👉ਮਾਮਲੇ ਦੀ ਸਿਕਾਇਤ ਜਲਦ ਹੀ ਵਿਜੀਲੈਂਸ ਨੂੰ ਕੀਤੇ ਜਾਣ ਦੀਆਂ ਕੰਨਸੋਆਂ
Bathinda News: ਬਠਿੰਡਾ ਨਗਰ ਨਿਗਮ ਦੇ ਦੋ ਦਿਨ ਪਹਿਲਾਂ ਬਦਲੇ ਗਏ ਕਮਿਸ਼ਨਰ ਨੇ ‘ਕੁਰਸੀ’ ਛੱਡਣ ਤੋਂ ਪਹਿਲਾਂ ਇੱਕ ਵੱਡੀ ਕਾਰਵਾਈ ਕਰਦਿਆਂ ਸ਼ਹਿਰ ਦਾ ਦਿਲ ਮੰਨੇ ਜਾਂਦੇ ਇਲਾਕੇ ਵਿਚ ਕਰੋੜਾਂ ਦੀ ਜਾਇਦਾਦ ਤੋ’ ਹੱਕ ਛੱਡਣ ਦੇ ਮਾਮਲੇ ‘ਚ ਨਿਗਮ ਦੇ ਇੱਕ ਸੁਪਰਡੈਂਟ ਨੂੰ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤਾ ਹੈ। ਮਾਮਲਾ ਮੁੜ ਉਠਦਿਆਂ ਕੁੱਝ ਕੌਸਲਰਾਂ ਤੇ ਸ਼ਹਿਰ ਦੇ ਸਮਾਜ ਸੇਵੀਆਂ ਨੇ ਇਸ ਮਾਮਲੇ ਦੀ ਵਿਜੀਲੈਂਸ ਤੋਂ ਜਾਂਚ ਪੜਤਾਲ ਮੰਗਦਿਆਂ ਘਟਨਾਕ੍ਰਮ ਵਿਚ ਸ਼ਾਮਲ ਨਿਗਮ ਦੇ ਹੋਰਨਾਂ ਉੱਚ ਅਧਿਕਾਰੀਆਂ ਦੀ ਭੂਮਿਕਾ ਵੀ ਸਾਹਮਣੇ ਲਿਆਉਣ ਦੀ ਮੰਗ ਕੀਤੀ ਹੈ।
ਇਹ ਵੀ ਪੜ੍ਹੋ 30000 ਰੁਪਏ ਰਿਸ਼ਵਤ ਲੈਂਦਾ ਹੌਲਦਾਰ ਵਿਜੀਲੈਂਸ ਬਿਊਰੋ ਵੱਲੋਂ ਰੰਗੇ ਹੱਥੀਂ ਕਾਬੂ
ਸੂਚਨਾ ਮੁਤਾਬਕ ਇਸ ਮਾਮਲੇ ਨੂੰ ਅੰਜਾਮ ਤੱਕ ਪਹੁੰਚਾਉਣ ਦੇ ਲਈ ਕੁੱਝ ਲੋਕਾਂ ਵੱਲੋਂ ਜਲਦ ਹੀ ਵਿਜੀਲੈਂਸ ਨੂੰ ਉੱਚ ਪੱਧਰੀ ਜਾਂਚ ਦੀ ਮੰਗ ਕਰਨ ਲਈ ਸਿਕਾਇਤ ਵੀ ਦਿੱਤੀ ਜਾ ਰਹੀ ਹੈ। ਨਿਗਮ ਦੇ ਉੱਚ ਸੂਤਰਾਂ ਮੁਤਾਬਕ ਮਾਮਲਾ ਮੁੜ ਊੱਠਣ ਤੋਂ ਬਾਅਦ ਕਈ ਅਧਿਕਾਰੀਆਂ ਵਿਚ ਘਬਰਾਹਟ ਪਾਈ ਜਾ ਰਹੀ। ਮਿਲੀ ਸੂਚਨਾ ਦੇ ਮੁਤਾਬਕ ਕਮਿਸ਼ਨਰ ਅਜੈ ਅਰੋੜਾ ਵੱਲੋਂ 27 ਜੂਨ ਨੂੰ ਇਸ ਸਬੰਧ ਵਿਚ ਨਗਰ ਨਿਗਮ ਦੇ ਸੁਪਰਡੈਂਟ ਕੁਲਵਿੰਦਰ ਸਿੰਘ ਨੂੰ ਇੱਕ ਕਾਰਨ ਦੱਸੋ ਨੋਟਿਸ ਜਾਰੀ ਕਰਕੇ ਤਿੰਨ ਦਿਨ ਵਿਚ ਜਵਾਬ ਦੀ ਮੰਗ ਕੀਤੀ ਹੈ।
ਇਹ ਵੀ ਪੜ੍ਹੋ ਸਿਰਫ 48 ਘੰਟਿਆਂ ਦੇ ਅੰਦਰ ਰਜਿਸਟਰੀ ਦੀ ਪ੍ਰਕਿਰਿਆ ਹੋਵੇਗੀ ਮੁਕੰਮਲ:ਡਿਪਟੀ ਕਮਿਸ਼ਨਰ
ਇਸ ਪੱਤਰ ਵਿਚ ਉਕਤ ਸੁਪਰਡੈਂਟ ਉਪਰ ਅਸਲ ਫ਼ਾਈਲ ਅਤੇ ਤੱਥਾਂ ਨੂੰ ਛੁਪਾਉਣ, ਅਦਾਲਤ ਵਿਚ ਕਾਰਵਾਈ ਦੌਰਾਨ ਮੂਕ ਦਰਸ਼ਨ ਬਣਨ ਅਤੇ ਉੱਚ ਅਧਿਕਾਰੀਆਂ ਨੂੰ ਗਲਤ ਜਾਣਕਾਰੀ ਦੇਣ ਦੇ ਗੰਭੀਰ ਦੋਸ਼ ਲਗਾਏ ਗਏ ਹਨ। ਇਸਤੋਂ ਇਲਾਵਾ ਤੁਰੰਤ ਅਸਲ ਫ਼ਾਈਲ ਪੇਸ਼ ਕਰਨ ਦੀ ਵੀ ਹਿਦਾਇਤ ਕੀਤੀ ਗਈ ਹੈ ਤੇ ਅਜਿਹਾ ਨਾ ਕਰਨ ‘ਤੇ ਮੁਕੱਦਮਾ ਦਰਜ਼ ਕਰਵਾਉਣ ਲਈ ਕਿਹਾ ਗਿਆ। ਜਿਕਰਯੋਗ ਹੈ ਕਿ ਨਗਰ ਨਿਗਮ ਵੱਲੋਂ ਗੋਲ ਡਿੱਗੀ ਦੇ ਸਾਹਮਣੇ ਐਸਐਸਡੀ ਸਕੂਲ ਲਈ ਜਮੀਨ ਨੂੰ ਲੀਜ਼ ‘ਤੇ ਦਿੱਤਾ ਹੋਇਆ ਸੀ, ਜਿਸਦੀ ਲੀਜ਼ ਮਨੀ ਵੀ 1949 ਤੋਂ ਲੈ ਕੇ 2017 ਤੱਕ ਭਰੀ ਜਾਂਦੀ ਰਹੀ। ਨਿਗਮ ਦੇ ਸੂਤਰਾਂ ਮੁਤਾਬਕ ਉਸਤੋਂ ਬਾਅਦ ਅਸਲ ਫ਼ਾਈਲ ਨੂੰ ਗਾਇਬ ਕਰਕੇ ਨਵੀਂ ਫ਼ਾਈਲ ਤਿਆਰ ਕਰ ਦਿੱਤੀ, ਜਿਸ ਵਿਚ ਬਹੁਤ ਘੱਟ ਜਗ੍ਹਾਂ ਲੀਜ਼ ਉਪਰ ਦਿਖਾਈ ਗਈ।
👉ਹੋਰ ਤਾਜ਼ੀਆਂ ਖ਼ਬਰਾਂ ਪੜ੍ਹਨ ਲਈ ਸਾਡੇ whatsapp & telegram group ਨਾਲ ਜੁੜੋਂ।
🛑https://chat.whatsapp.com/EK1btmLAghfLjBaUyZMcLK
🛑https://t.me/punjabikhabarsaarwebsite
☎ਨਿਊਜ਼ ਅਤੇ ਇਸ਼ਤਿਹਾਰਾਂ ਦੇ ਲਈ ਸਾਡੇ whatsapp number +91 94642-76483 ‘ਤੇ ਸੰਪਰਕ ਕਰੋ।
