👉ਡੋਲੀ ਵਾਲੇ ਸੂਟ ਵਿਚ ਹੀ ਉੱਠੀ ਅਰਥੀ
Faridkot News: ਫ਼ਰੀਦਕੋਟ ਜ਼ਿਲ੍ਹੇ ਦੇ ਕਸਬਾ ਬਰਗਾੜੀ ਵਿਚ ਇੱਕ ਦਿਲ-ਕੰਬਾਉਂ ਘਟਨਾ ਵਾਪਰਨ ਦੀ ਖਬਰ ਸਾਹਮਣੇ ਆਈ ਹੈ। ਇੱਥੋਂ ਦੀ ਰਹਿਣ ਵਾਲੀ ਪੂਜਾ ਨਾਂ ਦੀ ਲੜਕੀ ਦੀ ਵਿਆਹ ਤੋਂ ਇੱਕ ਰਾਤ ਪਹਿਲਾਂ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ। ਦੂਜੇ ਦਿਨ ਜਿਸ ਲਾਲ-ਸੂਹੇ ਸੂਟ ਵਿਚ ਇਸ ਲੜਕੀ ਦੀ ਡੋਲੀ ਵਿਦਾ ਹੋਣੀ ਸੀ, ਉਸੇ ਸੂਟ ਵਿਚ ਉਸਦੀ ਅਰਥੀ ਸਿਵਿਆ ਤੱਕ ਗਈ, ਜਿਸਦੇ ਨਾਲ ਨਾਂ ਸਿਰਫ਼ ਦੋਨਾਂ ਪ੍ਰਵਾਰਾਂ, ਰਿਸ਼ਤੇਦਾਰਾਂ, ਬਲਕਿ ਇਲਾਕੇ ਦੇ ਵਿਚ ਵੀ ਸੋਗ ਦੀ ਲਹਿਰ ਫੈਲ ਗਈ। ਮਿਲੀ ਜਾਣਕਾਰੀ ਮੁਤਾਬਕ ਪੂਜਾ ਦਾ ਕੁੱਝ ਸਮਾਂ ਪਹਿਲਾਂ ਨਜਦੀਕੀ ਪਿੰਡ ਰਾਉਂਕੇ ਦੇ ਨੌਜਵਾਨ ਨਾਲ ਮੰਗਣਾ ਹੋਇਆ ਸੀ, ਜੋਕਿ ਦੁਬਈ ਵਿਚ ਕੰਮ ਕਰਦਾ ਹੈ।
ਦੋਨਾਂ ਪ੍ਰਵਾਰਾਂ ਵੱਲੋਂ ਹੁਣ ਵਿਆਹ ਰੱਖਿਆ ਹੋਇਆ ਸੀ ਤੇ ਇਸ ਦੀਆਂ ਤਿਆਰੀਆਂ ਪੂਰੇ ਜੋਰਾਂ-ਸ਼ੋਰਾਂ ਲਾਲ ਕੀਤੀਆਂ ਜਾ ਰਹੀਆਂ ਸਨ। ਪ੍ਰਵਾਰ ਵਾਲਿਆਂ ਮੁਤਾਬਕ ਬੀਤੀ ਰਾਤ ਘਰ ਵਿਚ ਖ਼ੁਸੀਆਂ ਦਾ ਮਾਹੌਲ ਸੀ ਤੇ ਡੀਜੇ ਵੀ ਲੱਗਿਆ ਸੀ, ਜਿੱਥੇ ਪ੍ਰਵਾਰ ਤੇ ਰਿਸ਼ਤੇਦਾਰ ਨੱਚ ਰਹੇ ਸਨ। ਇਸ ਮੌਕੇ ਪੂਜਾ ਵੀ ਆਪਣੇ ਪ੍ਰਵਾਰ ਤੇ ਰਿਸ਼ਤੇਦਾਰਾਂ ਨਾਲ ਖੂਬ ਨੱਚੀ। ਰਾਤ ਕਰੀਬ 12 ਵਜੇਂ ਉਸਦੇ ਅਚਾਨਕ ਨੱਕ ਵਿਚ ਖੂਨ ਨਿਕਲਣਾ ਸ਼ੁਰੂ ਹੋ ਗਿਆ ਤੇ ਪ੍ਰਵਾਰ ਉਸਨੂੰ ਤੁਰੰਤ ਨਜਦੀਕੀ ਡਾਕਟਰ ਦੇ ਲੈ ਗਿਆ, ਜਿੱਥੇ ਡਾਕਟਰ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਜਿਸਤੋਂ ਬਾਅਦ ਵਿਆਹ ਵਾਲੇ ਘਰ, ਜਿੱਥੇ ਕੁੱਝ ਸਮਾਂ ਪਹਿਲਾਂ ਖੁਸੀਆਂ ਦਾ ਬੋਲਬਾਲਾ ਸੀ, ਉਥੇ ਮਾਤਮ ਛਾ ਗਿਆ। ਇਸ ਘਟਨਾ ਦੀ ਜਾਣਕਾਰੀ ਲੜਕੇ ਵਾਲਿਆਂ ਨੁੰ ਵੀ ਦਿੱਤੀ ਗਈ ਤੇ ਉਹ ਬਰਾਤ ਦੀ ਥਾਂ ਅੰਤਿਮ ਸੰਸਕਾਰ ਮੌਕੇ ਪੁੱਜੇ ਹੋਏ ਸਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
