Faridkot News: Punjab ਦੇ ਫ਼ਰੀਦਕੋਟ ਜ਼ਿਲ੍ਹੇ ‘ਚ ਇੱਕ ਕਲਯੁਗੀ ਨੂੰਹ ਵੱਲੋਂ ਪ੍ਰੇਮ ਸਬੰਧਾਂ ‘ਚ ਰੋੜਾਂ ਬਣੀ ਆਪਣੀ ਸੱਸ ਦਾ ਪ੍ਰੇਮੀ ਨਾਲ ਮਿਲਕੇ ਕ+ਤ+ਲ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਹਾਲਾਂਕਿ ਤੇਜ਼-ਤਰਾਰ ਨੂੰਹ ਨੇ ਕਤਲ ਨੂੰ ਦਿਲ ਦੇ ਦੌਰੇ ਵਿਚ ਬਦਲਣ ਦੀ ਕੋਸ਼ਿਸ ਕੀਤੀ ਪ੍ਰੰਤੂ ਪੁਲਿਸ ਦੀ ਜਾਂਚ ਅੱਗੇ ਉਸਦੀ ਚਤੁਰਾਈ ਨਹੀਂ ਚੱਲੀ। ਹੁਣ ਪੁਲਿਸ ਨੇ ਮੁਲਜ਼ਮ ਨੂੰਹ ਅਤੇ ਉਸਦੇ ਪ੍ਰੇਮੀ ਤੋਂ ਇਲਾਵਾ ਇਸ ਕਤਲ ਵਿਚ ਉਨ੍ਹਾਂ ਦਾ ਸਾਥ ਦੇਣ ਵਾਲੇ ਇੱਕ ਹੋਰ ਨੌਜਵਾਨ ਨੂੰ ਵੀ ਗ੍ਰਿਫਤਾਰ ਕਰ ਲਿਆ ਹੈ। ਵੀਰਵਾਰ ਨੂੰ ਇੱਕ ਪ੍ਰੈਸ ਕਾਨਫਰੰਸ ਕਰਦਿਆਂ ਫ਼ਰੀਦਕੋਟ ਦੇ ਐਸਪੀ ਯੁਗੇਸ਼ਵਰ ਸਿੰਘ ਨੇ ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਦਸਿਆ ਕਿ 9 ਮਾਰਚ ਨੂੰ ਥਾਣਾ ਬਾਜ਼ਾਖਾਨਾ ਦੀ ਪੁਲਿਸ ਨੂੰ ਪਿੰਡ ਰੋਮਾਣਾ ਅਜੀਤ ਸਿੰਘ ‘ਚ ਇੱਕ ਔਰਤ ਦੀ ਸ਼ੱਕੀ ਹਾਲਾਤ ਵਿਚ ਮੌਤ ਹੋਣ ਦੀ ਸੂਚਨਾ ਮਿਲੀ ਹੈ। ਮ੍ਰਿਤਕ ਮਨਪ੍ਰੀਤ ਕੌਰ ਦੀ ਮੌਤ ਬਾਰੇ ਜਦ ਪੁਲਿਸ ਘਰ ਪੁੱਜੀ ਤਾਂ ਨੂੰਹ ਲਵਲੀਨ ਕੌਰ ਨੇ ਇਹ ਮੌਤ ਦਿਲ ਦਾ ਦੌਰਾ ਪੈਣ ਕਾਰਨ ਹੋਈ ਦੱਸੀ। ਪ੍ਰੰਤੂ ਪ੍ਰਵਾਰ ਨੂੰ ਇਸ ਮੌਤ ਉੱਪਰ ਸ਼ੱਕ ਸੀ, ਜਿਸਤੋਂ ਬਾਅਦ ਪੁਲਿਸ ਨੇ ਥਾਣਾ ਬਾਜ਼ਾਖਾਨਾ ਵਿਖੇ
ਮੁਕੱਦਮਾ ਨੰਬਰ 31 ਦਰਜ਼ ਕਰਕੇ ਜਾਂਚ ਸ਼ੁਰੂ ਕੀਤੀ।
ਇਹ ਵੀ ਪੜ੍ਹੋ ਹੁਣ ਨੂੰਹ ਨੇ ਪ੍ਰੇਮੀ ਨਾਲ ਮਿਲਕੇ ਸੱਸ ਨੂੰ ਮਾਰਿਆ; ਨਜ਼ਾਇਜ ਸਬੰਧਾਂ ‘ਚ ਬਣ ਰਹੀ ਸੀ ਰੋੜਾ
ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਮ੍ਰਿਤਕ ਮਨਪ੍ਰੀਤ ਕੌਰ ਦੇ ਪੁੱਤਰ ਗੁਰਚਰਨ ਸਿੰਘ ਦਾ ਕਰੀਬ ਤਿੰਨ ਸਾਲ ਪਹਿਲਾਂ ਲਵਲੀਨ ਕੌਰ ਨਾਲ ਵਿਆਹ ਹੋਇਆ ਸੀ। ਇਸ ਦੌਰਾਨ ਵਿਆਹ ਤੋਂ ਬਾਅਦ ਲਵਲੀਨ ਦੇ ਲਖਵੀਰ ਸਿੰਘ ਉਰਫ਼ ਹੈਪੀ ਨਾਂ ਦੇ ਨੌਜਵਾਨ ਨਾਲ ਨਜਾਇਜ਼ ਸਬੰਧ ਬਣ ਗਏ, ਜੋਕਿ ਰੋਮਾਣਾ ਅਜ਼ੀਤ ਦਾ ਹੀ ਰਹਿਣ ਵਾਲਾ ਸੀ। ਇਸ ਗੱਲ ਦਾ ਪਤਾ ਉਸਦੀ ਸੱਸ ਨੂੰ ਵੀ ਲੱਗ ਗਿਆ ਸੀ ਤੇ ਉਹ ਉਸਨੂੰ ਅਜਿਹਾ ਕਰਨ ਤੋਂ ਰੋਕਦੀ ਸੀ। ਜਿਸਦੇ ਚੱਲਦੇ ਆਪਣੀ ਵਿਧਵਾ ਸੱਸ ਨੂੰ ਆਪਣੇ ਪ੍ਰੇਮ ਸਬੰਧਾਂ ਵਿਚ ਰੋੜਾ ਸਮਝਦਿਆਂ ਲਵਲੀਨ ਤੇ ਉਸਦੇ ਪ੍ਰੇਮੀ ਲਖਵੀਰ ਉਰਫ਼ ਹੈਪੀ ਨੇ ਜਾਨੋਂ ਮਾਰਨ ਦੀ ਯੋਜਨਾ ਬਣਾਈ। ਘਟਨਾ ਵਾਲੇ ਦਿਨ ਲਵਲੀਨ ਦਾ ਘਰ ਵਾਲਾ ਕਿਸੇ ਕੰਮ ਦੋ ਦਿਨਾਂ ਲਈ ਬਾਹਰ ਗਿਆ ਸੀ। ਇਸ ਦੌਰਾਨ ਹੈਪੀ ਨੇ ਇਸ ਕੰਮ ਵਿਚ ਆਪਣੇ ਇੱਕ ਦੋਸਤ ਗਗਨਦੀਪ ਉਰਫ਼ ਗਗਨ ਨੂੰ ਵੀ ਸ਼ਾਮਲ ਕਰ ਲਿਆ ਤੇ ਉਨ੍ਹਾਂ ਘਰ ਜਾ ਕੇ ਮਨਪ੍ਰੀਤ ਕੌਰ ਦਾ ਸੁੱਤੀ ਪਈ ਹੋਈ ਦਾ ਸਿਰਹਾਣੇ ਨਾਲ ਸਿਰ ਨੱਪ ਦਿੱਤਾ ਤੇ ਸਾਹ ਬੰਦ ਹੋਣ ਕਾਰਨ ਉਸਦੀ ਮੌਤ ਹੋ ਗਈ।
ਇਹ ਵੀ ਪੜ੍ਹੋ ਬੱਧਨੀ ਕਲਾਂ ਪੁਲਿਸ ਵੱਲੋ ਲੁੱਟ/ਖੋਹ ਦੀ ਝੂਠੀ ਕਹਾਣੀ ਰਚਣ ਵਾਲਾ ਦੋਸ਼ੀ ਕਾਬੂ
ਯੋਜਨਾ ਤਹਿਤ ਲਵਲੀਨ ਕੌਰ ਨੇ ਦੂਜੇ ਦਿਨ ਆਪਣੀ ਸੱਸ ਦੀ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋਣ ਦੀ ਗੱਲ ਫ਼ਲਾ ਦਿੱਤੀ ਤੇ ਰੌਣ ਦਾ ਢੰਗ ਕਰਨਾ ਸ਼ੁਰੂ ਕਰ ਦਿੱਤਾ। ਪ੍ਰੰਤੂ ਸਰੀਰਿਕ ਪੱਖੋ ਪੂਰੀ ਤੰਦਰੁਸਤ ਪਈ ਮਨਪ੍ਰੀਤ ਕੌਰ ਦੀ ਅਚਨਚੇਤ ਇਸ ਤਰ੍ਹਾਂ ਮੌਤ ਹੋਣ ਦੀ ਗੱਲ ਕਈਆਂ ਨੂੰ ਸਹੀ ਨਹੀਂ ਲੱਗੀ। ਜਿਸ ਕਾਰਨ ਇਹ ਮਾਮਲਾ ਪੁਲਿਸ ਕੋਲ ਪੁੱਜਿਆ। ਪੋਸਟਮਾਰਟਮ ਦੇ ਵਿਚ ਵੀ ਇਸ ਗੱਲ ਦਾ ਇਸ਼ਾਰਾ ਮਿਲ ਗਿਆ। ਜਿਸਤੋਂ ਬਾਅਦ ਜਦ ਡੀਐਸਪੀ ਜੈਤੋ ਇਕਬਾਲ ਸਿੰਘ ਤੇ ਐਸਐਚਓ ਬਾਜ਼ਾਖਾਨਾ ਚਰਨਜੀਤ ਸਿੰਘ ਵੱਲੋਂ ਥੋੜੀ ਸਖ਼ਤੀ ਕੀਤੀ ਤਾਂ ਲਵਲੀਨ ਕੌਰ ਨੇ ਸਾਰਾ ਸੱਚ ਉਗਲ ਦਿੱਤਾ ਪ੍ਰੰਤੂ ਇਸ ਦੌਰਾਨ ਬਾਕੀ ਦੋਨੋਂ ਮੁਲਜਮ ਹੈਪੀ ਤੇ ਗਗਨ ਰਾਜਸਥਾਨ ਵੱਲ ਭੱਜ ਗਏ, ਜਿੰਨ੍ਹਾਂ ਨੂੰ ਥਾਣਾ ਮੁਖੀ ਵੱਲੋਂ ਕਾਫ਼ੀ ਮੁਸ਼ੱਕਤ ਤੋਂ ਬਾਅਦ ਗ੍ਰਿਫਤਾਰ ਕੀਤਾ ਗਿਆ। ਤੇ ਪੁਲਿਸ ਰਿਮਾਂਡ ਹਾਸਲ ਕੀਤਾ ਗਿਆ।ਜਿਕਰਯੋਗ ਹੈ ਕਿ ਦੋ ਦਿਨ ਪਹਿਲਾਂ ਅੰਮ੍ਰਿਤਸਰ ਦੇ ਵਿਚ ਵੀ ਇਸੇ ਤਰ੍ਹਾਂ ਇੱਕ ਕਲਯੁਗੀ ਨੂੰਹ ਵੱਲੋਂ ਆਪਣੇ ਪ੍ਰੇਮੀ ਨਾਲ ਮਿਲਕੇ ਸੱਸ ਨੂੰ ਮਾਰਨ ਦਾ ਮਾਮਲਾ ਸਾਹਮਣੇ ਆਇਆ ਸੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
