Bathinda News: ਬਠਿੰਡਾ ’ਚ ਸ਼ਨੀਵਾਰ ਨੂੰ ਬਾਅਦ ਦੁਪਿਹਰ ਸ਼ਹਿਰ ਦੇ ਪਰਸਰਾਮ ਨਗਰ ’ਚ ਦੋਹਰਾ ਕਤਲ ਹੋਣ ਦੀ ਖ਼ਬਰ ਸਾਹਮਣੇ ਆਈ ਹੈ।ਇੱਥੇ ਸਿਵ ਮੰਦਿਰ ਵਾਲੀ ਗਲੀ ’ਚ ਇੱਕ ਨੌਜਵਾਨ ਵੱਲੋਂ ਆਪਣੀ ਦੋਸਤ ਕੁੜੀ ਦਾ ਗੋਲੀ ਮਾਰ ਕੇ ਕਤਲ ਕਰਨ ਤੋਂ ਬਾਅਦ ਖ਼ੁਦਕਸੀ ਕਰ ਲਈ ਗਈ। ਘਟਨਾ ਦਾ ਪਤਾ ਚੱਲਦੇ ਹੀ ਪੁਲਿਸ ਵੱਲੋਂ ਮੌਕੇ ’ਤੇ ਪੁੱਜ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਥਾਣਾ ਕੈਨਾਲ ਕਲੌਨੀ ਦੇ ਮੁਖੀ ਇੰਸਪੈਕਟਰ ਹਰਜੀਵਨ ਸਿੰਘ ਨੇ ਘਟਨਾ ਦੀ ਪੁਸ਼ਟੀ ਕਰਦਿਆਂ ਦਸਿਆ ਕਿ ਨੌਜਵਾਨ ਦੀ ਪਹਿਚਾਣ ਹਿਤੈਸ਼ (23 ਸਾਲ) ਪੁੱਤਰ ਮਦਨ ਲਾਲ ਵਾਸੀ ਗੰਗਾਨਗਰ ਅਤੇ ਕੁੜੀ ਦੀ ਪਹਿਚਾਣ ਕਸ਼ਿਸ਼ (17 ਸਾਲ) ਪੁੱਤਰੀ ਮੋਨਿਕਾ ਵਾਸੀ ਸਿਵ ਮੰਦਿਰ ਵਾਲੀ ਗਲੀ ਵਜੋਂ ਹੋਈ ਹੈ।
ਇਹ ਵੀ ਪੜ੍ਹੋ ਗਿੱਦੜਬਾਹਾ ’ਚ ਪੰਜਾਬ ਬੀਜ਼ ਭੰਡਾਰ ਗੋਦਾਮ ਸੀਲ, ਫਰਮ ਖਿਲਾਫ ਪਰਚਾ ਦਰਜ
ਮ੍ਰਿਤਕ ਨੌਜਵਾਨ ਦੀ ਇਸ ਕੁੜੀ ਨਾਲ ਦੋਸਤੀ ਸੀ ਤੇ ਉਹ ਅਕਸਰ ਹੀ ਇੱਥੇ ਉਨ੍ਹਾਂ ਦੇ ਘਰ ਆਇਆ-ਜਾਇਆ ਕਰਦਾ ਸੀ। ਕੁੜੀ ਵੀ ਗੰਗਾਨਗਰ ਵਿਚ ਪੜਾਈ ਕਰਕੇ ਆਈ ਸੀ, ਜਿਸਦੇ ਚੱਲਦੇ ਉਸਦੀ ਹਿਤੈਸ਼ ਨਾਲ ਦੋਸਤੀ ਸੀ। ਬਠਿੰਡਾ ’ਚ ਕੁੜੀ ਅਤੇ ਉਸਦੀ ਮਾਂ ਇਕੱਲੀਆਂ ਹੀ ਰਹਿੰਦੀਆਂ ਸਨ। ਦਸਿਆ ਜਾ ਰਿਹਾ ਕਿ ਘਟਨਾ ਤੋਂ ਪਹਿਲਾਂ ਕੁੜੀ ਦੇ ਘਰ ਵਿਚ ਹੀ ਦੋਨਾਂ ਵਿਚਕਾਰ ਕੋਈ ਤਕਰਾਰ ਹੋਈ, ਜਿਸਤੋਂ ਬਾਅਦ ਗੁੱਸੇ ਵਿਚ ਆਏ ਹਿਤੈਸ਼ ਨੇ ਪਹਿਲਾਂ ਕਸ਼ਿਸ ਨੂੰ ਗੋਲੀ ਮਾਰ ਦਿੱਤੀ ਤੇ ਉਸਤੋਂ ਬਾਅਦ ਆਪਣੇ ਗੋਲੀ ਮਾਰ ਲਈ। ਹਿਤੈਸ਼ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ ਜਦਕਿ ਕੁੜੀ ਨੇ ਸਿਵਲ ਹਸਪਤਾਲ ਵਿਚ ਜਾ ਕੇ ਦਮ ਤੋੜ ਦਿੱਤਾ। ਫ਼ਿਲਹਾਲ ਪੁਲਿਸ ਵੱਲੋਂ ਮਾਮਲੇ ਦੀ ਡੂੁੰਘਾਈ ਨਾਲ ਜਾਂਚ ਕੀਤੀ ਜਾ ਰਹੀ ਹੈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp group & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎️ ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
