ਚੰਡੀਗੜ੍ਹ, 3 ਜਨਵਰੀ : ਹਰਿਆਣਾ ਦੇ ਵਿਚ ਹੁਣ ਪੇਂਡੂ ਖੇਤਰਾਂ ‘ਚ ਚੌਕੀਦਾਰ ਵਜੋਂ ਕੰਮ ਕਰਨ ਵਾਲਿਆਂ ਨੂੰ ਸੇਵਾਮੁਕਤੀ ਮੌਕੇ ਦੋ ਲੱਖ ਰੁਪਏ ਦੇ ਵਿਤੀ ਲਾਭ ਮਿਲਣਗੇ। ਇਸ ਸਬੰਧ ਵਿਚ ਫੈਸਲਾ ਅੱਜ ਮੁੱਖ ਮੰਤਰੀ ਮਨੋਹਰ ਲਾਲ ਦੀ ਅਗਵਾਈ ਹੇਠ ਹੋਈ ਹਰਿਆਣਾ ਕੈਬਨਿਟ ਦੀ ਮੀਟਿੰਗ ਵਿਚ ਲਿਆ ਗਿਆ। ਇਸਦੇ ਲਈ ਹਰਿਆਣਾ ਚੌਕੀਦਾਰ ਨਿਯਮ, 2013 ਵਿਚ ਸੋਧ ਨੂੰ ਮੰਜੂਰੀ ਪ੍ਰਦਾਨ ਕੀਤੀ ਗਈ। ਇਸ ਫੈਸਲਾ ਨਾਲ ਸਾਰੇ ਗ੍ਰਾਮੀਣ ਚੌਕੀਦਾਰਾਂ ਨੁੰ ਲਾਭ ਹੋਵੇਗਾ ਅਤੇ ਸੂਬਾ ਸਰਕਾਰ ਵਿੱਤੀ ਭਾਰ ਭੁਗਤਾਨ ਕਰੇਗੀ। ਇੰਨ੍ਹਾਂ ਨਿਯਮਾਂ ਨੂੰ ਹਰਿਆਣਾ ਚੌਕੀਦਾਰ ਸੋਧ ਨਿਯਮ 2024 ਕਿਹਾ ਜਾਵੇਗਾ।
ਨੌਜਵਾਨਾਂ ਦੀ ਖੇਡ ਪ੍ਰਤਿਭਾਵਾਂ ਨੂੰ ਤਰਾਸ਼ਨ ਲਈ ਹੋਰ ਮਜਬੂਤ ਹੋਵੇਗਾ ਖੇਡ ਬੁਨਿਆਦੀ ਢਾਂਚਾ:ਮੁੱਖ ਮੰਤਰੀ
ਗੌਰਤਲਬ ਹੈ ਕਿ ਹਾਲ ਹੀ ਵਿਚ ਮੁੱਖ ਮੰਤਰੀ ਮਨੋਹਰ ਲਾਲ ਦੀ ਅਗਵਾਈ ਹੇਠ ਗ੍ਰਾਮੀਣ ਚੌਕੀਦਾਰਾਂ ਦੀ ਮੰਗਾਂ ਅਤੇ ਮੁਦਿਆਂ ਨੂੰ ਲੈ ਕੇ ਇਕ ਮੀਟਿੰਗ ਹੋਈ ਸੀ, ਜਿਸ ਵਿਚ ਭਾਰਤੀ ਮਜਦੂਰ ਯੁਨੀਅਨ ਅਤੇ ਗ੍ਰਾਮੀਣ ਚੌਕੀਦਾਰਾਂ ਦੀ ਰਾਜ ਇਕਾਈ ਸਮੇਤ ਗ੍ਰਾਮੀਣ ਚੌਕੀਦਾਰਾਂ ਦੇ ਇਕ ਵਫਦ ਨੇ ਆਪਣੀ ਮੰਗਾਂ ਰੱਖੀਆਂ ਸਨ। ਸੂਬਾ ਸਰਕਾਰ ਨੇ ਪੇਂਡੂ ਚੌਕੀਦਾਰਾਂ ਦਾ ਮਹੀਨਾਵਾਰ ਮਾਣਭੱਤਾ 7000 ਰੁਪਏ ਤੋਂ ਵਧਾ ਕੇ 11000 ਰੁਪਏ ਪ੍ਰਤੀ ਮਹੀਨਾ ਕਰਨ, ਵਰਦੀ ਭੱਤਾ 2500 ਰੁਪਏ ਪ੍ਰਤੀ ਸਾਲ ਤੋਂ ਵਧਾ ਕੇ 4000 ਰੁਪਏ ਪ੍ਰਤੀ ਸਾਲ ਕਰਨ ਅਤੇ ਸਾਈਕਲ ਭੱਤਾ ਹਰ 5 ਸਾਲ ਵਿਚ 3500 ਰੁਪਏ ਕਰਨ ਦਾ ਫੈਸਲਾ ਕੀਤਾ ਹੈ। ਇੰਨ੍ਹਾਂ ਸਾਰੀ ਵਿੱਤੀ ਲਾਭਾਂ ’ਤੇ ਹਰ ਸਾਲ ਲਗਭਗ 30 ਕਰੋੜ ਰੁਪਏ ਦੀ ਰਕਮ ਖਰਚ ਹੋਵੇਗੀ।
