Bathinda News: Bathinda ਨਗਰ ਨਗਮ ਦੇ Mayor ਪਦਮਜੀਤ ਮਹਿਤਾ ਦੇ ਨਾਂ ‘ਤੇ ਇੱਕ ਠੱਗ ਕਿਸਮ ਦੇ ਨੌਜਵਾਨ ਵੱਲੋਂ ਠੱਗੀ ਦੀ ਕੋਸ਼ਿਸ਼ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਪੁਲਿਸ ਨੇ ਸਿਕਾਇਤ ਮਿਲਦੇ ਹੀ ਇਸ ਤੇਜ਼-ਤਰਾਰ ਠੱਗ ਨੁੰ ਗ੍ਰਿਫਤਾਰ ਕਰ ਲਿਆ ਹੈ। ਮਾਮਲੇ ਦੀ ਜਾਣਕਾਰੀ ਦਿੰਦਿਆਂ ਡੀਐਸਪੀ ਸਿਟੀ ਅੰਮ੍ਰਿਤਪਾਲ ਸਿੰਘ ਭਾਟੀ ਨੇ ਦਸਿਆ ਕਿ ਲੰਘੀ 19 ਜਨਵਰੀ ਨੂੰ ਆਰ.ਕੇ ਮਨੀ ਟ੍ਰਾਂਸਫ਼ਰ ‘ਤੇ ਕੰਮ ਕਰਦੇ ਰਵੀ ਕੁਮਾਰ ਨੁੰ ਫ਼ੋਨ ਆਇਆ ਸੀ, ਜਿਸਦੇ ਵਿਚ ਫ਼ੋਨ ਕਰਨ ਵਾਲੇ ਵਿਅਕਤੀ ਨੇ ਦਾਅਵਾ ਕੀਤਾ ਕਿ ਉਨ੍ਹਾਂ ਨਾਲ ਬਠਿੰਡਾ ਨਗਰ ਨਿਗਮ ਦੇ ਮੇਅਰ ਪਦਮਜੀਤ ਮਹਿਤਾ ਗੱਲ ਕਰਨਗੇ, ਜਿਸਤੋਂ ਬਾਅਦ ਨਕਲੀ ਮਹਿਤਾ ਬਣ ਕੇ ਉਸੇ ਵਿਅਕਤੀ ਨੇ ਹੀ ਉਸਨੂੰ ਦਿੱਲੀ ਯੂਨੀਵਰਸਿਟੀ ਵਿਚ ਪੈਸੇ ਟ੍ਰਾਂਸਫਰ ਕਰਨ ਬਾਰੇ ਪੁੱਛਿਆ। ਪ੍ਰੰਤੂ ਸਿਕਾਇਤਕਰਤਾ ਨੁੰ ਸ਼ੱਕ ਹੋਇਆ ਤਾਂ ਉਸਨੇ ਜਵਾਬ ਦੇ ਦਿੱਤਾ ਅਤੇ ਗੱਲ ਮੇਅਰ ਮਹਿਤਾ ਤੱਕ ਪੁੱਜੀ। ਜਿਸਤੋਂ ਬਾਅਦ ਪੁਲਿਸ ਨੇ ਜਾਂਚ ਸ਼ੁਰੂ ਕੀਤੀ ਤੇ ਅੱਜ ਭਲਿੰਦਰ ਸਿੰਘ ਨਾਂ ਦੇ ਨੌਜਵਾਨ ਨੂੰ ਕਾਬੂ ਕੀਤਾ ਗਿਆ। ਡੀਐਸਪੀ ਭਾਟੀ ਮੁਤਾਬਕ ਪੁੱਛਪੜਤਾਲ ਦੌਰਾਨ ਗਲ ਸਾਹਮਣੇ ਆਈ ਹੈ ਕਿ ਉਕਤ ਨੌਜਵਾਨ ਵਿਰੁਧ ਇਸੇ ਤਰ੍ਹਾਂ ਠੱਗੀ ਦੇ 10 ਪਰਚੇ ਦਰਜ਼ ਹਨ ਤੇ ਵੱਡੀਆਂ ਸਖ਼ਸੀਅਤਾਂ ਦੇ ਨਾਂ ‘ਤੇ ਇਹ ਠੱਗੀਆਂ ਮਾਰਦਾ ਸੀ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
