ਫ਼ਿਰੋਜਪੁਰ, 4 ਅਗੱਸਤ: ਬੀਤੇ ਕੱਲ ਨਜਦੀਕੀ ਪਿੰਡ ਮੋਹਨ ਕੇ ਉਤਾੜ ਵਿਖੇ ਵਾਪਰੇ ਇੱਕ ਦਰਦਨਾਕ ਹਾਦਸੇ ਵਿਚ ਇੱਕ ਮਹਿਲਾ ਕਾਰ ਚਾਲਕ ਵੱਲੋਂ ਸਕੂਲੀ ਵੈਨ ਨੂੰ ਟੱਕਰ ਮਾਰ ਦਿੱਤੀ। ਇਹ ਟੱਕਰ ਇੰਨ੍ਹੀਂ ਭਿਆਨਕ ਸੀ ਕਿ ਜਿੱਥੇ ਸਕੂਲੀ ਵੈਨ ਦੇ ਪਰਖਚੜੇ ਉੱਡ ਗਏ, ਉਥੇ ਵੈਨ ਡਰਾਈਵਰ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਮ੍ਰਿਤਕ ਵੈਨ ਡਰਾਈਵਰ ਦੀ ਪਹਿਚਾਣ ਰਿੰਕੂ ਵਾਸੀ ਮੋਹਨ ਕੇ ਉਤਾੜ ਦੇ ਤੌਰ ’ਤੇ ਹੋਈ ਹੈ। ਕਾਰ ਚਲਾਉਣ ਵਾਲੀ ਔਰਤ ਦੀ ਸਿਨਾਖ਼ਤ ਸੁਨੀਤਾ ਪਤਨੀ ਪਵਨਦੀਪ ਸਿੰਘ ਵਾਸੀ ਛੋਟੇ ਪਿੰਡੀ ਦੇ ਤੌਰ ’ਤੇ ਹੋਈ ਦੱਸੀ ਜਾ ਰਹੀ ਹੈ।
Drug trafficking: Ex Minister ਬਿਕਰਮ ਮਜੀਠਿਆ ਮੁੜ ਤਲਬ
ਇਸ ਮੌਕੇ ਕੁੱਝ ਲੋਕਾਂ ਨੇ ਦਸਿਆ ਕਿ ਮ੍ਰਿਤਕ ਨੌਜਵਾਨ ਰਿੰਕੂ ਲਿਟਲ ਫ਼ਲਾਵਰ ਸਕੂਲ ਦੇ ਵਿਚ ਆਪਣੀ ਵੈਨ ਰਾਹੀਂ ਬੱਚਿਆਂ ਨੂੰ ਲਿਆਉਣ ਤੇ ਛੱਡਣ ਦਾ ਕੰਮ ਕਰਦਾ ਸੀ। ਘਟਨਾ ਸਮੇਂ ਵੀ ਉਹ ਵੱਡੇ ਬੱਚਿਆਂ ਨੂੰ ਸਕੂਲ ਛੱਡ ਕੇ ਵਾਪਸ ਆ ਰਿਹਾ ਸੀ ਤੇ ਮੁੜ ਉਸਨੇ ਛੋਟੇ ਬੱਚਿਆਂ ਨੂੰ ਲੈ ਕੇ ਜਾਣਾ ਸੀ। ਇਸ ਦੌਰਾਨ ਖੱਬੇ ਪਾਸਿਓ ਅਚਾਨਕ ਸੜਕ ’ਤੇ ਚੜੀ ਇੱਕ ਤੇਜ ਰਫ਼ਤਾਰ ਆਲਟੋ ਕਾਰ ਨੇ ਵੈਨ ਵਿਚ ਟੱਕਰ ਮਾਰ ਦਿੱਤੀ। ਇਸ ਕਾਰ ਨੂੰ ਸੁਨੀਤਾ ਚਲਾਉਂਦੀ ਦੱਸੀ ਜਾ ਰਹੀ ਹੈ, ਜਿਸਦੇ ਬਾਰੇ ਕਿਹਾ ਜਾ ਰਿਹਾ ਕਿ ਉਹ ਆਪਣੇ ਪਤੀ ਦੇ ਨਾਲ ਹੀ ਕਾਰ ਚਲਾਉਣਾ ਸਿੱਖ ਰਹੀ ਸੀ। ਫ਼ਿਲਹਾਲ ਪੁਲਿਸ ਵੱਲੋਂ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ।
