Patiala News: ਪਟਿਆਲਾ ਜ਼ਿਲ੍ਹੇ ਦੇ ਇੱਕ ਪਿੰਡ ਵਿਚ ਬੀਤੇ ਕੱਲ੍ਹ ਇੱਕ ਧਾਰਮਿਕ ਸਥਾਨ ‘ਤੇ ਚੱਲ ਰਹੀ ਪ੍ਰਾਥਨਾ ਸਭਾ ਦੌਰਾਨ ਲੱਗਿਆ ਹੋਇਆ ਟਾਵਰ ਡਿੱਗਣ ਕਾਰਨ ਇੱਕ 16 ਸਾਲਾਂ ਬੱਚੇ ਦੀ ਮੌਤ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ। ਪਿੰਡ ਖੁਸਰਪੁਰੂ ਨਾਲ ਸਬੰਧਤ ਮ੍ਰਿਤਕ ਬੱਚਾ ਰਜਿੰਦਰ ਸਿੰਘ ਆਪਣੇ ਪ੍ਰਵਾਰ ਵਾਲਿਆਂ ਨਾਲ ਪਿੰਡ ਸਿੱਧੂਵਾਲਾ ਵਿਖੇ ਸਥਿਤ ਚਰਚ ਵਿਚ ਹੋਣ ਵਾਲੀ ਪ੍ਰਾਥਨਾ ਸਭਾ ਵਿਚ ਹਿੱਸਾ ਲੈਣ ਲਈ ਗਿਆ ਹੋਇਆ ਸੀ, ਇਸ ਦੌਰਾਨ ਇਹ ਭਾਣਾ ਵਾਪਰ ਗਿਆ।
ਇਹ ਵੀ ਪੜ੍ਹੋ ਬਠਿੰਡਾ ‘ਚ ਨਕਲੀ ਪੁੱਤ ਬਣ ਕੇ ਕਿਸਾਨ ਦੀ ਜਮੀਨ ‘ਤੇ ਬੈਂਕ ਤੋਂ ਲੋਨ ‘ਤੇ ਟਰੈਕਟਰ ਲਿਆ, ਬੈਂਕ ਮੈਨੇਜ਼ਰ ਸਹਿਤ 3 ‘ਤੇ ਪਰਚਾ ਦਰਜ਼
ਹਾਦਸੇ ਤੋਂ ਬਾਅਦ ਬੱਚੇ ਦੇ ਪ੍ਰਵਾਰ ਵਿਚ ਰੋਸ਼ ਦੇਖਣ ਨੂੰ ਮਿਲ ਰਿਹਾ ਤੇ ਉਨ੍ਹਾਂ ਜਿੰਮੇਵਾਰਾਂ ਵਿਰੁਧ ਕਾਰਵਾਈ ਦੀ ਮੰਗ ਕੀਤੀ ਹੈ। ਹਾਲਾਂਕਿ ਚਰਚ ਦੇ ਪ੍ਰਬੰਧਕਾਂ ਨੇ ਦਾਅਵਾ ਕੀਤਾ ਕਿ ਇੱਥੇ ਵਾਈ-ਫ਼ਾਈ ਦੀ ਸਹੂਲਤ ਲਈ ਇਹ ਟਾਵਰ ਲਗਾਇਆ ਹੋਇਆ ਸੀ, ਜਿਸਨੂੰ ਰਿਵਟਾਂ ਤੇ ਤਾਰਾਂ ਦੇ ਨਾਲ ਬੰਨਿਆ ਹੋਇਆ ਸੀ ਪ੍ਰੰਤੂ ਕਿਸੇ ਵਿਅਕਤੀ ਨੇ ਇਸਦੇ ਰਿਵਟ ਖੋਲ ਦਿੱਤੇ, ਜਿਸ ਕਾਰਨ ਮੀਂਹ ਝੱਖੜ ਦੇ ਚੱਲਦੇ ਇਹ ਟਾਵਰ ਬੱਚੇ ਦੇ ਸਿਰ ਉਪਰ ਡਿੱਗ ਪਿਆ। ਉਧਰ, ਘਟਨਾ ਤੋਂ ਬਾਅਦ ਬੱਚੇ ਦੀ ਲਾਸ਼ ਨੂੰ ਮੁਰਦਾਘਰ ਪਹੁੰਚਾਇਆ ਗਿਆ, ਜਿੱਥੇ ਪ੍ਰਵਾਰ ਵੱਲੋਂ ਪੁਲਿਸ ਕਾਰਵਾਈ ਦੀ ਮੰਗ ਕੀਤੀ ਜਾ ਰਹੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
