Mansa News: ਬੀਤੇ ਕੱਲ ਤੋਂ ਸੋਸਲ ਮੀਡੀਆ ‘ਤੇ ਚਰਚਾ ਦਾ ਵਿਸ਼ਾ ਬਣੇ ਨਸ਼ੇ ਲਈ ਮਾਸੂਮ ਬੱਚੇ ਨੂੰ ਵੇਚਣ ਦੇ ਮਾਮਲੇ ਵਿਚ ਬਰੇਟਾ ਪੁਲਿਸ ਨੇ ਵੱਡੀ ਕਾਰਵਾਈ ਕਰਦਿਆਂ ਬੱਚੇ ਦਾ ਮਾਪਿਆਂ ਤੋਂ ਇਲਾਵਾ ਉਸਨੂੰ ਖਰੀਦਣ ਵਾਲੇ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਲਿਆ। ਜਦਕਿ ਉਸਦੀ ਘਰ ਵਾਲੀ ਹਾਲੇ ਫ਼ਰਾਰ ਦੱਸੀ ਜਾ ਰਹੀ ਹੈ। ਥਾਣਾ ਬਰੇਟਾ ਦੇ ਮੁਖੀ ਸਬ ਇੰਸਪੈਕਟਰ ਬਲਦੇਵ ਸਿੰਘ ਨੇ ਇਸਦੀ ਪੁਸ਼ਟੀ ਕਰਦਿਆਂ ਪੰਜਾਬੀ ਖਬਰਸਾਰ ਵੈਬਸਾਈਟ ਦੇ ਪੱਤਰਕਾਰ ਨੂੰ ਦਸਿਆ ਕਿ, ‘‘ ਮੁਢਲੀ ਪੜਤਾਲ ਦੌਰਾਨ ਇਹ ਆਰਥਿਕ ਕਾਰਨ ਵਾਪਰਿਆਂ ਮਾਮਲਾ ਦਿਖਾਈ ਦੇ ਰਿਹਾ, ਫ਼ਿਲਹਾਲ ਇਸਦੀ ਜਾਂਚ ਕੀਤੀ ਜਾ ਰਹੀ ਹੈ।’’
ਇਹ ਵੀ ਪੜ੍ਹੋ Mohali ‘ਚ ਵਿਸ਼ਾਲ ਛੱਠ ਤਿਉਹਾਰ ਮਨਾਉਣ ਦੀਆਂ ਤਿਆਰੀਆਂ ਜੋਰਾਂ ‘ਤੇ, ਸ਼ਰਧਾਲੂਆਂ ਲਈ ਕੀਤੇ ਜਾਣਗੇ ਵਿਸ਼ੇਸ਼ ਪ੍ਰਬੰਧ
ਜਿਕਰ ਕਰਨਾ ਬਣਦਾ ਹੈ ਕਿ ਸੋਸ਼ਲ ਮੀਡੀਆ ਉਪਰ ਇੱਕ ਨੌਜਵਾਨ ਲੜਕੀ ਦੀ ਰੋਂਦੀ ਹੋਈ ਦੀ ਵੀਡੀਓ ਚਰਚਾ ਦਾ ਵਿਸ਼ਾ ਬਣੀ ਹੋਈ ਹੈ, ਜਿਸਦੇ ਵੱਲੋਂ ਆਪਣੈ ਪਤੀ ਸੰਦੀਪ ਸਿੰਘ ਉਪਰ ਨਸ਼ੇ ਦੀ ਪੂਰਤੀ ਲਈ ਆਪਣੇ 6 ਮਹੀਨਿਆਂ ਦੇ ਮਾਸੂਮ ਬੱਚੇ ਨੂੰ 1 ਲੱਖ 80 ਹਜ਼ਾਰ ਵਿਚ ਵੇਚਣ ਦੇ ਦੋਸ਼ ਲਗਾਏ ਜਾ ਰਹੇ ਹਨ। ਵੱਡੀ ਗੱਲ ਇਹ ਵੀ ਹੈ ਕਿ ਸੂਬਾ ਪੱਧਰੀ ਖਿਡਾਰਨ ਰਹਿ ਚੁੱਕੀ ਗੁਰਮਨ ਕੌਰ ਨਾਂ ਦੀ ਇਹ ਲੜਕੀ ਖੁਦ ਵੀ ਨਸ਼ੇ ਦੀ ਆਦੀ ਦੱਸੀ ਜਾ ਰਹੀ ਹੈ। ਹੁਣ ਦੋਨੋਂ ਪਤੀ-ਪਤਨੀ ਕਥਿਤ ਤੌਰ ‘ਤੇ ਚਿੱਟੇ ਦਾ ਨਸ਼ਾ ਕਰ ਰਹੇ ਹਨ। ਮੀਡੀਆ ਵਿਚ ਸਾਹਮਣੇ ਆਈ ਗੱਲ ਮੁਤਾਬਕ ਨਸ਼ੇ ਦੀ ਪੂਰਤੀ ਲਈ ਹੀ ਇਨ੍ਹਾਂ ਵੱਲੋਂ ਸੰਜੇ ਅਤੇ ਆਰਤੀ ਨਾਂ ਦੇ ਇੱਕ ਜੋੜੇ ਨੂੰ ਕਰੀਬ ਇੱਕ ਮਹੀਨਾ ਪਹਿਲਾਂ ਆਪਣਾ ਬੱਚਾ ਵੇਚਿਆ ਸੀ।
ਇਹ ਵੀ ਪੜ੍ਹੋ ਬਾਲ ਵਿਵਾਹ ਰੋਕੂ ਕਾਨੂੰਨੀ ਬਾਰੇ ਜਿਲ੍ਹਾ ਕਾਨੂੰਨੀ ਸੇਵਾਵਾਂ ਅਥਾਰਟੀ ਵੱਲੋ ਜਾਗਰੂਕਤਾ ਸੈਮੀਨਾਰ ਆਯੋਜਿਤ
ਪ੍ਰੰਤੂ ਹੁਣ ਗੁਰਮਨ ਕੌਰ ਦੀ ਮਮਤਾ ਨੇ ਉਸਨੂੰ ਮੁੜ ਬੱਚਾ ਵਾਪਸ ਲੈਣ ਲਈ ਮਜਬੂਰ ਕੀਤਾ ਸੀ, ਜਿਸਦੇ ਚੱਲਦੇ ਉਹ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਈ ਸੀ। ਥਾਣਾ ਮੁਖੀ ਮੁਤਾਬਕ, ਮਾਮਲਾ ਸਾਹਮਣੇ ਆਉਣ ਤੋਂ ਬਾਅਦ ਗੁਰਮਨ ਕੌਰ, ਸੰਦੀਪ ਸਿੰਘ, ਸੰਜੂ ਅਤੇ ਆਰਤੀ ਵਿਰੁਧ ਮੁਕੱਦਮਾ ਨੰਬਰ 125 ਅਧੀਨ ਧਾਰਾ 143 ਬੀਐਨਐਸ ਤਹਿਤ ਕੇਸ ਦਰਜ਼ ਕਰਕੇ ਗੁਰਮਨ, ਸੰਦੀਪ ਤੇ ਸੰਜੂ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਉਨ੍ਹਾਂ ਦਸਿਆ ਕਿ ਮਾਮਲੇ ਦੀ ਡੂੰਘਾਈ ਨਾਲ ਪੜਤਾਲ ਜਾਰੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
