7 Views
ਸੁਖਜਿੰਦਰ ਮਾਨ
ਬਠਿੰਡਾ,12 ਦਸੰਬਰ: ਪੰਜਾਬ ਦੇ ਰਾਜ਼ਪਾਲ ਬਨਵਾਰੀ ਲਾਲ ਪੁਰੋਹਿਤ ਆਗਾਮੀ 14 ਦਸੰਬਰ ਨੂੰ ਇੱਕ ਰੋਜ਼ਾ ਬਠਿੰਡਾ ਦੌਰੇ ’ਤੇ ਪੁੱਜ ਰਹੇ ਹਨ। ਉਹ ਰਾਤ ਨੂੰ ਵੀ ਬਠਿੰਡਾ ਹੀ ਰਹਿਣਗੇ। ਪਤਾ ਚੱਲਿਆ ਹੈ ਕਿ ਰਾਜਪਾਲ ਇਸ ਦਿਨ ਬਠਿੰਡਾ ਜ਼ਿਲ੍ਹੇ ਵਿਚ ਪੈਂਦੇ ਇਤਿਹਾਸਕ ਮੰਦਿਰ ਮਾਈਸਰਖ਼ਾਨਾ ਅਤੇ ਤਖ਼ਤ ਸ਼੍ਰੀ ਦਮਦਮਾ ਸਾਹਿਬ ਵਿਖੇ ਨਤਮਸਤਕ ਹੋਣਗੇ। ਜਿਸਤੋਂ ਬਾਅਦ ਉਹ ਝੀਲਾਂ ਕੋਲ ਸਥਿਤ ਲੇਕ ਵਿਊ ਰੀਜੋਰਟ ਵਿਚ ਰਾਤ ਠਹਿਰਨ ਤੋਂ ਬਾਅਦ ਦੂਜੇ ਦਿਨ ਸ਼੍ਰੀ ਮੁਕਤਸਰ ਸਾਹਿਬ ਵੱਲ ਰਵਾਨਾ ਹੋ ਜਾਣਗੇ। ਇਹ ਵੀ ਪਤਾ ਚਲਿਆ ਹੈ ਕਿ ਬਠਿੰਡਾ ਆਉਣ ਤੋਂ ਪਹਿਲਾਂ ਉਨਾਂ ਵਲੋਂ ਮਾਨਸਾ ਵਿਖੇ ਵੀ ਪ੍ਰੋਗਰਾਮ ਰੱਖਿਆ ਹੋਇਆ ਹੈ। ਦਸਣਾ ਬਣਦਾ ਹੈ ਕਿ ਬਤੌਰ ਰਾਜਪਾਲ ਅਹੁੱਦਾ ਸੰਭਾਲਣ ਤੋਂ ਬਾਅਦ ਸ਼੍ਰੀ ਪੁਰੋਹਿਤ ਪਹਿਲੀ ਵਾਰ ਦੱਖਣੀ ਮਾਲਵਾ ਦੇ ਜ਼ਿਲ੍ਹਿਆਂ ਵਿਚ ਆ ਰਹੇ ਹਨ। ਉਧਰ ਡਿਪਟੀ ਕਮਿਸ਼ਨਰ ਅਰਵਿੰਦ ਪਾਲ ਸਿੰਘ ਸੰਧੂ ਨੇ ਦਸਿਆ ਕਿ ਮਾਣਯੋਗ ਰਾਜਪਾਲ ਦੇ ਆਉਣ ਦੀ ਸੂਚਨਾ ਮਿਲੀ ਹੈ।
