Bathinda News:ਅੱਜ ਆਰ.ਬੀ. ਡੀ.ਏ.ਵੀ. ਸੀਨੀਅਰ ਸੈਕੰਡਰੀ ਪਬਲਿਕ ਸਕੂਲ ਬਠਿੰਡਾ ਵਿਖੇ ਭਾਰਤ ਵਿਕਾਸ ਪਰਿਸ਼ਦ ਵੱਲੋਂ ਹਰ ਸਾਲ ਦੀ ਤਰ੍ਹਾਂ “ਗੁਰੂ ਬੰਧਨ ਛਾਤਰ ਅਭਿਨੰਦਨ” ਲੜੀ ਤਹਿਤ ਪ੍ਰਤਿਭਾਸ਼ਾਲੀ ਅਤੇ ਹੋਣਹਾਰ ਬੱਚਿਆਂ ਅਤੇ ਅਧਿਆਪਕਾਂ ਦਾ ਸਨਮਾਨ ਕੀਤਾ ਗਿਆ। ਹਰ ਸਾਲ ਭਾਰਤ ਵਿਕਾਸ ਪਰਿਸ਼ਦ ਵੱਲੋਂ ਪੂਰੇ ਭਾਰਤ ਵਿੱਚ 7 ਹਜਾਰ ਸਕੂਲਾਂ ਦੇ ਲਗਭਗ 15 ਲੱਖ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਨੂੰ ਸਨਮਾਨਿਤ ਕੀਤਾ ਜਾਂਦਾ ਹੈ। ਭਾਰਤ ਵਿਕਾਸ ਪਰਿਸ਼ਦ ਪੰਜਾਬ ਸ਼ਾਖਾ ਵੱਲੋਂ ਅੱਜ ਡੀ.ਏ.ਵੀ. ਸਕੂਲ ਦੇ ਨਾਲ-ਨਾਲ ਐਮ.ਐਸ.ਡੀ.ਸਕੂਲ, ਲਾਰਡ ਰਾਮਾ ਸਕੂਲ ਅਤੇ ਐਲੀਮੈਂਟਰੀ ਸਰਕਾਰੀ ਸਕੂਲ ਭਾਈ ਘਨੱਈਆ ਜੀ ਦੇ ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਨੂੰ ਵੀ ਸਨਮਾਨਿਤ ਕੀਤਾ ਗਿਆ।
ਇਹ ਵੀ ਪੜ੍ਹੋ ਸਰਕਾਰੀ ਹਾਈ ਸਕੂਲ ਕਰਮਗੜ੍ਹ ਦੀ ਮੁੱਖ ਅਧਿਆਪਕਾ ਡਿੰਪਲ ਵਰਮਾ ਨੂੰ ਸਟੇਟ ਐਵਾਰਡ ਨਾਲ ਨਿਵਾਜਿਆ
ਅੱਜ ਇਸ ਸਨਮਾਨ ਸਮਾਰੋਹ ਵਿੱਚ ਭਾਰਤ ਵਿਕਾਸ ਪਰਿਸ਼ਦ ਦੇ ਸ੍ਰੀ ਅਸ਼ੋਕ ਕਾਮਰਾ,ਸ੍ਰੀ ਜਗਮੋਹਨ ਬਾਂਸਲ, ਸ੍ਰੀਮਤੀ ਦੀਪਿਕਾ ਬਾਂਸਲ ,ਇੰਦਰਜੀਤ ਭਾਰਤਵਾਜ ਅਤੇ ਆਰ.ਕੇ.ਵਾਧਵਾ ਖਾਸ ਤੌਰ ਤੇ ਹਾਜ਼ਰ ਹੋਏ।ਸਕੂਲ ਮੁਖੀ ਸ੍ਰੀ ਓ.ਪੀ.ਤਿਵਾੜੀ ਜੀ ਨੇ ਆਏ ਹੋਏ ਪਤਵੰਤਿਆਂ ਨੂੰ ਜੀ ਆਇਆ ਆਖਦਿਆਂ ਉਹਨਾਂ ਨੂੰ ਫੁੱਲਾਂ ਦੇ ਗੁਲਦਸਤੇ ਦੇ ਕੇ ਉਹਨਾਂ ਦਾ ਨਿੱਘਾ ਸਵਾਗਤ ਕੀਤਾ। ਬੱਚਿਆਂ ਵੱਲੋਂ ਬਹੁਤ ਹੀ ਖੂਬਸੂਰਤ ਬੋਲਾਂ ਵਿੱਚ ਪਰੋਇਆ ਹੋਇਆ ਸਵਾਗਤੀ ਗੀਤ ਗਾਇਆ ਗਿਆ। ਜਿਸ ਨੂੰ ਸੰਗੀਤ ਅਧਿਆਪਿਕਾ ਸ਼੍ਰੀਮਤੀ ਮੋਨੀਕਾ ਸਿੰਗਲਾ ਵੱਲੋਂ ਤਿਆਰ ਕਰਵਾਇਆ ਗਿਆ।
ਇਹ ਵੀ ਪੜ੍ਹੋ ਦੇਸ ਦੇ ਨਾਮੀਂ Hospital ਦੇ trauma center ਵਿਚ ਲੱਗੀ ਅੱ+ਗ, 7 ਮਰੀਜ਼ਾਂ ਦੀ ਹੋਈ ਮੌ+ਤ
ਸਕੂਲ ਮੁਖੀ ਸ੍ਰੀ ਓ.ਪੀ. ਤਿਵਾੜੀ ਜੀ ਦੀ ਸੁਜੋਗ ਰਾਹਨੁਮਾਈ ਹੇਠ ਡੀ.ਏ. ਵੀ.ਸਕੂਲ ਵਿੱਚੋਂ ਜਿੰਨਾ ਦੋ ਅਧਿਆਪਕਾਂ ਅਤੇ ਦੋ ਪ੍ਰਤਿਭਾਸ਼ਾਲੀ ਬੱਚਿਆਂ ਨੂੰ ਇਸ ਮਾਣਮੱਤੇ ਸਨਮਾਨ ਦਾ ਸੁਭਾਗ ਪ੍ਰਾਪਤ ਹੋਇਆ ਉਹਨਾਂ ਦੇ ਨਾਂ ਸ੍ਰੀਮਤੀ ਮਾਲਤੀ ਸ਼ਰਮਾ (ਹਿੰਦੀ ਅਧਿਆਪਿਕਾ)ਅਤੇ ਹਿੰਦੀ ਦੇ ਹੀ ਦੂਸਰੇ ਅਧਿਆਪਕਾ ਸ੍ਰੀਮਤੀ ਸੁਸ਼ਮਾ ਸ਼ਰਮਾ ਅਤੇ ਬੱਚਿਆਂ ਵਿੱਚੋਂ ਸਕੂਲ ਦੀ ਦਸਵੀਂ ਜਮਾਤ ਵਿੱਚੋਂ ਪਹਿਲਾ ਦਰਜਾ ਹਾਸਿਲ ਕਰਨ ਵਾਲੀ ਬੱਚੀ ਇਸ਼ਾਨਿਕਾ ਅਤੇ ਪੂਰੇ ਸਕੂਲ ਵਿੱਚੋਂ ਦੂਜਾ ਦਰਜਾ ਹਾਸਿਲ ਕਰਨ ਵਾਲੀ ਬੱਚੀ ਦੀਕਸ਼ਾ ਨੂੰ ਸਨਮਾਨਿਤ ਕੀਤਾ ਗਿਆ।ਇਸ ਮੌਕੇ ਸ਼੍ਰੀਮਤੀ ਕੁਲਦੀਪ ਕੌਰ ਨੇ ਸਟੇਜ ਦਾ ਸੰਚਾਲਨ ਬਹੁਤ ਹੀ ਬਾ-ਖੂਬੀ ਢੰਗ ਨਾਲ ਕੀਤਾ।ਸਕੂਲ ਮੁਖੀ ਸ੍ਰੀ ਓਪੀ ਤਿਵਾੜੀ ਜੀ ਨੇ ਅੰਤ ਵਿੱਚ ਸਨਮਾਨਿਤ ਅਧਿਆਪਕਾਂ ਅਤੇ ਬੱਚਿਆਂ ਨੂੰ ਮੁਬਾਰਕਬਾਦ ਦਿੱਤੀ ਅਤੇ ਅੱਗੇ ਤੋਂ ਇਸੇ ਤਰ੍ਹਾਂ ਜ਼ਿੰਦਗੀ ਵਿੱਚ ਹਰ ਮੈਦਾਨ ਫਤਿਹ ਕਰਨ ਦਾ ਅਸ਼ੀਰਵਾਦ ਦਿੱਤਾ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
