Punjab News: land pooling policy.ਪਿਛਲੇ ਕਈ ਦਿਨਾਂ ਤੋਂ ਪੂਰੇ ਪੰਜਾਬ ਵਿਚ ਚਰਚਾ ਦਾ ਕੇਂਦਰ ਬਿੰਦੂ ਬਣੀ ਲੈਂਡ ਪੂਲਿੰਗ ਨੀਤੀ ‘ਚ ਅੱਜ ਵੱਡੀਆਂ ਸੋਧਾਂ ਕੀਤੀਆਂ ਗਈਆਂ ਹਨ। ਇੰਨ੍ਹਾਂ ਸੋਧਾਂ ਉਪਰ ਮੁੱਖ ਮੰਤਰੀ ਭਗਵੰਤ ਸਿੰਘ ਮਾਨ ਦੀ ਅਗਵਾਈ ਹੇਠ ਹੋਈ ਕੈਬਨਿਟ ਮੀਟਿੰਗ ਵਿਚ ਮੋਹਰ ਲੱਗ ਗਈ ਹੈ। ਮੀਟਿੰਗ ਤੋਂ ਬਾਅਦ ਪੱਤਰਕਾਰਾਂ ਨੂੰ ਜਾਣਕਾਰੀ ਦਿੰਦਿਆਂ ਮੁੱਖ ਮੰਤਰੀ ਸ: ਮਾਨ ਨੇ ਦਸਿਆ ਕਿ ਇਹ ਪਾਲਿਸੀ ਕਿਸਾਨ ਵਿਰੋਧੀ ਨਹੀਂ, ਬਲਕਿ ਕਿਸਾਨ ਪੱਖੀ ਹੈ ਤੇ ਕਿਸਾਨਾਂ ਦੇ ਸੁਝਾਆਂ ਨੂੰ ਦੇਖਦਿਆਂ ਇਹ ਸੋਧਾਂ ਕੀਤੀਆਂ ਗਈਆਂ ਹਨ।
ਇਹ ਵੀ ਪੜ੍ਹੋ ਚੱਲਦੇ ਸ਼ੈਸਨ ਦੌਰਾਨ ਅਸਤੀਫ਼ਾ ਦੇਣ ਵਾਲੇ ਪਹਿਲੇ ਉਪ ਰਾਸ਼ਟਰਪਤੀ ਹਨ ਜਗਦੀਪ ਧਨਖੜ੍ਹ
ਉਨ੍ਹਾਂ ਸਭ ਤੋਂ ਪਹਿਲਾਂ ਸਪੱਸ਼ਟ ਕੀਤਾ ਕਿ ਕੁੱਝ ਲੋਕਾਂ ਵੱਲੋਂ ਗਲਤਫਹਿਮੀਆਂ ਫ਼ਲਾਈਆਂ ਜਾ ਰਹੀਆਂ ਹਨ ਕਿ ਕਲੌਨੀਆਂ ਬਣਾਉਣ ਲਈ ਨੋਟੀਫਿਕੇਸ਼ਨ ਹੋਣ ਤੋਂ ਬਾਅਦ ਰਜਿਸਟਰੀਆਂ ਉਪਰ ਰੋਕ ਲੱਗ ਜਾਵੇਗੀ ਤੇ ਉਹ ਆਪਣੀਆਂ ਜਮੀਨਾਂ ਵੇਚ ਤੇ ਗਹਿਣੇ ਨਹੀਂ ਕਰ ਸਕਣਗੇ। ਪ੍ਰੰਤੂ ਅਜਿਹਾ ਨਹੀਂ ਹੋਵੇਗਾ। ਨੋਟੀਫਿਕੇਸ਼ਨ ਤੋਂ ਬਾਅਦ ਕਿਸਾਨ ਉਸ ਉਪਰ ਕਰਜ਼ ਲੈ ਸਕਦਾ ਜਾਂ ਕਿਸੇ ਹੋਰ ਕਾਰਜ਼ ਲਈ ਵਰਤ ਸਕਦਾ। ਇਸਤੋਂ ਇਲਾਵਾ ਬਿਨ੍ਹਾਂ ਸਹਿਮਤੀ ਦੇ ਕੋਈ ਵੀ ਜਮੀਨ ਨਹੀਂ ਲਈ ਜਾਵੇਗੀ।
ਇਹ ਵੀ ਪੜ੍ਹੋ ਪੰਜਾਬ ਵਾਚ ਕੰਪਨੀ ਦੇ ਦਫ਼ਤਰ ‘ਤੇ ਗੋ+ਲੀ+ਆਂ ਚਲਾਉਣ ਵਾਲੇ ਦਾ ਪੁਲਿਸ ਨੇ ਕੀਤਾ Encounter
ਇਸਤੋਂ ਇਲਾਵਾ ਜਮੀਨ ਦੀ ਸਹਿਮਤੀ ਦੇਣ ਤੋਂ ਬਾਅਦ ਵੀ ਉਹ ਕਲੌਨੀ ਵਿਕਸਿਤ ਹੋਣ ਤੱਕ ਉਸ ਵਿਚ ਖੇਤੀ ਵਿਚ ਕਰ ਸਕੇਗਾ। ਇਸਤੋਂ ਇਲਾਵਾ ਪਲਾਟ ਮਿਲਣ ਤੱਕ ਕਿਸਾਨ ਨੂੰ ਸਰਕਾਰ ਵਲੋਂ ਸਾਲਾਨਾ 50 ਹਜ਼ਾਰ ਰੁਪਏ ਮਿਲਣਗੇ।ਇਸਤੋਂ ਬਾਅਦ ਜਦ ਜਮੀਨ ਸਰਕਾਰ ਹਾਸਲ ਕਰ ਲਵੇਗੀ ਤਾਂ ਉਨ੍ਹਾਂ ਨੂੰ ਕਲੌਨੀ ਵਿਕਸਤ ਹੋਣ ਤੱਕ ਹਰ ਸਾਲ ਇੱਕ ਲੱਖ ਰੁਪਏ ਮਿਲਣਗੇ। ਜਦਕਿ ਕਾਂਗਰਸ ਸਰਕਾਰ ਦੇ ਸਮੇਂ ਇਹ ਰਕਮ ਕੇਵਲ 20 ਹਜ਼ਾਰ ਸੀ।ਉਨ੍ਹਾਂ ਇਹ ਵੀ ਦਸਿਆ ਕਿ ਇਸ ਪਾਲਿਸੀ ਤਹਿਤ 8 ਕਨਾਲ ਜਮੀਨ ਦੇਣ ਵਾਲੇ ਨੂੰ 200 ਗਜ਼ ਵਪਾਰਕ ਤੇ 1000 ਗਜ਼ ਰਿਹਾਇਸ਼ੀ ਪਲਾਟ ਮਿਲੇਗਾ।
ਇਹ ਵੀ ਪੜ੍ਹੋ ਮੁੱਖ ਮੰਤਰੀ ਭਗਵੰਤ ਮਾਨ ਅੱਜ ਕਰਨਗੇ ਅੰਮ੍ਰਿਤਸਰ ਦਾ ਦੌਰਾ, ਸ਼੍ਰੀ ਹਰਿਮੰਦਰ ਸਾਹਿਬ ਵਿਖੇ ਹੋਣਗੇ ਨਤਮਸਤਕ
ਇਸੇ ਤਰ੍ਹਾਂ 1 ਕਨਾਲ ਜਮੀਨ ਦੇਣ ਵਾਲਿਆਂ ਨੂੰ ਵੀ ਵਪਾਰਕ ਜਗ੍ਹਾਂ ਦਿੱਤੀ ਜਾਵੇਗੀ ਤੇ ਜੇਕਰ ਕੋਈ ਕਿਸਾਨ ਵਪਾਰਕ ਜਗ੍ਹਾਂ ਨਹੀਂ ਲੈਣਗੇ ਤਾਂ ਉਨ੍ਹਾਂ ਨੂੰ ਤਿੰਨ ਗੁਣਾ ਵੱਧ ਰਿਹਾਇਸ਼ੀ ਜਗ੍ਹਾਂ ਦਿੱਤੀ ਜਾਵੇਗੀ। ਮੁੱਖ ਮੰਤਰੀ ਨੇ ਇਹ ਵੀ ਦਾਅਵਾ ਕੀਤਾ ਕਿ ਵਿਰੋਧੀ ਪਾਰਟੀਆਂ ਤੇ ਕੁੱਝ ਅਜਿਹੇ ਲੋਕ, ਜਿੰਨ੍ਹਾਂ ਦੀਆਂ ਖੁਦ ਦੀਆਂ ਕਲੋਨੀਆਂ ਗੈਰ-ਕਾਨੂੰਨੀ ਹਨ, ਉਹ ਰੋਲਾ ਪਾ ਰਹੇ ਹਨ। ਇਸ ਮੌਕੇ ਉਨ੍ਹਾਂ ਦੇ ਨਾਲ ਕੈਬਨਿਟ ਮੰਤਰੀ ਹਰਦੀਪ ਸਿੰਘ ਮੁੰਡੀਆ, ਹਰਪਾਲ ਸਿੰਘ ਚੀਮਾ ਤੋਂ ਇਲਾਵਾ ਮੁੱਖ ਸਕੱਤਰ ਕੇਪੀ ਸਿਨਹਾ ਵੀ ਮੌਜੂਦ ਸਨ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
