Bathinda News: ਬਠਿੰਡਾ ਜ਼ਿਲ੍ਹੇ ਵਿਚ ਇੱਕ ਵਿਅਕਤੀ ਵੱਲੋਂ ਬੈਂਕ ਅਧਿਕਾਰੀਆਂ ਨਾਲ ਸਾਂਠ-ਗਾਂਠ ਕਰਦਿਆਂ ਇੱਕ ਕਿਸਾਨ ਦਾ ਨਕਲੀ ਪੁੱਤ ਬਣ ਕੇ ਬੈਂਕ ਤੋਂ ਲੋਨ ‘ਤੇ ਟਰੈਕਟਰ ਲੈਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਕਿਸਾਨ ਨੂੰ ਆਪਣੇ ਨਕਲੀ ਪੁੱਤ ਦੀ ਇਸ ਕਰਤੂਤ ਦਾ ਪਤਾ ਇੱਕ ਸਾਲ ਬਾਅਦ ਉਸ ਸਮੇਂ ਲੱਗਿਆ ਜਦ ਬੈਂਕ ਵਾਲੇ ਕਿਸ਼ਤਾਂ ਲੈਣ ਘਰ ਪੁੱਜ ਗਏ। ਜਦ ਪਿੰਡ ਭਾਗੀਵਾਂਦਰ ਦੇ ਕਿਸਾਨ ਯਾਦਵਿੰਦਰ ਸਿੰਘ ਨੂੰ ਆਪਣੀ ਜਮੀਨ ‘ਤੇ ਕਰਜ਼ ਲੈ ਕੇ ਕਿਸੇ ਵੱਲੋਂ ਟਰੈਕਟਰ ਲੈਣ ਦੀ ਗੱਲ ਬਾਰੇ ਪਤਾ ਚੱਲਿਆ ਤਾਂ ਉਸਦੇ ਪੈਰਾਂ ਹੇਠੋਂ ਮਿੱਟੀ ਨਿਕਲ ਗਈ।
ਮਾਮਲੇ ਦੀ ਪੜਤਾਲ ਦੌਰਾਨ ਸਾਹਮਣੇ ਆਇਆ ਕਿ ਇਸ ਧੋਖਾਧੜੀ ਦੇ ਮਾਮਲੇ ਵਿਚ ਉਸਦੇ ਪਿੰਡ ਦਾ ਵੀ ਇੱਕ ਵਿਅਕਤੀ ਮਿਲਿਆ ਹੋਇਆ ਹੈ। ਪੰਜਾਬੀ ਖਬਰਸਾਰ ਵੈਬਸਾਈਟ ਦੇ ਪੱਤਰਕਾਰ ਨਾਲ ਗੱਲਬਾਤ ਕਰਦਿਆਂ ਪੀੜਤ ਕਿਸਾਨ ਯਾਦਵਿੰਦਰ ਸਿੰਘ ਨੇ ਦਸਿਆ ਕਿ ਜਾਅਲੀ ਫ਼ਰਦਾਂ ਤੇ ਦਸਤਖਤਾਂ ਰਾਹੀਂ ਉਸਦੀ ਜਮੀਨ ‘ਤੇ ਟਰੈਕਟਰ ਖਰੀਦਣ ਲਈ ਐਚਡੀਬੀ ਫ਼ਾਈਨਸ਼ਲ ਲਿਮਟਿਡ ਬੈਂਕ ਤੋਂ ਅੱਠ ਲੱਖ ਰੁਪਏ ਦਾ ਲੋਨ ਲਿਆ ਗਿਆ ਤੇ ਕਿਸ਼ਤਾਂ ਨਹੀਂ ਭਰੀਆਂ,ਜਿਸ ਕਾਰਨ ਉਸਦਾ ਸਿੱਬਲ ਸਕੋਰ ਵੀ ਖਰਾਬ ਹੋ ਗਿਆ।
ਇਹ ਵੀ ਪੜ੍ਹੋ ਦੁਖਦਾਈ ਖ਼ਬਰ; ਭਿਆਨਕ ਸੜਕ ਹਾਦਸੇ ‘ਚ ਡੀਐਸਪੀ ਦੇ ਇਕਲੌਤੇ ਪੁੱਤਰ ਦੀ ਹੋਈ ਮੌ+ਤ
ਯਾਦਵਿੰਦਰ ਸਿੰਘ ਮੁਤਾਬਕ ਜਦ ਪੜਤਾਲ ਕੀਤੀ ਤਾਂ ਪਤਾ ਲੱਗਿਆ ਕਿ ਵਿਜੈ ਕੁਮਾਰ ਵਾਸੀ ਬੰਗੀ ਰੁਲਦੂ ਨੂੰ ਉਸਦਾ ਪੁੱਤਰ ਬਣਾ ਕੇ ਇਹ ਕਾਰਵਾਈ ਕੀਤੀ ਗਈ, ਜਿਸ ਵਿਚ ਉਸਦੇ ਪਿੰਡ ਦੇ ਹੀ ਵਰਿੰਦਰ ਸਿੰਘ ਨੇ ਵੀ ਭੁਮਿਕਾ ਨਿਭਾਈ। ੳਨ੍ਹਾਂ ਦਸਿਆ ਕਿ ਐਚਡੀਬੀ ਬੈਂਕ ਦੇ ਅਧਿਕਾਰੀ ਪੰਕਜ ਕੁਮਾਰ ਦੀ ਭੂਮਿਕਾ ਵੀ ਪਾਈ ਗਈ। ਪੁਲਿਸ ਵੱਲੋਂ ਕੀਤੀ ਪੜਤਾਲ ਤੋਂ ਬਾਅਦ ਹੁਣ ਉਕਤ ਤਿੰਨਾਂ ਮੁਲਜਮਾਂ ਦੇ ਵਿਰੁਧ ਥਾਣਾ ਕੋਤਵਾਲੀ ਬਠਿੰਡਾ ਵਿਖੇ 318(4)।336(2),336(3),340(2),61(2) ਬੀਐਨਐਸ ਤਹਿਤ ਪਰਚਾ ਦਰਜ਼ ਕਰ ਲਿਆ ਹੈ। ਪੁਲਿਸ ਅਧਿਕਾਰੀਆਂ ਨੇ ਦਸਿਆ ਕਿ ਜਲਦੀ ਹੀ ਮੁਲਜਮਾਂ ਨੂੰ ਗ੍ਰਿਫਤਾਰ ਕਰਕੇ ਪੁਛਪੜਤਾਲ ਕੀਤੀ ਜਾਵੇਗੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
