👉ਚਰਚਿਤ ਇੰਸਟਾ ਕੁਈਨ ਪ੍ਰੀਤ ਜੱਟੀ ਦਾ ਰੋ-ਰੋ ਕੇ ਬੁਰਾ ਹਾਲ, ਦਸਿਆ ਜਾਨ ਨੂੰ ਖ਼ਤਰਾ
Punjab News: ਰੀਲਾਂ ’ਤੇ ਨੱਚ-ਗਾ ਕੇ ਅਤੇ ਅਸ਼ਲੀਲ ਵੀਡੀਓ ਪਾ ਕੇ ਸੌਖੇ ਪੈਸੇ ਕਮਾਉਣ ਵਾਲੀਆਂ ਨੂੰ ਹੁਣ ‘ਸਿੰਘਾਂ’ ਵੱਲੋਂ ਕੰਚਨ ਤਿਵਾੜੀ ਉਰਫ਼ ਕਮਲ ਭਾਬੀ ਦੇ ਕਤਲ ਤੋਂ ਬਾਅਦ ਹੁਣ ਆਪਣਾ ‘ਡਰ’ ਸਤਾਉਣ ਲੱਗਾ ਹੈ।
ਬੀਤੇ ਕੱਲ ਅੰਮ੍ਰਿਤਸਰ ਦੀ ਦੀਪਿਕਾ ਲੂਥਰਾ ਨਾਂ ਦੀ ਸੋਸ਼ਲ ਮੀਡੀਆ ਇੰਫ਼ਲੂਸਰ ਲੜਕੀ ਵੱਲੋਂ ਪੁਲਿਸ ਕੋਲੋਂ ਸੁਰੱਖਿਆ ਮੰਗੇ ਜਾਣ ਤੋਂ ਬਾਅਦ ਹੁਣ ਤਰਨਤਾਰਨ ਦੀ ‘ਪ੍ਰੀਤ ਜੱਟੀ’ ਦੇ ਨਾਂ ਨਾਲ ਮਸ਼ਹੂਰ ਇੱਕ ਹੋਰ ਲੜਕੀ ਨੇ ਖ਼ੁਦ ਨੂੰ ਵਿਦੇਸ਼ੀ ਨੰਬਰ ਤੋਂ ਧਮਕੀ ਆਉਣ ਦਾ ਦਾਅਵਾ ਕੀਤਾ ਹੈ। ਆਪਣੇ ਇੰਸਟਾਗ੍ਰਾਮ ਅਕਾਉਂਟ ’ਤੇ ਇਸ ਧਮਕੀ ਵਾਲੀ ਕਾਲ ਨੂੰ ਅੱਪਲੋਡ ਕਰਨ ਵਾਲੀ ਇਸ ਕੁੜੀ ਨੇ ਜਾਨ ਨੂੰ ਖ਼ਤਰਾ ਦਸਿਆ ਹੈ।
View this post on Instagram
ਇਹ ਵੀ ਪੜ੍ਹੋ SDM ਦਾ ਸਟੈਨੋ 24 ਲੱਖ ਰੁਪਏ ਨਕਦੀ ਸਮੇਤ ਵਿਜੀਲੈਂਸ ਬਿਊਰੋ ਵੱਲੋਂ ਕਾਬੂ
ਪਿਛਲੇ ਕਈ ਸਾਲਾਂ ਤੋਂ ਸੋਸ਼ਲ ਮੀਡੀਆ ’ਤੇ ਚਰਚਿਤ ਇਸ ਨਵਵਿਆਹੀ ਕੁੜੀ ਨੇ ਸੋਸ਼ਲ ਮੀਡੀਆ ’ਤੇ ਪਾਈਆਂ ਜਾਣ ਵਾਲੀਆਂ ਵੀਡੀਓਜ਼ ਨੂੰ ਆਪਣੀ ਆਮਦਨ ਦਾ ਮੁੱਖ ਸਰੋਤ ਦਸਿਆ ਹੈ। ਜਿਕਰਯੋਗ ਹੈ ਕਿ ਡੇਢ ਕੁ ਸਾਲ ਪਹਿਲਾਂ ਵਿਆਹੀ ਇਸ ਲੜਕੀ ਦਾ ਅਸਲੀ ਨਾਮ ਸਿਮਰਨਪ੍ਰੀਤ ਕੌਰ ਦਸਿਆ ਜਾ ਰਿਹਾ ਹੈ, ਜਿਸਦੇ ਘਰ ਇੱਕ ਪੰਜ ਮਹੀਨਿਆਂ ਦਾ ਬੱਚਾ ਵੀ ਹੈ।
ਇਸ ਦੀਆਂ ਵੀਡੀਓਜ਼ ਵਿਚ ਇਸਦਾ ਘਰ ਵਾਲਾ ਵੀ ਅਕਸਰ ਨਾਲ ਦਿਖ਼ਾਈ ਦਿੰਦਾ ਹੈ। ਕਥਿਤ ਧਮਕੀਆਂ ਤੋਂ ਬਾਅਦ ਸਫ਼ਾਈ ਲਈ ਪਾਈ ਵੀਡੀਓ ਵਿਚ ਪ੍ਰੀਤ ਜੱਟੀ ਨੇ ਦਾਅਵਾ ਕੀਤਾ ਹੈ ਕਿ ਉਸਦੇ ਵੱਲੋਂ ਅਸ਼ਲੀਲ ਜਾਂ ਕੋਈ ਗਲਤ ਵੀਡੀਓ ਨਹੀਂ ਪਾਈ ਜਾਂਦੀ, ਬਲਕਿ ਚਾਰ-ਪੰਜ ਮਹੀਨੇ ਪਹਿਲਾਂ ਕੁੱਝ ਐਸਟਰੋਲਜ਼ੀ ਵਾਲੇ ਦੀ ਪਾਈ ਵੀਡੀਓ ’ਤੇ ਧਮਕੀ ਆਈ ਸੀ, ਜਿਸਤੋਂ ਬਾਅਦ ਉਸਨੇ ਇਸਨੂੰ ਹਟਾ ਦਿੱਤਾ ਸੀ ਪ੍ਰੰਤੂ ਇਸਦੇ ਬਾਵਜੂਦ ਉਸਨੂੰ ਧਮਕੀਆਂ ਆ ਰਹੀਆਂ ਹਨ।
ਇਹ ਵੀ ਪੜ੍ਹੋ ਇੱਕ ਹੋਰ ਪਤਨੀ ਨੇ ‘ਆਸ਼ਕ’ ਹੱਥੋਂ ਕਰਵਾਇਆ ਪਤੀ ਦਾ ਕ.ਤ+ਲ, ਪੁਲਿਸ ਨੇ ਘੰਟਿਆਂ ’ਚ ਕੀਤੇ ਕਾਬੂ
ਜਿਕਰਯੋਗ ਹੈ ਕਿ ਪੰਜਾਬ ਦੇ ਵਿਚ ਇੰਨੀਂ ਦਿਨੀਂ ਸ਼ੋਸਲ ਮੀਡੀਆ ਰਾਹੀਂ ਸੌਖੇ ਤਰੀਕੇ ਨਾਲ ਪੈਸੇ ਕਮਾਉਣ ਦਾ ‘ਰਿਵਾਜ਼’ ਚੱਲਿਆ ਹੋਇਆ ਹੈ, ਜਿਸਦੇ ਵਿਚ ਬਹੁਤ ਸਾਰੇ ਨੌਜਵਾਨ ਤਾਂ ਆਪਣੀਆਂ ਘਰ ਵਾਲੀਆਂ ਨੂੰ ਵੀ ਨਾਲ ਰੱਖ ਰਹੇ ਹਨ।
ਇੰਨ੍ਹਾਂ ਵਿਚੋਂ ਜਿਆਦਾਤਰ ਵੀਡੀਓਜ਼ ਦੇ ਵਿਚ ਦੋ-ਅਰਥੀ ਤੇ ਅਸ਼ਲੀਲ ਅਰਥਾਂ ਵਾਲੀਆਂ ਹੁੰਦੀਆਂ ਹਨ ਤੇ ਇਹੀਂ ਕਾਰਨ ਕੰਚਨ ਤਿਵਾੜੀ ਉਰਫ਼ ਕਮਲ ਭਾਬੀ ਦੀ ਮੌਤ ਦਾ ਮੁੱਖ ਕਾਰਨ ਬਣਿਆ ਦਸਿਆ ਜਾ ਰਿਹਾ। ਜਿਸਦੇ ਮਾਮਲੇ ਵਿਚ ਬਠਿੰਡਾ ਪੁਲਿਸ ਵੱਲੋਂ ਸਿੱਖ ਆਗੂ ਭਾਈ ਅੰਮ੍ਰਿਤਪਾਲ ਸਿੰਘ ਮਹਿਰੋ ਦੇ ਦੋ ਸਾਥੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
