵਰਗ ਦੇ ਉਥਾਨ ਤੇ ਭਲਾਈ ਲਈ ਵੈਸ਼ਅ ਸਮਾਜ ਤੋਂ ਸਰਗਰਮ ਯੋਗਦਾਨ ਦੀ ਅਪੀਲ ਕੀਤੀ। ਮੁੱਖ ਮੰਤਰੀ ਨੇ ਕਿਹਾ ਕਿ ਵੈਸ਼ਅ ਸਮਾਜ ਨੇ ਵਪਾਰ, ਕਾਰੋਬਾਰ ਤੇ ਉਦਯੋਗ ਨੂੰ ਵਿਸਤਾਰ ਦੇ ਕੇ ਦੇਸ਼ ਦੀ ਅਰਥਵਿਵਸਥਾ ਵਿਚ ਮਹਤੱਵਪੂਰਣ ਯੋਗਦਾਨ ਦਿੱਤਾ।
ਹਰਿਆਣਾ ਦੇ ਮੁੱਖ ਮੰਤਰੀ ਨੇ ਕਿਹਾ ਕਿ ਹਰਿਆਣਾ ਰਾਜ ਵਿਚ 11 ਲੱਖ ਪਰਿਵਾਰਾਂ ਦੀ ਸਾਲਾਨਾ ਆਮਦਨ 50 ਹਜਾਰ ਰੁਪਏ ਤਕ ਹੈ। ਪ੍ਰਾਥਮਿਕ ਯਤਨਾਂ ਦੀ ਦਿਸ਼ਾ ਵਿਚ 50 ਹਜਾਰ ਰੁਪਏ ਸਾਲਾਨਾ ਆਮਦਨ ਵਾਲੇ 11 ਲੱਖ ਪਰਿਵਾਰਾਂ ਵਿੱਚੋਂ ਸ਼ੁਰੂ ਵਿਚ ਇਕ ਲੱਖ ਪਰਿਵਾਰਾਂ ਦੀ ਆਮਦਨ ਦਾ ਪੱਧਰ 1 ਲੱਖ 80 ਹਜਾਰ ਰੁਪਏ ਤਕ ਕੀਤੇ ਜਾਣ ਦੀ ਮੁੱਖ ਮੰਤਰੀ ਅੰਤੋਂਦੇਯ ਪਰਿਵਾਰ ਯੋਜਨਾ ਦੇ ਤਹਿਤ ਯੋਜਨਾ ਤਿਆਰ ਕੀਤੀ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਮਹਾਰਾਜਾ ਅਗਰਸੇਨ ਵੱਲੋਂ ਪ੍ਰਸ਼ਸਤ ਕੀਤੇ ਗਏ ਮਾਰਗ ਦਾ ਅਨੁਸਰਣ ਕਰਦੇ ਹੋਏ ਵੈਸ਼ਅ ਸਮਾਜ ਨੇ ਸਦਾ ਸਮਾਜ ਦੇ ਵਾਂਝੇ ਵਰਗ ਦੇ ਉਥਾਨ ਵਿਚ ਆਪਣਾ ਯੋਗਦਾਨ ਕੀਤਾ ਹੈ। ਸਰਕਾਰ ਵੀ ਸੱਭਕਾ ਸਾਥ-ਸੱਭਕਾ ਵਿਕਾਸ-ਸੱਭਕਾ ਵਿਸ਼ਵਾਸ-ਸੱਭਕਾ ਪ੍ਰਯਾਸ ਦੇ ਸਿਦਾਂਤ ‘ਤੇ ਅੱਗੇ ਵੱਧਦੇ ਹੋਏ ਵਿਕਾਸ ਨੂੰ ਨਵੀਂ ਦਿਸ਼ਾਵਾਂ ਦੇ ਰਹੇ ਹਨ।
ਕੌਮਾਂਤਰੀ ਵੈਸ਼ਅ ਮਹਾਸਮੇਲਨ ਨੂੰ ਸੰਬੋਧਿਤ ਕਰਦੇ ਹੋਏ ਹਰਿਆਣਾ ਵਿਧਾਨਸਭਾ ਸਪੀਕਰ ਸ੍ਰੀ ਗਿਆਨਚੰਦ ਗੁਪਤਾ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਕੌਮਾਂਤਰੀ ਵੈਸ਼ਯ ਫੈਡਰੇਸ਼ਨ ਵੱਲੋਂ ਸਮਾਜ ਸੇਵਾ ਦਾ ਕਾਰਜ ਸੇਵਾਭਾਵ ਤੋਂ ਅੱਗੇ ਵਧਾਇਆ ਜਾ ਰਿਹਾ ਹੈ। ਜਿਸ ਤਰ੍ਹਾ ਨਾਲ ਕਿਸਾਨ ਵਰਗ ਅਨਾਜ ਉਤਪਨ ਕਰ ਸਾਰਿਆਂ ਦਾ ਪੋਸ਼ਣ ਕਰਦਾ ਹੈ, ਉਸੀ ਤਰ੍ਹਾ ਨਾਲ ਵੈਸ਼ਯ ਸਮਾਜ ਦੇਸ਼ ਦੀ ਅਰਥਵਿਵਸਥਾ ਦਾ ਪੋਸ਼ਣ ਕਰਦਾ ਹੈ।
ਅਭਿਨੰਦਨ ਸਮਾਰੋਹ ਵਿਚ ਕੌਮਾਂਤਰੀ ਵੈਸ਼ਯ ਫੈਡਰੇਸ਼ਨ ਵੱਲੋਂ ਵੈਸ਼ਅ ਸਮਾਜ ਦੇ ਮਾਣਯੋਗਾਂ ਨੇ ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਮਨੋਹਰ ਲਾਲ ਦਾ ਪੱਗ ਤੇ ਸ਼ਾਲ ਨਾਲ ਪਰੰਪਰਾਗਤ ਢੰਗ ਨਾਲ ਅਭਿਨੰਦਰ ਕੀਤਾ। ਹਰਿਆਣਾ ਦੇ ਮੁੱਖ ਮੰਤਰੀ ਨੇ ਨਾਗਰਿਕ ਸੇਵਾ ਪ੍ਰੀਖਿਆ ਪਾਸ ਕਰਨ ਵਾਲੇ ਵੈਸ਼ਯ ਸਮਾਜ ਦੇ ਵੱਖ-ਵੱਖ ਨੌਜੁਆਨਾਂ ਨੂੰ ਸਨਮਾਨਿਤ ਕੀਤਾ। ਅਭਿਨੰਦਰ ਸਮਾਰੋਹ ਵਿਚ ਵਿਧਾਇਕ ਸ੍ਰੀ ਨਰੇਂਦਰ ਗੁਪਤਾ ਮੌਜੂਦ ਰਹੇ। ਅਭਿਨੰਦਨ ਸਮਾਰੋਹ ਵਿਚ ਸਾਂਸਦ ਟੀਜੀ ਵੰਕਟੇਸ਼, ਕੌਮਾਂਤਰੀ ਵੈਸ਼ਯ ਫੈਡਰੇਸ਼ਨ ਦੇ ਚੇਅਰਮੈਨ ਅਸ਼ੋਕ ਅਗਰਵਾਲ, ਓਮੈਕਸ ਦੇ ਚੇਅਰਮੈਨ ਰੋਹਤਾਸ ਗੋਇਲ, ਸ੍ਰੀਸ਼ਾਮ ਜਾਜੂ, ਰੋਹਤਕ ਨਗਰ ਨਿਗਮ ਦੇ ਮੇਅਰ ਮਨਮੋਹਨ ਗੋਇਲ, ਜਗਮੋਹਨ ਗੋਇਲ ਮੌਜੂਦ ਰਹੇ।