Bathinda News: Bathinda Municipal Corporation (ਬਠਿੰਡਾ ਨਗਰ ਨਿਗਮ) ਦੀ ਮਿਆਦ ਆਗਾਮੀ 11 ਅਪ੍ਰੈਲ 2026 ਨੂੰ ਖ਼ਤਮ ਹੋਣ ਜਾ ਰਹੀ ਹੈ। ਪੰਜਾਬ ਸਰਕਾਰ ਵੱਲੋਂ ਬੀਤੀ ਸ਼ਾਮ ਇਸ ਸਬੰਧੀ ਨੋਟੀਫਿਕੇਸ਼ਨ ਜਾਰੀ ਕਰ ਦਿੱਤਾ ਗਿਆ ਹੈ ਤੇ 12 ਅਪ੍ਰੈਲ ਤੋਂ ਨਗਰ ਨਿਗਮ ਦੇ ਕਮਿਸ਼ਨਰ ਬਤੌਰ ਪ੍ਰਸ਼ਾਸਕ ਇਸਦਾ ਕਾਰਜ਼ਕਾਰ ਸੰਭਾਲ ਲੈਣਗੇ। ਮੌਜੂਦਾ ਹਾਊਸ ਦੀ ਅੱਜ ਆਖ਼ਰੀ ਮੀਟਿੰਗ ਵੀ ਹੋਈ, ਜਿਸ ਵਿਚ ਸ਼ਹਿਰ ਦੇ ਵਿਕਾਸ ਕੰਮਾਂ ਸਮੇਤ ਹੋਰ ਮਹੱਤਵਪੂਰਨ ਮਤਿਆ ਨੂੰ ਪਾਸ ਕੀਤਾ ਗਿਆ।
ਇਹ ਵੀ ਪੜ੍ਹੋ ਜਿਲਾ ਕਾਂਗਰਸ ਕਮੇਟੀ ਬਠਿੰਡਾ ਸ਼ਹਿਰੀ ਵੱਲੋਂ 51 ਮੈਂਬਰੀ ਅਹੁਦੇਦਾਰਾਂ ਦੀ ਲਿਸਟ ਜਾਰੀ
ਦਸਣਾ ਬਣਦਾ ਹੈ ਕਿ 50 ਵਾਰਡਾਂ ਵਾਲੇ ਬਠਿੰਡਾ ਨਗਰ ਨਿਗਮ ਦੀ ਚੋਣ 14 ਫ਼ਰਵਰੀ 2021 ਨੂੰ ਹੋਈ ਸੀ ਪ੍ਰੰਤੂ ਇਸਦੇ ਜਨਰਲ ਹਾਊਸ ਦੀ ਪਹਿਲੀ ਮੀਟਿੰਗ ਅਪ੍ਰੈਲ 2021 ਦੇ ਦੂਜੇ ਹਫ਼ਤੇ ਹੋਈ ਸੀ, ਜਿਸਦੇ ਚੱਲਦੇ ਹੁਣ 11 ਅਪ੍ਰੈਲ ਨੁੰ ਨਿਗਮ ਦੇ ਜਨਰਲ ਹਾਊਸ ਦਾ ਪੰਜ ਸਾਲਾਂ ਕਾਰਜ਼ਕਾਲ ਖ਼ਤਮ ਹੋਣ ਜਾ ਰਿਹਾ। ਜਿਸਦੇ ਚੱਲਦੇ ਪੰਜਾਬ ਸਰਕਾਰ ਦੇ ਸਥਾਨਕ ਸਰਕਾਰਾਂ ਵਿਭਾਗ ਵੱਲੋਂ ਸੂਬੇ ਦੇ ਬਾਕੀ 8 ਨਗਰ ਨਿਗਮ ਤੇ 100 ਤੋਂ ਵੱਧ ਨਗਰ ਕੋਂਸਲਾਂ ਦੇ ਨਾਲ ਹੀ ਇੱਥੇ ਪ੍ਰਸ਼ਾਸਕ ਨਿਯੁਕਤ ਕਰਨ ਸਬੰਧੀ ਨੋਟੀਫਿਕੇਸ਼ਨ ਕੀਤਾ ਹੈ।
ਇਹ ਵੀ ਪੜ੍ਹੋ ਵੱਡੀ ਖ਼ਬਰ; ਨਵਜੋਤ ਸਿੱਧੂ ਵੱਲੋਂ ਨਵੇਂ ‘ਪਲੇਟਫ਼ਾਰਮ’ ਦਾ ਐਲਾਨ !
ਗੌਰਤਲਬ ਹੈ ਕਿ 14 ਅਪ੍ਰੈਲ 2021 ਨੂੰ ਰਮਨ ਗੋਇਲ ਮੌਜੂਦਾ ਜਨਰਲ ਹਾਊਸ ਵੱਲੋਂ ਪਹਿਲੀ ਮਹਿਲਾ ਮੇਅਰ ਵਜੋਂ ਚੁਣੀ ਗਈ ਸੀ ਪ੍ਰੰਤੁ ਮਨਪ੍ਰੀਤ ਬਾਦਲ ਦੇ ਕਾਂਗਰਸ ਛੱਡ ਜਾਣ ਕਾਰਨ ਮੇਅਰ ਗੋਇਲ ਨੁੰ ਵੀ 15 ਨਵੰਬਰ 2023 ਨੂੰ ਆਪਣੀ ਮੇਅਰਸ਼ਿਪ ਗਵਾਉਣੀ ਪਈ ਸੀ, ਕਿਉਂਕਿ ਕਾਂਗਰਸ ਦੇ ਬਹੁਮਤ ਵਾਲੇ ਜਨਰਲ ਹਾਊਸ ਵੱਲੋਂ ਉਨ੍ਹਾਂ ਨੂੰ ਬੇਭਰੋਸਗੀ ਦਾ ਮਤਾ ਪਾ ਕੇ ਹਟਾ ਦਿੱਤਾ ਸੀ। ਇਸ ਦੌਰਾਨ ਕਰੀਬ ਸਵਾ ਸਾਲ ਮੇਅਰ ਦੀ ਕੁਰਸੀ ਖਾਲੀ ਰਹੀ ਪ੍ਰੰਤੂ 5 ਫ਼ਰਵਰੀ 2025 ਨੂੰ ਆਮ ਆਦਮੀ ਪਾਰਟੀ ਦੀ ਟਿਕਟ ‘ਤੇ ਵਾਰਡ ਨੰਬਰ 48 ਦੀ ਉੱਪ ਚੋਣ ਜਿੱਤ ਕੇ ਆਏ ਪਦਮਜੀਤ ਸਿੰਘ ਮਹਿਤਾ ਨੂੰ ਹੁਣ ਤੱਕ ਦੇ ਸਭ ਤੋਂ ਨੌਜਵਾਨ ਮੇਅਰ ਬਣਨ ਦਾ ਮਾਣ ਹਾਸਲ ਹੋਇਆ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਹੇਠ ਦਿੱਤੇ Link ਉੱਪਰ Click ਕਰੋ।
Whatsapp Channel 👉 🛑https://whatsapp.com/channel/0029VbBYZTe89inflPnxMQ0A
Whatsapp Group👉 🛑https://chat.whatsapp.com/EK1btmLAghfLjBaUyZMcLK
Telegram Channel👉 🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 98786-15057 ‘ਤੇ ਸੰਪਰਕ ਕਰੋ।
