Punjab News: ਆਪਣੀਆਂ ਬੇਬਾਕ ਟਿੱਪਣੀਆਂ ਨੂੰ ਲੈ ਕੇ ਜਾਣੇ ਜਾਂਦੇ ਪੰਜਾਬ ਦੇ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਮੁੜ ਚਰਚਾ ਵਿਚ ਹਨ। ਉਨ੍ਹਾਂ ਨੂੰ ਆਪਣੇ ਬੇਟੇ ਸਮੇਤ ਕੇਂਦਰੀ ਏਜੰਸੀ ED ਦੇ ਮਿਲੇ ਸੰਮਨਾਂ ਨੇ ਪੰਜਾਬ ਦੀ ਸਿਆਸੀ ਆਬੋ-ਹਵਾ ਵਿਚ ਮੁੜ ਚਰਚਾ ਛੇੜੀ ਹੋਈ ਹੈ। ਹਾਲਾਂਕਿ ਇਸਦੇ ਪਿੱਛੇ ਤਰਕ ਇਹ ਦਿੱਤਾ ਜਾ ਰਿਹਾ ਕਿ ਵਿਦੇਸ਼ਾਂ ‘ਚ ਕਾਲੇ ਧਨ ਅਤੇ ਬੇਹਿਸਾਬ ਬਣਾਈਆਂ ਕਥਿਤ ਜਾਇਦਾਦਾਂ ਦੀ ਪਿਛਲੇ ਇੱਕ ਦਹਾਕੇ ਤੋਂ ਚੱਲ ਰਹੀ ਜਾਂਚ ਪੜਤਾਲ ਦਾ ਇਹ ਸੰਮਨ ਹਿੱਸਾ ਹਨ। ਪ੍ਰੰਤੂ ਪੰਜਾਬ ਦੀ ਸਿਆਸਤ ਵਿਚ ਇਸਦੇ ਪਿੱਛੇ ਪਿਛਲੇ ਦਿਨੀਂ ਕੈਪਟਨ ਅਮਰਿੰਦਰ ਸਿੰਘ ਵੱਲੋਂ ਅਕਾਲੀ-ਭਾਜਪਾ ਗਠਜੋੜ ਨੂੰ ਲੈ ਕੇ ਕੀਤੀਆਂ ਟਿੱਪਣੀਆਂ ਅਤੇ ਭਾਜਪਾ ਵਿੱਚ ਆਪਣੀ ਸਥਿਤੀ ਅਤੇ ਪੰਜਾਬ ਬਾਰੇ ਭਾਜਪਾ ਦੀ ਸਮਝ ‘ਤੇ ਉਠਾਏ ਸਵਾਲਾਂ ਨੂੰ ਜੋੜਿਆ ਜਾ ਰਿਹਾ।
ਇਹ ਵੀ ਪੜ੍ਹੋ Bathinda ਜਿਲ੍ਹੇ ਦਾ ਚਰਚਿਤ BDPO ਮੁਅੱਤਲ; ਇਸ ਆਧਾਰ ‘ਤੇ ਹੋਈ ਕਾਰਵਾਈ !
ਇੰਨ੍ਹਾਂ ਸੰਮਨਾਂ ਨੂੰ ਇਸੇ ਮੁੱਦੇ ਨਾਲ ਜੋੜਦਿਆਂ ਪੰਜਾਬ ਕਾਂਗਰਸ ਦੇ ਸੀਨੀਅਰ ਆਗੂ ਤੇ ਭਾਰਤੀ ਹਾਕੀ ਟੀਮ ਦੇ ਸਾਬਕਾ ਕਪਤਾਨ ਪ੍ਰਗਟ ਸਿੰਘ ਨੇ ਭਾਜਪਾ ਵਿਚ ਜਾਣ ਦੀ ਸੋਚਣ ਵਾਲੇ ਲੀਡਰਾਂ ਨੂੰ ਇਸਤੋਂ ਸਬਕ ਸਿੱਖਣ ਦੀ ਸਲਾਹ ਦਿੱਤੀ ਹੈ। ਆਪਣੇ ਸੋਸਲ ਮੀਡੀਆ ਅਕਾਉਂਟ ‘ਤੇ ਪ੍ਰਗਟ ਸਿੰਘ ਵੱਲੋਂ ਲਿਖਿਆ ਗਿਆ ਹੈ ਕਿ,”ਜਿਵੇਂ ਹੀ ਕੈਪਟਨ ਅਮਰਿੰਦਰ ਸਿੰਘ ਨੇ ਭਾਜਪਾ ਵਿੱਚ ਆਪਣੀ ਸਥਿਤੀ ਅਤੇ ਪੰਜਾਬ ਬਾਰੇ ਭਾਜਪਾ ਦੀ ਸਮਝ ‘ਤੇ ਸਵਾਲ ਉਠਾਏ, ਕਥਿਤ ਤੌਰ ‘ਤੇ ED ਦੇ ਸੰਮਨ ਆ ਗਏ।” ਉਨ੍ਹਾਂ ਅੱਗੇ ਲਿਖਿਆ ਹੈ ਕਿ ਇਸ ਤੋਂ ਪਹਿਲਾਂ, ਜਦੋਂ ਉਹ ਮੁੱਖ ਮੰਤਰੀ ਵਜੋਂ ਪੰਜਾਬ ਅਤੇ ਕਿਸਾਨਾਂ ਦੇ ਹਿੱਤਾਂ ਲਈ ਖੜ੍ਹੇ ਹੋਏ, ਤਾਂ ਉਨ੍ਹਾਂ ਨੂੰ ਸੀਮਿਤ ਕਰਨ ਲਈ ਕਥਿਤ ਤੌਰ ‘ਤੇ ਕੇਂਦਰੀ ਏਜੰਸੀਆਂ ਦੀ ਦੁਰਵਰਤੋਂ ਕੀਤੀ ਗਈ।
ਇਹ ਵੀ ਪੜ੍ਹੋ ਗੁਰਦੁਆਰਾ ਅੰਬ ਸਾਹਿਬ ਦੀ ਜਮੀਨ ਵੇਚਣ ਦਾ ਮਾਮਲਾ; SGPC ਦੇ ਸਕੱਤਰ ਦਾ ਕੀਤਾ ਤਬਾਦਲਾ
ਬਾਅਦ ਵਿੱਚ ਉਨ੍ਹਾਂ ਨੂੰ ਭਾਜਪਾ ਵਿੱਚ ਸ਼ਾਮਿਲ ਹੋਣ ਲਈ ਦਬਾਅ ਹੇਠ ਲਿਆਂਦਾ ਗਿਆ। ਹੁਣ ਪਾਰਟੀ ਅੰਦਰ ਉਨ੍ਹਾਂ ਨਾਲ ਹੋ ਰਿਹਾ ਵਿਵਹਾਰ ਹਰ ਉਸ ਪੰਜਾਬੀ ਲੀਡਰ ਲਈ ਇੱਕ ਸਬਕ ਹੈ ਜੋ ਭਾਜਪਾ ਵਿੱਚ ਜਾਣ ਬਾਰੇ ਸੋਚ ਰਿਹਾ ਹੈ। ਇਸੇ ਤਰ੍ਹਾਂ ਆਮ ਆਦਮੀ ਪਾਰਟੀ ਵੀ ਇਸੇ ਮਾਡਲ ਤਹਿਤ ਏਜੰਸੀਆਂ ਦੀ ਦੁਰਵਰਤੋਂ ਨਾਲ ਆਪਣੇ ਵਿਧਾਇਕਾਂ ਨੂੰ ਚੁੱਪ ਕਰਵਾਉਂਦੀ ਹੈ, FIR ਦਰਜ਼ ਕਰਦੀ ਹੈ, ਬਾਅਦ ਵਿੱਚ ਕਿਸੇ ਨਤੀਜ਼ੇ ‘ਤੇ ਨਹੀਂ ਪਹੁੰਚਦੀ, ਜਾਂ ਵਿਧਾਇਕ ਚੁੱਪ ਕਰਵਾ ਲਏ ਜਾਂਦੇ ਜਾਂ ਵਿਦੇਸ਼ਾਂ ਨੂੰ ਭਗੌੜੇ ਹੋ ਜਾਂਦੇ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
