👉ਕਿਹਾ, ਸ਼ਹਿਰ ਦੇ ਵਿਕਾਸ ਲਈ ਬੱਸ ਸਟੈਂਡ ਦੇ ਨਾਲ ਹੋਰ ਪ੍ਰੋਜੈਕਟਾਂ ਨੂੰ ਦਿੱਤੀਆਂ ਜਾ ਰਹੀਆਂ ਹਨ ਅੰਤਿਮ ਛੋਹਾਂ
Bathinda News: ਪਿਛਲੇ ਕਰੀਬ ਦੋ ਹਫ਼ਤਿਆਂ ਤੋਂ ਬਠਿੰਡਾ ’ਚ ਨਵੇਂ ਬੱਸ ਅੱਡੇ ਨੂੰ ਲੈ ਕੇ ਚੱਲ ਰਹੇ ਸੰਘਰਸ਼ ਤੇ ਵਿਵਾਦ ਦੌਰਾਨ ਹੁਣ ਬਠਿੰਡਾ ਸ਼ਹਿਰੀ ਹਲਕੇ ਦੇ ਵਿਧਾਇਕ ਜਗਰੂਪ ਸਿੰਘ ਗਿੱਲ ਨੇ ਅਹਿਮ ਐਲਾਨ ਕੀਤਾ ਹੈ। ਉਨ੍ਹਾਂ ਵਿਰੋਧੀਆਂ ਵੱਲੋਂ ਮਲੋਟ ਰੋਡ ’ਤੇ ਇਹ ਬੱਸ ਅੱਡਾ ਬਣਾਉਣ ਪਿੱਛੇ ਆਪਣੀ ਕਿਸੇ ਕਲੌਨੀ ਨੂੰ ਫ਼ਾਈਦਾ ਪਹੁੰਚਾਉਣ ਦੇ ਲਗਾਏ ਜਾ ਰਹੇ ਦੋਸ਼ਾਂ ਨੂੰ ਸਿਰੇ ਤੋਂ ਨਕਾਰਦਿਆਂ ਦਾਅਵਾ ਕੀਤਾ ਕਿ ਉਸਦੀ ਮਲੋਟ ਰੋਡ ’ਤੇ ਇੱਕ ਇੰਚ ਜਮੀਨ ਵੀ ਨਹੀਂ ਹੈ। ਉਨ੍ਹਾਂ ਇਸ ਮੌਕੇ ਇਹ ਵੀ ਐਲਾਨ ਕੀਤਾ, ‘‘ ਜੇਕਰ ਕੋਈ ਵਿਅਕਤੀ ਉਸਦੀ ਮਲੋਟ ਰੋਡ ’ਤੇ ਜਮੀਨ ਲੱਭ ਕੇ ਲਿਆਵੇਗਾ ਤਾਂ ਉਸ ਜਮੀਨ ਦੀ ਰਜਿਸਟਰੀ ਉਸ ਵਿਅਕਤੀ ਦੇ ਨਾਮ ਕਰਵਾ ਦੇਵੇਗਾ। ’’
ਇਹ ਵੀ ਪੜ੍ਹੋ Police ਦਾ ਥਾਣੇਦਾਰ ਬਠਿੰਡਾ ਜੇਲ੍ਹ ‘ਚ ਚਿੱਟਾ ਸਪਲਾਈ ਕਰਦਾ ਕਾਬੂ
ਸ਼ਨੀਵਾਰ ਨੂੰ ਬਠਿੰਡਾ ਦੇ ਸਰਕਟ ਹਾਊਸ ਵਿਚ ਸ਼ਹਿਰ ਦੇ ਵਿਕਾਸ ਕਾਰਜ਼ਾਂ ਨੂੰ ਲੈ ਕੇ ਕੀਤੇ ਜਾਣ ਵਾਲੇ ਕੰਮਾਂ ਸਬੰਧੀ ਰੱਖੀ ਇੱਕ ਪ੍ਰੈੱਸ ਕਾਨਫਰੰਸ ਨੂੰ ਸੰਬੋਧਨ ਕਰਦਿਆਂ ਬਠਿੰਡਾ ਸ਼ਹਿਰੀ ਦੇ ਵਿਧਾਇਕ ਨੇ ਬਠਿੰਡਾ ਦੇ ਬੱਸ ਅੱਡੇ ਨੂੰ ਬੇਲੋੜੇ ਵਿਵਾਦ ਨਾਲ ਜੋੜੇ ਜਾਣ ’ਤੇ ਦੁੱਖ ਪ੍ਰਗਟ ਕਰਦਿਆਂ ਸਪਸੱਟ ਕੀਤਾ ਕਿ ਸ਼ਹਿਰ ਦੇ ਵਿਕਾਸ ਲਈ ਬਠਿੰਡਾ ਦਾ ਬੱਸ ਅੱਡਾ ਮਲੋਟ ਰੋਡ ’ਤੇ ਹੀ ਬਣੇਗਾ।
ਉਨ੍ਹਾਂ ਕਿਹਾ ਕਿ ਬੱਸ ਸਟੈਂਡ ਲੋਕਾਂ ਦੀ ਮੰਗ ਅਤੇ ਸ਼ਹਿਰ ਦੇ ਭਵਿੱਖ ਨੂੰ ਦੇਖਦਿਆਂ ਸ਼ਹਿਰ ਦੇ ਬਾਹਰ ਬਣਾਇਆ ਜਾ ਰਿਹਾ ਜਦੋਂ ਕਿ ਪੁਰਾਣਾ ਬੱਸ ਸਟੈਂਡ ਪਹਿਲਾਂ ਦੀ ਤਰ੍ਹਾਂ ਇੱਥੇ ਮੌਜੂਦ ਰਹੇਗਾ, ਜਿੱਥੋਂ ਲੋਕਲ ਅਤੇ ਆਸਪਾਸ ਦੇ ਸ਼ਹਿਰਾਂ ਲਈ ਬੱਸਾਂ ਚੱਲਦੀਆਂ ਰਹਿਣਗੀਆਂ। ਉਨ੍ਹਾਂ ਕਿਹਾ ਸ਼ਹਿਰ ਦੇ ਵਿਕਾਸ ਲਈ ਇਕੱਲਾ ਬੱਸ ਅੱਡਾ ਹੀ ਨਹੀਂ, ਬਲਕਿ ਹੋਰ ਵੀ ਬਹੁਤ ਸਾਰੇ ਕੰਮ ਚੱਲ ਰਹੇ ਹਨ, ਜਿੰਨ੍ਹਾਂ ਨੂੰ ਸਰਕਾਰ ਤੋਂ ਕਰਵਾਇਆ ਜਾ ਰਿਹਾ।
ਇਹ ਵੀ ਪੜ੍ਹੋ ਬਠਿੰਡਾ ਸ਼ਹਿਰ ’ਚ ਦੋਹਰਾ ਕ+ਤਲ; ਮੁੰਡੇ ਨੇ ਕੁੜੀ ਦਾ ਕ.ਤਲ ਕਰਨ ਤੋਂ ਬਾਅਦ ਗੋ+ਲੀ ਮਾਰ ਕੇ ਕੀਤੀ ਖੁਦਕਸ਼ੀ
ਇੰਨ੍ਹਾਂ ਕੰਮਾਂ ਵਿਚ ਬਠਿੰਡਾ ਦੇ ਮਲੋਟ ਰੋਡ ’ਤੇ ਬਣਨ ਵਾਲਾ 100 ਬੈੱਡ ਦਾ ਈਐਸਆਈ ਦਾ ਹਸਪਤਾਲ ਅਤੇ ਬਠਿੰਡਾ ਦੇ ਰੇਲਵੇ ਪਾਰ ਕਲੋਨੀਆਂ ਨੂੰ ਜੋੜਨ ਲਈ ਬਣਾਏ ਜਾ ਰਹੇ ਪੁੱਲ ਵੀ ਸ਼ਾਮਲ ਹਨ। ਵਿਧਾਇਕ ਗਿੱਲ ਨੇ ਦਾਅਵਾ ਕੀਤਾ ਕਿ ਮਲਤਨੀਆਂ ਰੋਡ ’ਤੇ ਬਣ ਰਿਹਾ ਓਵਰ ਬਰਿੱਜ ਸਤੰਬਰ ਤੱਕ ਚੱਲ ਜਾਵੇਗਾ ਅਤੇ ਅਮਰਪੁਰਾ ਬਸਤੀ ਉਪਰ ਬਣ ਰਿਹਾ ਪੁਲ ਇਸੇ ਮਹੀਨੇ ਵਿਚ ਤਿਆਰ ਹੋ ਜਾਵੇਗਾ।
ਸ: ਗਿੱਲ ਨੇ ਕਿਹਾ ਕਿ ਲਾਈਨੋਪਾਰ ਇਲਾਕੇ ਨੂੰ ਰੇਲਵੇ ਫ਼ਾਟਕਾਂ ਤੋਂ ਨਿਜ਼ਾਤ ਦਿਵਾਉਣ ਦੇ ਲਈ ਉਨ੍ਹਾਂ ਪਹਿਲੇ ਦਿਨ ਤੋਂ ਹੀ ਤਿਆਰੀ ਕੀਤੀ ਹੋਈ ਸੀ, ਜਿਸਦੇ ਚੱਲਦੇ ਕੇਂਦਰੀ ਰੇਲਵੇ ਵਿਭਾਗ ਤੋਂ ਲੈ ਕੇ ਪੰਜਾਬ ਸਰਕਾਰ ਦੇ ਸਬੰਧਤ ਵਿਭਾਗਾਂ ਤੱਕ ਇੰਨ੍ਹਾਂ ਦੀ ਪੈਰਵੀਂ ਕੀਤੀ ਗਈ। ਉਨ੍ਹਾਂ ਇਹ ਵੀ ਦਸਿਆ ਕਿ ਜਨਤਾ ਨਗਰ ਵਿਚ ਸਰਹਿੰਦ ਨਹਿਰ ਦੇ ਕੋਲ ਫ਼ਿਰੋਜਪੁਰ ਰੇਲਵੇ ਲਾਈਨ ਉਪਰ ਪੁਲ ਬਣਾਉਣ ਦੇ ਲਈ ਪੂਰੀ ਕੋਸ਼ਿਸ ਕੀਤੀ ਜਾ ਰਹੀ ਹੈ। ਇਸਦੇ ਲਈ ਕੱਟੇ ਜਾਣ ਵਾਲੇ ਦਰੱਖਤਾਂ ਦੇ ਬਦਲੇ ਜਮੀਨ ਦਿੱਤੀ ਗਈ ਹੈ। ਇਸਤੋਂ ਇਲਾਵਾ ਅਬੋਹਰ ਰੇਲਵੇ ਲਾਈਨ ’ਤੇ ਵੀ ਓਵਰਬ੍ਰਿਜ ਬਣਾਉਣ ਲਈ ਹਰ ਸੰਭਵ ਕੋਸ਼ਿਸ ਕੀਤੀ ਜਾ ਰਹੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
