SSP ਦੀ ਮੁਅੱਤਲੀ ਤੋਂ ਬਾਅਦ Election Commission ਦਾ ਵੱਡਾ ਫੈਸਲਾ; ਦਰਜ਼ ਪਰਚਿਆਂ ਤੇ ਗ੍ਰਿਫਤਾਰੀਆਂ ਦੀ ਹੋਵੇਗੀ ਪੜਤਾਲ Punjabi Khabarsaar

👉ਸਪੈਸ਼ਲ ਡੀਜੀਪੀ ਰਾਮ ਸਿੰਘ ਜਾਂਚ ਅਧਿਕਾਰੀ ਨਿਯੁਕਤੀ; 36 ਘੰਟਿਆਂ ਵਿਚ ਦੇਣੀ ਹੋਵੇਗੀ ਰੀਪੋਰਟ
Chandigarh/Tarn Taran News: tarn taran by election ; ਦੋ ਦਿਨਾਂ ਬਾਅਦ ਜਾਣੀ 11 ਨਵੰਬਰ ਨੂੰ ਹੋਣ ਜਾ ਰਹੀ ਤਰਨਤਾਰਨ ਹਲਕੇ ਦੀ ਉੱਪ ਚੋਣ ਤੋਂ ਪਹਿਲਾਂ SSP ਦੀ ਹੋਈ ਮੁਅੱਤਲੀ ਤੋਂ ਬਾਅਦ ਹੁਣ Election Commission ਨੇ ਇੱਕ ਹੋਰ ਵੱਡਾ ਆਦੇਸ਼ ਜਾਰੀ ਕੀਤਾ ਹੈ। ਇੰਨ੍ਹਾਂ ਆਦੇਸ਼ਾਂ ਤਹਿਤ ਇਸ ਜਿਮਨੀ ਚੋਣ ਵਾਲੇ ਹਲਕੇ ਵਿਚ ਪਿਛਲੇ ਦਿਨਾਂ ਦੌਰਾਨ ਦਰਜ਼ ਹੋਏ ਮੁਕੱਦਮਿਆਂ ਅਤੇ ਕੀਤੀਅ ਗਈਆਂ ਗ੍ਰਿਫਤਾਰੀਆਂ ਦੇ ਮਾਮਲੇ ਦੀ ਪੜਤਾਲ ਦੇ ਹੁਕਮ ਦਿੱਤੇ ਗਏ ਹਨ।ਭਾਰਤੀ ਚੋਣ ਕਮਿਸ਼ਨ ਦੇ ਹੁਕਮਾਂ ਤੋਂ ਬਾਅਦ ਇਸ ਸਬੰਧ ਵਿਚ ਮੁੱਖ ਚੋਣ ਅਧਿਕਾਰੀ ਪੰਜਾਬ ਵੱਲੋਂ ਪੰਜਾਬ ਪੁਲਿਸ ਦੇ ਮੁਖੀ ਨੂੰ ਪੱਤਰ ਲਿਖਿਆ ਗਿਆ ਹੈ।

ਇਹ ਵੀ ਪੜ੍ਹੋ ਸ਼ਹਿਰ ‘ਚ ਖੁੱਲੇ ਥਾਂ ਕੂੜਾ ਸੁੱਟਣ ਵਾਲਿਆਂ ਦੀ ਹੁਣ ਖ਼ੈਰ ਨਹੀਂ;ਜੁਰਮਾਨੇ ਦੇ ਨਾਲ ਹੋਵੇਗਾ ਪਰਚਾ

ਇਸ ਪੱਤਰ ਤੋਂ ਬਾਅਦ ਡੀਜੀਪੀ ਵੱਲੋਂ ਸਪੈਸ਼ਲ DGP ਰਾਮ ਸਿੰਘ ਨੂੰ ਇਹ ਪੜਤਾਲ ਕਰਨ ਦੀ ਡਿਊਟੀ ਲਗਾਈ ਹੈ। ਜਿਕਰਯੋਗ ਹੈ ਕਿ ਬੀਤੇ ਦਿਨ ਸ਼੍ਰੋਮਣੀ ਅਕਾਲੀ ਦਲ ਵੱਲੋਂ ਇਸ ਹਲਕੇ ਨਾਲ ਸਬੰਧਤ ਆਪਣੇ ਸਰਪੰਚਾਂ ਤੇ MC ਅਤੇ ਹੋਰ ਆਗੂਆਂ ਵਿਰੁਧ ਪੰਜਾਬ ਦੇ ਵੱਖ ਵੱਖ ਜਿਲਿਆਂ ਵਿੱਚ ਝੂਠੇ ਮੁਕੱਦਮੇ ਦਰਜ ਕਰਕੇ ਗ੍ਰਿਫਤਾਰ ਕਰਨ ਦਾ ਦੋਸ਼ ਲਗਾਇਆ ਸੀ, ਜਿਸਦੀ ਸ਼ਿਕਾਇਤ ਭਾਰਤੀ ਚੋਣ ਕਮਿਸ਼ਨ ਅਤੇ ਤਰਨਤਾਰਨ ਵਿੱਚ ਤੈਨਾਤ ਚੋਣ ਅਬਜ਼ਰਵਰ ਸਾਹਿਬਾਨ ਨੂੰ ਕੀਤੀ ਸੀ। ਇਸਤੋਂ ਇਲਾਵਾ ਪੰਥਕ ਉਮੀਦਵਾਰ ਭਾਈ ਮਨਦੀਪ ਸਿੰਘ ਦੇ ਚੋਣ ਇੰਚਾਰਜ਼ ਤੇ ਅਕਾਲੀ ਦਲ ਵਾਰਸ ਪੰਜਾਬ ਦੇ ਆਗੂ ਸੁਖਦੇਵ ਸਿੰਘ ਦੀ ਗੱਡੀ ਉਪਰ ਵੀ ਪੈਟਰੋਲ ਪੰਪ ਸੁੱਟਣ ਦੇ ਦੋਸ਼ ਲੱਗੇ ਸਨ। ਜਦਕਿ ਸਰਕਾਰ ਨੇ ਇੰਨ੍ਹਾਂ ਦੋਸ਼ਾਂ ਤੋਂ ਖੰਡਨ ਕੀਤਾ ਸੀ।