ਬਠਿੰਡਾ, 22 ਜੁਲਾਈ : ਪੰਜਾਬ ਰਾਜ ਦੇ ਸਿਹਤ ਸੰਭਾਲ ਲੈਂਡਸਕੇਪ ਵਿੱਚ ਕ੍ਰਾਂਤੀ ਲਿਆਉਣ ਦੇ ਉਦੇਸ਼ ਨਾਲ ਇੱਕ ਮਹੱਤਵਪੂਰਨ ਸਹਿਯੋਗ ਵਿੱਚ ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਿਜ਼ (ਏਮਜ਼) ਬਠਿੰਡਾ ਅਤੇ ਬਾਬਾ ਫ਼ਰੀਦ ਯੂਨੀਵਰਸਿਟੀ ਆਫ਼ ਹੈਲਥ ਸਾਇੰਸਿਜ਼ ਫ਼ਰੀਦਕੋਟ ਨੇ ਇੱਕ ਐੱਮ.ਓ.ਯੂ. ਤੇ ਹਸਤਾਖਰ ਕੀਤੇ ਹਨ। ਇਸ ਸਮਝੌਤਾ ਪੱਤਰ ਵਿਚ ਪ੍ਰੋ: ਡੀ.ਕੇ. ਸਿੰਘ ਕਾਰਜਕਾਰੀ ਨਿਰਦੇਸ਼ਕ ਏਮਜ਼ ਬਠਿੰਡਾ ਅਤੇ ਪ੍ਰੋ. ਰਾਜੀਵ ਸੂਦ ਬਾਬਾ ਫ਼ਰੀਦ ਹੈਲਥ ਯੂਨੀਵਰਸਿਟੀ ਦੇ ਵਾਈਸ-ਚਾਂਸਲਰ ਨੇ ਖੋਜ ਅਤੇ ਵਿਕਾਸ ’ਤੇ ਜ਼ੋਰ ਦੇ ਕੇ ਇੱਕ ਸੰਪੂਰਨ ਅਤੇ ਸਹਿਯੋਗੀ ਹੈਲਥਕੇਅਰ ਈਕੋਸਿਸਟਮ ਬਣਾਉਣ ਤੇ ਜ਼ੋਰ ਦਿੱਤਾ।ਏਮਜ਼ ਬਠਿੰਡਾ ਦੇ ਯੂਰੋਲੋਜੀ ਅਤੇ ਕਿਡਨੀ ਟਰਾਂਸਪਲਾਂਟੇਸ਼ਨ ਵਿਭਾਗ ਦੇ ਮੁਖੀ ਡਾ: ਕੰਵਲਜੀਤ ਸਿੰਘ ਕੌੜਾ ਨੇ ਮਹਿਮਾਨਾਂ ਦਾ ਧੰਨਵਾਦ ਕਰਦਿਆਂ ਇਸ ਇਤਿਹਾਸਕ ਕਦਮ ਲਈ ਦੋਵਾਂ ਸੰਸਥਾਵਾਂ ਦੇ ਮੁਖੀਆਂ ਦੀ ਦੂਰਅੰਦੇਸ਼ੀ ਅਗਵਾਈ ਦੀ ਸ਼ਲਾਘਾ ਕੀਤੀ।
ਓਹਨਾ ਦੱਸਿਆ ਕਿ ਐਮਓਯੂ ਵਿੱਚ ਇਹ ਕਿਹਾ ਗਿਆ ਹੈ ਕਿ ਪ੍ਰੋਜੈਕਟ ਅਤੇ ਕੋਰਸ, ਜੋ ਕਿ ਇਸ ਸਮੇਂ ਕਿਸੇ ਵੀ ਸੰਸਥਾ ਵਿੱਚ ਚੱਲ ਰਹੇ ਹਨ, ਉਚਿਤ ਅਥਾਰਟੀਆਂ ਦੁਆਰਾ ਪ੍ਰਮਾਣਿਤ ਅਤੇ ਪ੍ਰਵਾਨਿਤ ਹਨ, ਜੇਕਰ ਚਾਹੋ ਤਾਂ ਦੂਜੀ ਸੰਸਥਾ ਵਿੱਚ ਸ਼ੁਰੂ ਕੀਤੇ ਜਾ ਸਕਦੇ ਹਨ। ਓਹਨਾ ਨੇ ਕਿਹਾ “ਇਹ ਵਿਵਸਥਾ ਯਕੀਨੀ ਬਣਾਉਂਦਾ ਹੈ ਕਿ ਸਫਲ ਪਹਿਲਕਦਮੀਆਂ ਨੂੰ ਦੁਹਰਾਇਆ ਜਾ ਸਕਦਾ ਹੈ ਅਤੇ ਉਹਨਾਂ ਦੇ ਪ੍ਰਭਾਵ ਨੂੰ ਵੱਧ ਤੋਂ ਵੱਧ ਸਕੇਲ ਕੀਤਾ ਜਾ ਸਕਦਾ ਹੈ।ਪ੍ਰੋ: ਡੀ.ਕੇ. ਸਿੰਘ ਏਮਜ਼ ਬਠਿੰਡਾ ਦੇ ਕਾਰਜਕਾਰੀ ਨਿਰਦੇਸ਼ਕ ਨੇ ਜ਼ੋਰ ਦੇ ਕੇ ਕਿਹਾ ਕਿ ਇਸ ਸਾਂਝੇਦਾਰੀ ਦਾ ਮੁੱਖ ਉਦੇਸ਼ ਸਿਹਤ ਸੰਭਾਲ ਅਤੇ ਖੋਜ ਵਿੱਚ ਸਹਿਯੋਗ ਲਈ ਇੱਕ ਮਜ਼ਬੂਤ ਢਾਂਚਾ ਤਿਆਰ ਕਰਨਾ ਹੈ। ਪ੍ਰੋ. ਰਾਜੀਵ ਸੂਦ ਨੇ ਨਰਸਿੰਗ ਅਤੇ ਸਹਿਯੋਗੀ ਹੈਲਥਕੇਅਰ ਐਕਸਚੇਂਜ ਸਿਖਲਾਈ ਪ੍ਰੋਗਰਾਮਾਂ ਲਈ ਐੱਮ.ਓ.ਯੂ. ਦੀ ਰਣਨੀਤਕ ਪਹਿਲਕਦਮੀ ਨੂੰ ਉਜਾਗਰ ਕੀਤਾ।
ਖਾਣ-ਪੀਣ ਵਾਲੀਆਂ ਦੁਕਾਨਾਂ ’ਤੇ ਨਾਂ ਲਿਖਣ ਦੇ ਹੁਕਮਾਂ ਉਪਰ ਸੁਪਰੀਮ ਕੋਰਟ ਨੇ ਲਗਾਈ ਰੋਕ
ਪ੍ਰੋ: ਅਖਿਲੇਸ਼ ਪਾਠਕ ਡੀਨ ਏਮਜ਼ ਬਠਿੰਡਾ ਨੇ ਉਜਾਗਰ ਕੀਤਾ ਕਿ ਇਹ ਸਹਿਯੋਗ ਸਾਰੇ ਰਾਜ ਦੇ ਮੈਡੀਕਲ ਕਾਲਜਾਂ ਅਤੇ ਸਹਾਇਕ ਸਿਹਤ ਵਿਸ਼ੇਸ਼ਤਾਵਾਂ ਲਈ ਇੱਕ ਛਤਰੀ ਵਜੋਂ ਕੰਮ ਕਰਨ ਦੀ ਇੱਛਾ ਰੱਖਦਾ ਹੈ, ਜਿਸ ਵਿੱਚ ਡੀਐਮ/ਐਮਸੀਐਚ ਸਮੇਤ ਸੁਪਰ-ਸਪੈਸ਼ਲਿਟੀ ਸਿੱਖਿਆ ਲਈ ਇੱਕ ਪਲੇਟਫਾਰਮ ਪ੍ਰਦਾਨ ਕੀਤਾ ਜਾਂਦਾ ਹੈ। ਏਮਜ਼ ਬਠਿੰਡਾ ਦੇ ਮੈਡੀਕਲ ਸੁਪਰਡੈਂਟ ਪ੍ਰੋ. ਰਾਜੀਵ ਗੁਪਤਾ ਨੇ ਸਹਿਯੋਗੀ ਭਾਵਨਾ ਅਤੇ ਇਸ ਵਿੱਚ ਸ਼ਾਮਲ ਸਾਰਿਆਂ ਦੇ ਯਤਨਾਂ ਦੀ ਸ਼ਲਾਘਾ ਕਰਦੇ ਹੋਏ ਧੰਨਵਾਦ ਕੀਤਾ।ਕਈ ਪ੍ਰਮੁੱਖ ਹਸਤੀਆਂ ਦੇ ਸਮਰਪਿਤ ਯਤਨਾਂ ਤੋਂ ਬਿਨਾਂ ਇਸ ਸਹਿਮਤੀ ਪੱਤਰ ਦੀ ਸਫਲ ਪ੍ਰਾਪਤੀ ਸੰਭਵ ਨਹੀਂ ਸੀ। ਡਾ: ਆਰ.ਕੇ. ਗੋਰੀਆ, ਰਜਿਸਟਰਾਰ, ਬੀਐਫਯੂਐਚਐਸ, ਫਰੀਦਕੋਟ, ਡਾ. ਦੀਪਕ ਅਰੋੜਾ, ਡਾ. ਰਵਿੰਦਰ ਗਰਗ, ਡਾ. ਰੋਹਿਤ ਚੋਪੜਾ, ਡਾ. ਪਰਵਿੰਦਰ ਸੰਧੂ, ਅਤੇ ਸ਼੍ਰੀ ਫਤਿਹ ਮਾਨ ਨੇ ਇਸ ਯਤਨ ਵਿੱਚ ਅਹਿਮ ਭੂਮਿਕਾ ਨਿਭਾਈ।
Share the post "ਏਮਜ਼ ਬਠਿੰਡਾ ਅਤੇ ਬਾਬਾ ਫਰੀਦ ਯੂਨੀਵਰਸਿਟੀ ਨੇ ਪੰਜਾਬ ਵਿੱਚ ਸਿਹਤ ਸੰਭਾਲ ਈਕੋਸਿਸਟਮ ਨੂੰ ਵਧਾਉਣ ਲਈ ਹੱਥ ਮਿਲਾਇਆ"
