Bathinda News: ਸਾਹਿਤ ਅਕਾਦਮੀ ਦਿੱਲੀ ਵੱਲੋਂ ਦੂਰ ਦਰਾਡੇ ਦੇ ਸ਼ਹਿਰਾਂ, ਪਿੰਡਾਂ ਵਿੱਚ ਕੀਤੇ ਜਾਂਦੇ ਸਾਹਿਤਕ ਸਮਾਗਮਾਂ ਦੀ ਲੜੀ ਵਿੱਚ ਟੀਚਰਜ਼ ਹੋਮ ਬਠਿੰਡਾ ਵਿਖੇ “ਸਾਹਿਤਕ ਮੰਚ” ਪ੍ਰੋਗਰਾਮ ਦਾ ਆਯੋਜਨ ਕੀਤਾ ਗਿਆ।ਇਹ ਪ੍ਰੋਗਰਾਮ ਪ੍ਰਸਿੱਧ ਰੰਗਕਰਮੀ, ਨਾਟਕਕਾਰ, ਨਿਰਦੇਸ਼ਕ ਮਰਹੂਮ ਟੋਨੀ ਬਾਤਿਸ਼ ਦੀ ਯਾਦ ਨੂੰ ਸਮਰਪਿਤ ਸੀ। ਸਮਾਗਮ ਦਾ ਵਿਸ਼ਾ “ਟੋਨੀ ਬਾਤਿਸ਼ ਜੀਵਨ ਅਤੇ ਰਚਨਾ” ਉਪਰ ਅਧਾਰਿਤ ਸੀ।ਇਸ ਸਮਾਗਮ ਦੀ ਪ੍ਰਧਾਨਗੀ ਨਾਟਕ ਦੇ ਇਤਿਹਾਸਕਾਰ ਡਾ.ਸਤੀਸ਼ ਕੁਮਾਰ ਵਰਮਾ ਨੇ ਕੀਤੀ। ਪ੍ਰੋਗਰਾਮ ਦੇ ਮੁੱਖ ਮਹਿਮਾਨ ਸ੍ਰੀ ਇਕਬਾਲ ਸਿੰਘ ਬਬਲੀ ਢਿੱਲੋਂ ਇੰਚਾਰਜ ਬਠਿੰਡਾ ਸ਼ਹਿਰੀ ਸਨ। ਪ੍ਰਧਾਨਗੀ ਮੰਡਲ ਵਿੱਚ ਡਾ. ਕੁਲਦੀਪ ਸਿੰਘ ਦੀਪ ਅਤੇ ਟੋਨੀ ਬਾਤਿਸ਼ ਦੇ ਵੱਡੇ ਭਰਾ ਰਾਜ ਕੁਮਾਰ ਬਾਤਿਸ਼ ਬਿਰਾਜਮਾਨ ਸਨ।ਇਸ ਪ੍ਰੋਗਰਾਮ ਦੇ ਕੋਆਰਡੀਨੇਟਰ ਜਸਪਾਲ ਮਾਨਖੇੜਾ ਨੇ ਮੰਚ ਸੰਚਾਲਨ ਕੀਤਾ।
ਇਹ ਵੀ ਪੜ੍ਹੋ ਔਰਤ ਪਿੱਛੇ ਦੂਜਾ ਕ+ਤ+ਲ; Police ਵੱਲੋ 2 ਮੁਲਜ਼ਮ ਕਾਬੂ, 3 ਫ਼ਰਾਰ
ਸਭ ਤੋਂ ਪਹਿਲਾਂ ਪ੍ਰਸਿੱਧ ਗਾਇਕ ਰਾਜਬੀਰ ਜਵੰਦਾ ਅਤੇ ਰੰਗਮੰਚ ਦੇ ਕਲਾਕਾਰ ਹਰਦੀਪ ਸਿੰਘ ਮਹਿਣਾ ਨੂੰ ਦੋ ਮਿੰਟ ਮੋਨ ਧਾਰ ਕੇ ਸ਼ਰਧਾਂਜਲੀ ਭੇਂਟ ਕੀਤੀ ਗਈ। ਟੋਨੀ ਬਾਤਿਸ਼ ਦੇ ਛੇ ਨਾਟਕਾਂ ਨੂੰ ਅਧਾਰ ਬਣਾ ਕੇ ਡਾ. ਕੁਲਦੀਪ ਸਿੰਘ ਦੀਪ ਨੇ ਭਾਵਪੂਰਤ ਢੰਗ ਨਾਲ ਵਿਸਥਾਰ ਪੂਰਵਕ ਗੱਲ ਕੀਤੀ। ਉਨ੍ਹਾਂ ਕਿਹਾ ਕਿ ਟੋਨੀ ਬਾਤਿਸ਼ ਪੰਜਾਬੀ ਨਾਟਕ ਦੀ ਔਰਗੈਨਿਕ ਟੋਨ ਸੀ। ਟੋਨੀ ਨੇ ਮੂਕ ਨਾਟਕ ਦਾ ਵੀ ਮੰਚਨ ਕੀਤਾ। ਡਾ. ਦੀਪ ਨੇ ਕਿਹਾ ਕਿ ਮੂਕ ਨਾਟਕ ਦੁਨੀਆਂ ਦੇ ਸਭ ਤੋਂ ਵੱਧ ਤਾਕਤਵਰ ਬੋਲ ਹੁੰਦੇ ਹਨ।ਬਾਲ ਰੰਗਮੰਚ ਬਾਰੇ ਉਨ੍ਹਾਂ ਕਿਹਾ ਕਿ ਬਾਲ ਰੰਗਮੰਚ ਬੱਚਿਆਂ ਦਾ ਵਿਅਕਤੀਤੱਵ ਨਿਖਾਰਨ ਦਾ ਸਬੱਬ ਬਣਦੈ। ਟੋਨੀ ਬਾਤਿਸ਼ ਦੇ ਮੁੱਢਲੇ ਸਾਥੀ ਦਮਜੀਤ ਦਰਸ਼ਨ ਨੇ ਟੋਨੀ ਨਾਲ ਆਪਣੀਆਂ ਯਾਦਾਂ ਸਾਂਝੀਆਂ ਕੀਤੀਆਂ ਅਤੇ ਟੋਨੀ ਬਾਤਿਸ਼ ਦਾ ਕਾਵਿਕ ਸ਼ਬਦ ਚਿੱਤਰ ਵੀ ਪੇਸ਼ ਕੀਤਾ। ਭੁਪਿੰਦਰ ਸਿੰਘ ਮਾਨ ਨੇ ਟੋਨੀ ਵਰਗਾ ਰੰਗਮੰਚ ਫਿਰ ਉਸਾਰਨ ਦੀ ਲੋੜ ਤੇ ਜੋਰ ਦਿੱਤਾ।
ਇਹ ਵੀ ਪੜ੍ਹੋ ਮੰਦਭਾਗੀ ਖ਼ਬਰ; ਪ੍ਰਵਾਸੀ ਮਜਦੂਰ ਦੇ ਦੋ ਮਾਸੂਸ ਪੁੱਤਰਾਂ ਨੂੰ ਸੱਪ ਨੇ ਡੰਗਿਆਂ, ਹੋਈ ਮੌ+ਤ
ਮੁੱਖ ਮਹਿਮਾਨ ਇਕਬਾਲ ਸਿੰਘ ਬਬਲੀ ਢਿੱਲੋਂ ਨੇ ਟੋਨੀ ਬਾਤਿਸ਼ ਦੇ ਯੋਗਦਾਨ ਦੀ ਸ਼ਲਾਘਾ ਕੀਤੀ ਅਤੇ ਉਸਦੀ ਯਾਦ ਤਾਜ਼ਾ ਰੱਖਣ ਲਈ ਕਿਹਾ। ਸਮਾਗਮ ਦੀ ਪ੍ਰਧਾਨਗੀ ਕਰਦਿਆਂ ਪੰਜਾਬੀ ਨਾਟਕ ਦੇ ਇਤਿਹਾਸਕਾਰ ਡਾ. ਸਤੀਸ਼ ਕੁਮਾਰ ਵਰਮਾ ਨੇ ਟੋਨੀ ਬਾਤਿਸ਼ ਦੀਆਂ ਉਨ੍ਹਾਂ ਵੱਲ ਪਾਈਆਂ ਚਿੱਠੀਆਂ ਦਾ ਭੰਡਾਰ ਹੋਣ ਬਾਰੇ ਦੱਸਿਆ। ਉਨ੍ਹਾਂ ਕਿਹਾ ਕਿ ਟੋਨੀ ਬਾਤਿਸ਼ ਜ਼ਿੰਦਗੀ ਨਾਲ ਖਹਿ ਕੇ ਲੰਘਿਐ, ਬਹੁਤ ਕੁੱਛ ਸਹਿ ਕੇ ਲੰਘਿਐ ਤਾਂ ਹੀ ਉਹ ਕੁਝ ਕਹਿ ਕੇ ਲੰਘਿਐ। ਟੋਨੀ ਬਾਤਿਸ਼ ਦਾ ਆਦਿ ਮੱਧ ਅਤੇ ਸ਼ਿਖਰ ਗੌਰਵਮਈ ਹੈ।ਇਸ ਸਮੇਂ ਸੁਰਿੰਦਰਪ੍ਰੀਤ ਘਣੀਆਂ, ਬੰਟੀ ਅਗਨੀਹੋਤਰੀ, ਵਿਕਾਸ ਕੌਂਸਲ ਨੇ ਆਪਣੇ ਵਿਚਾਰ ਪੇਸ਼ ਕੀਤੇ।ਅੰਤ ਵਿੱਚ ਟੀਚਰਜ਼ ਹੋਮ ਟਰੱਸਟ ਦੇ ਸਕੱਤਰ ਲਛਮਣ ਮਲੂਕਾ ਨੇ ਸਭਨਾਂ ਦਾ ਧੰਨਵਾਦ ਕੀਤਾ।ਇਸ ਸਮਾਗਮ ਵਿੱਚ ਟੋਨੀ ਬਾਤਿਸ਼ ਦੇ ਪਰਿਵਾਰਿਕ ਮੈਂਬਰ, ਉਸਦੇ ਰੰਗਮੰਚ ਦੇ ਸਾਥੀ ਕਲਾਕਾਰ ਅਤੇ ਲੇਖਕ, ਸਾਹਿਤਕਾਰ,ਕਲਾ ਪ੍ਰੇਮੀ ਵੱਡੀ ਗਿਣਤੀ ਵਿੱਚ ਹਾਜ਼ਰ ਸਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
