ਬਠਿੰਡਾ, 15 ਜੁਲਾਈ: ਜਿਲ੍ਹੇ ਦੇ ਪਿੰਡ ਤੂੰਗਵਾਲੀ ਵਿਖੇ ਬੀਤੀ ਸ਼ਾਮ ਇੱਕ ਮੋਟਰਸਾਈਕਲ ’ਤੇ ਸਵਾਰ ਤਿੰਨ ਬਦਮਾਸ਼ਾਂ ਦੇ ਵੱਲੋਂ ਪਿਸਤੌਲ ਦਿਖ਼ਾ ਕੇ ਇੱਕ ਪੈਟਰੋਲ ਪੰਪ ਦੇ ਕਰਿੰਦੇ ਨੂੰ ਲੁੱਟਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਸਬੰਧ ਵਿਚ ਪੁਲਿਸ ਵੱਲੋਂ ਕੇਸ ਦਰਜ਼ ਕਰਕੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਮਿਲੀ ਸੂਚਨਾ ਸ਼ਾਮ ਕਰੀਬ 4 ਵਜੇ ਭੁੱਚੋ ਮੰਡੀ ਤੋਂ ਪਿੰਡ ਤੁੰਗਵਾਲੀ ਰੋਡ ’ਤੇ ਸਥਿਤ ਪੰਪ ਉਪਰ ਤਿੰਨ ਜਣੇ ਇੱਕ ਕਾਲੇ ਰੰਗ ਦੇ ਸਪਲੈਂਡਰ ਮੋਟਰਸਾਈਕਲ ’ਤੇ ਸਵਾਰ ਹੋ ਕੇ ਆਏ ਸਨ, ਜਿੰਨ੍ਹਾਂ ਦੇ ਮੂੰਹ ਬੰਨੇ ਹੋਏ ਸਨ। ਇਸ ਦੌਰਾਨ ਉਨ੍ਹਾਂ ਪੰਪ ਤੋਂ ਤੇਲ ਪਵਾਇਆ ਤੇ ਕਰਿੰਦੇ ਨੂੰ ਪੈਸੇ ਦਿੱਤੇ
ਸ੍ਰੋਮਣੀ ਅਕਾਲੀ ਦਲ ਦੇ ਬਾਗੀ ਧੜੇ ਦੀ ਅਹਿਮ ਮੀਟਿੰਗ ਅੱਜ ਚੰਡੀਗੜ੍ਹ ’ਚ, ਹੋਵੇਗਾ ਵੱਡਾ ਫੈਸਲਾ
ਪ੍ਰੰਤੂ ਜਦ ਕਰਿੰਦਾ ਉਨ੍ਹਾਂ ਨੂੰ ਖੁੱਲੇ ਪੈਸੇ ਵਾਪਸ ਕਰਨ ਲੱਗਿਆ ਤਾਂ ਮੋਟਰਸਾਈਕਲ ’ਤੇ ਪਿੱਛੇ ਬੈਠੇ ਇੱਕ ਨੌਜਵਾਨ ਨੇ ਪਿਸਤੌਲ ਕੱਢ ਕੇ ਹਵਾਈ ਫ਼ਾਈਰ ਕਰ ਦਿੱਤਾ ਤੇ ਇੱਕ ਨੌਜਵਾਨ ਜੋਕਿ ਪਹਿਲਾਂ ਹੀ ਮੋਟਰਸਾਈਕਲ ਤੋਂ ਉੱਤਰ ਕੇ ਖੜਾ ਸੀ, ਨੇ ਕਰਿੰਦੇ ਦੇ ਹੱਥੋਂ ਪੈਸੇ ਖੋਹ ਲਏ ਤੇ ਮੁੜ ਤਿੰਨੋਂ ਜਣੇ ਮੋਟਰਸਾਈਕਲ ’ਤੇ ਫ਼ਰਾਰ ਹੋ ਗਏ। ਪੰਪ ਦੇ ਮੈਨੇਜ਼ਰ ਕੁਲਦੀਪ ਕੁਮਾਰ ਨੇ ਇਸ ਘਟਨਾ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਇਸ ਤੋਂ ਪਹਿਲਾਂ ਵੀ ਤਿੰਨ ਵਾਰ ਉਨ੍ਹਾਂ ਨਾਲ ਲੁੱਟ ਖੋਹ ਦੀ ਘਟਨਾ ਵਾਪਰ ਚੁੱਕੀ ਹੈ। ਭੁੱਚੌਂ ਚੌਂਕੀ ਇੰਚਾਰਜ ਅਜੇਪਾਲ ਸਿੰਘ ਨੇ ਦੱਸਿਆ ਦੋਸ਼ੀਆਂ ਨੂੰ ਜਲਦੀ ਹੀ ਕਾਬੂ ਕਰ ਲਿਆ ਜਾਵੇਗਾ।
