ਸਟੇਟ ਨੈੱਟਬਾਲ ਖੇਡਾਂ ਵਿਚ ਭਾਗ ਲੈਣ ਵਾਲੇ ਖਿਡਾਰੀਆਂ ਦੀ ਕੀਤੀ ਚੋਣ

ਸੁਖਜਿੰਦਰ ਮਾਨ
ਬਠਿੰਡਾ, 23 ਮਈ : ਸਥਾਨਕ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ ਦੇ ਗਰਾਊਂਡ ਵਿਖੇ ਅੰਡਰ 19 ਮੁੰਡੇ ਅਤੇ ਕੁੜੀਆਂ ਵਰਗ ਦੇ ਨੈੱਟ ਬਾਲ ਖਿਡਾਰੀਆਂ ਦੀ ਚੋਣ ਕੀਤੀ ਗਈ। ਇਹ ਚੁਣੇ ਗਏ ਖਿਡਾਰੀ 26/05/2023 ਤੋਂ 28/05/2023 ਤੱਕ ਫਤਿਹਗੜ੍ਹ ਸਾਹਿਬ ਵਿਖੇ ਹੋਣ ਵਾਲੀ ਸਟੇਟ ਨੈੱਟ ਬਾਲ ਵਿੱਚ ਭਾਗ ਲੈਣਗੇ। ਚੋਣ ਸਮੇਂ ਨੈੱਟ ਬਾਲ ਸਲੈਕਸ਼ਨ ਕਮੇਟੀ ਦੇ ਮੈਂਬਰ ਨੇ ਚੁਣੇ ਹੋਏ ਖਿਡਾਰੀਆਂ ਨੂੰ ਆਸ਼ੀਰਵਾਦ ਦਿੱਤਾ ਅਤੇ ਜਿੱਤ ਕੇ ਆਉਣ ਦੀ ਕਾਮਨਾ ਕੀਤੀ। ਇਸ ਮੌਕੇ ਨਿਰਭੈ ਸਿੰਘ, ਡੀ.ਪੀ. ਕੁਲਵਿੰਦਰ ਸਿੰਘ ਰਿੰਕੂ ਨੈੱਟ ਬਾਲ ਇੰਚਾਰਜ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ, ਪ੍ਰਿੰਸੀਪਲ ਜਗਤਾਰ ਸਿੰਘ ਖਾਲਸਾ ਸੀਨੀਅਰ ਸੈਕੰਡਰੀ ਸਕੂਲ, ਗੁਰਜੰਟ ਸਿੰਘ ਸੈਕਟਰੀ ਬਾਸਕਟ ਬਾਲ, ਰਜਿੰਦਰ ਸਿੰਘ ਬਾਸਕਟ ਬਾਲ, ਕੁਲਵੀਰ ਸਿੰਘ ਮਾਲਵਾ ਕਾਲਜ ਹਾਜ਼ਰ ਸਨ।